Levítico 6:10 - Li Santil hu

¹⁰ Laj tij tixqꞌue li akꞌej lino chirix. Tixqꞌue lix ta lix cue̱x. Nak ac x-osoꞌ xcꞌatic li mayej, ta̱risi li cha li cuan saꞌ xbe̱n li artal ut tixqꞌue chixcꞌatk li artal.

Q'eqchi Bible

¹⁰ Laj tij tixlan rib' rik'in t'ikr ut tixk'e xta xwex malaj xyach'. Chirix chik a'an tixxok xchahil li xul li xk'atmank sa' xb'een li artal, ut tixk'e chi xk'atq li artal.

Levítico 6:10 ပူးပေါင်းရင်းမြစ်များ

Levítico 16:4

Tento nak tixqꞌue chirix li rakꞌ lino li kꞌaxtesinbil re li Dios, li narocsi laj tij. Tixqꞌue li rakꞌ li nim rok. Tixqꞌue ajcuiꞌ lix ta lix cue̱x. Tixqꞌue lix cꞌa̱mal xsaꞌ ut tixqꞌue ajcuiꞌ lix tꞌicr xbacꞌbal xjolom. Li tꞌicr aꞌin ac kꞌaxtesinbil re li Dios. Joꞌcan nak ta̱ati̱nk xbe̱n cua, tojoꞌnak tixqꞌue li rakꞌ chirix.

Apocalipsis 19:14

Nabaleb li cuanqueb saꞌ choxa yo̱queb chi ta̱ke̱nc re. Tikto̱queb riqꞌuin li saki tꞌicr lino ut sak ru. Yo̱queb chi xic chirix li cacua̱y sakeb rix.

Apocalipsis 19:8

Quiqꞌueheꞌ li cha̱bil lino re xtikibanquil rib. Sak ru li rakꞌ ut nalemtzꞌun. Li saki lino aꞌan retalil lix ti̱quilal xchꞌo̱leb li ralal xcꞌajol li Dios.

Apocalipsis 7:13

Ut jun reheb li ca̱hib xcaꞌcꞌa̱l li cꞌojcꞌo̱queb aran quixpatzꞌ cue: —¿Aniheb aꞌin li tikibanbileb riqꞌuin saki akꞌ? Ut, ¿bar xeꞌchal chak?—

Salmos 37:20

Abanan li incꞌaꞌ useb xnaꞌleb teꞌsachekꞌ. Li xicꞌ nequeꞌiloc re li Ka̱cuaꞌ teꞌosokꞌ joꞌ nak na-osoꞌ li chaki pim nak nacꞌateꞌ. Chanchaneb li sib li nasach saꞌ ikꞌ.

Salmos 20:3

Cꞌulbil taxak xban li Dios chixjunil la̱ mayej ut chicuulak taxak chiru la̱ cꞌatbil mayej nacaqꞌue.

Números 16:35

Ut li Ka̱cuaꞌ quixtakla li xam ut quixcꞌateb li cuib ciento riqꞌuin laje̱b roxcꞌa̱l (250) chi cui̱nk li queꞌcꞌatoc re li pom.

Números 16:21

—Elenkex saꞌ xya̱nkeb li tenamit aꞌin re nak tinsach ruheb chixjunileb saꞌ junpa̱t, chan.

Levítico 1:13

Li tixqꞌue xcꞌatbil mayej tixchꞌaj lix cꞌamcꞌot ut li raꞌ li xul. Ut laj tij tixmayeja chiru li Ka̱cuaꞌ ut tixqꞌue chixjunil saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ.

Levítico 1:9

Tixchꞌaj li cꞌamcꞌot ut li raꞌ li xul. Ut laj tij tixqꞌue chixjunil saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ.

Levítico 4:12

Chixjunil li relaꞌ li chꞌina toro tixcꞌam chirix li naꞌajej li cuanqueb cuiꞌ lix muheba̱leb li tenamit. Ut aran saꞌ li naꞌajej li moco muxbil ta tixcꞌat chixjunil saꞌ li naꞌajej li naqꞌueman cuiꞌ li cha.

Levítico 6:11

Chirix aꞌan ta̱risi li akꞌej lino chirix ut tixqꞌue jalan chic li rakꞌ chirix. Ut tixcꞌam li cha chirix li naꞌajej li cuanqueb cuiꞌ lix muheba̱leb li tenamit saꞌ li naꞌajej li incꞌaꞌ muxbil.

Levítico 8:2

—Ta̱xakabeb laj Aarón ut eb li ralal chi cꞌanjelac chokꞌ aj tij. Ta̱cꞌameb chiru li oqueba̱l re li tabernáculo. Ut ta̱cꞌam ajcuiꞌ li rakꞌeb laj tij ut li aceite re xqꞌuebal saꞌ xjolomeb. Ta̱cꞌam junak li toro li ta̱mayeja̱k re xtzꞌa̱manquil xcuybal lix ma̱queb. Ut ta̱cꞌameb ajcuiꞌ cuib li carner te̱lom ut li chacach li cuan cuiꞌ li caxlan cua li ma̱cꞌaꞌ xchꞌamal.

Ezequiel 44:19

Teꞌrisi li rakꞌ li cuan chirixeb nak xeꞌcꞌanjelac saꞌ li templo nak toj ma̱jiꞌ nequeꞌxic saꞌ li neba̱l li cuanqueb cuiꞌ li tenamit. Teꞌxcanab li rakꞌ li teꞌrisi chi saꞌ li templo saꞌ eb li naꞌajej santo. Teꞌxqꞌue jalan rakꞌeb chirix re nak incꞌaꞌ teꞌxsantobresi li tenamit riqꞌuin li rakꞌeb.

Levítico 2:11

Nak te̱qꞌue le̱ mayej cꞌaj chiru li Ka̱cuaꞌ, incꞌaꞌ te̱qꞌue xchꞌamal. Ma̱ jun li mayej ta̱cꞌatekꞌ chi cua̱nk xchꞌamal, chi moco te̱qꞌue li xyaꞌal cab.

Levítico 6:18

Chixjunileb li ralal laj Aarón naru teꞌxtzaca li tzacae̱mk aꞌin. Aꞌin jun li chakꞌrab cua̱nk chi junelic chokꞌ reheb. Eb aꞌan li naru teꞌtzaca̱nk re xcomoneb li mayej aꞌin li nequeꞌcꞌateꞌ chiru li Ka̱cuaꞌ. Cui li mayej aꞌin ta̱nak saꞌ xbe̱n cꞌaꞌak re ru, santobresinbil teꞌcana̱k.

Levítico 6:22

Ut laj tij li ta̱xakaba̱k chokꞌ re̱kaj laj Aarón saꞌ xya̱nkeb li ralal tixqꞌue li mayej aꞌin joꞌ quixba̱nu laj Aarón xban nak aꞌin jun xchakꞌrab li Ka̱cuaꞌ tento teꞌxba̱nu junelic. Ut ta̱cꞌatekꞌ chixjunil li mayej li tixqꞌue.

Levítico 21:22

Naru nequeꞌxtzaca li mayej caxlan cua li kꞌaxal lokꞌ ut li cꞌaꞌak re ru li santobresinbil,