Levítico 5:7 - Li Santil hu

⁷ Cui incꞌaꞌ tzꞌakal lix tumin re xlokꞌbal junak li sa̱j carner re xtzꞌa̱manquil xcuybal lix ma̱c chiru li Dios, tento nak tixqꞌue cuibak li mucuy malaj ut cuibak li paloma toj sa̱jeb. Jun tixqꞌue re xtojbal rix lix ma̱c ut jun tixqꞌue re ta̱cꞌatekꞌ.

Q'eqchi Bible

⁷ “Wi ink'a' tz'aqal xtumin re xloq'b'al junaq ch'ina karneer, tento tixk'am chiru li Qaawa' wiib'aq mukuy malaj ut wiib'aq k'ook'ob' re xtz'aamankil xkuyb'al li xmaak. Jun tixk'e re xtojb'al rix li xmaak ut li jun chik cho'q xk'atb'il mayej.

Levítico 5:7 ပူးပေါင်းရင်းမြစ်များ

Levítico 12:8

Cui li ixk incꞌaꞌ ta̱ru̱k xlokꞌbal li carner, naru tixqꞌue cuib li mucuy malaj ut cuib li paloma toj sa̱jeb. Jun tixqꞌue re li cꞌatbil mayej ut li jun chic tixqꞌue re nak incꞌaꞌ chic muxbil ru. Chi joꞌcaꞌin laj tij tixtoj rix lix ma̱c ut li ixk ta̱santobresi̱k riqꞌuin lix yajel.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

2 Corintios 8:12

Li ani na-ala saꞌ xchꞌo̱l xqꞌuebal xmayej, li Dios naxcꞌul lix mayej aꞌ yal joꞌ nimal cuan chiru. Li Dios incꞌaꞌ naxpatzꞌ li ma̱cꞌaꞌ chiru.

San Mateo 3:16

Ut nak ac xcubsi̱c xhaꞌ li Jesús, qui-el chak saꞌ li haꞌ. Ut saꞌ junpa̱t quiteli li choxa chiru ut quiril li Santil Musikꞌej chanchan jun li paloma nak yo̱ chak chi cubec saꞌ xbe̱n li Jesús.

Levítico 14:31

Jun tixmayeja re xtzꞌa̱manquil xcuybal lix ma̱c ut li jun chic tixmayeja re li cꞌatbil mayej rochben lix mayej cꞌaj. Chi joꞌcan tixba̱nu laj tij re xtojbal rix lix ma̱c li xqꞌuira.

San Lucas 2:24

Ut teꞌxqꞌue chokꞌ xmayejeb jun sumalak li mucuy malaj ut cuibak li paloma li toj sa̱jeb, joꞌ naxye saꞌ li chakꞌrab.

Levítico 16:5

Eb li ralal xcꞌajol laj Israel teꞌxqꞌue cuib li te̱lom chiba̱t toj sa̱jeb re laj Aarón re nak tixmayeja re xtzꞌa̱manquil xcuybal lix ma̱queb. Ut teꞌxqꞌue ajcuiꞌ jun li carner te̱lom re li cꞌatbil mayej.

Levítico 15:30

Ut laj tij tixmayeja jun re xtzꞌa̱manquil xcuybal lix ma̱c li ixk ut li jun chic tixmayeja re lix cꞌatbil mayej. Joꞌcaꞌin nak li ixk ta̱santobresi̱k chiru li Ka̱cuaꞌ riqꞌuin li yajel li quixcꞌul.

Levítico 9:3

Ta̱ye reheb laj Israel nak teꞌxqꞌue jun li te̱lom chiba̱t re xtzꞌa̱manquil xcuybal lix ma̱queb. Teꞌxqꞌue ajcuiꞌ jun li toro ut jun li carner re teꞌxcꞌat chokꞌ xmayej. Jun chihab cua̱nk reheb ut tzꞌakalakeb re ru.

Levítico 5:11

Abanan cui li ani ta̱ma̱cobk incꞌaꞌ tzꞌakal lix tumin re tixlokꞌ cuibak li mucuy malaj ut cuibak li paloma sa̱jeb, tento nak tixqꞌue chokꞌ xmayej re xtzꞌa̱manquil xcuybal lix ma̱c ca̱hib libra riqꞌuin media li cha̱bil cꞌaj. Incꞌaꞌ tixqꞌue li aceite saꞌ xbe̱n chi moco tixqꞌue li incienso xban nak li mayej aꞌan re xtzꞌa̱manquil xcuybal lix ma̱c.

San Mateo 21:12

Ut chirix chic aꞌan li Jesús qui-oc saꞌ li rochoch li Dios ut quixyolesiheb li yo̱queb chi cꞌayi̱nc ut li yo̱queb chi lokꞌoc. Quixbalkꞌusi lix me̱xeb laj jalol ru tumin ut quixbalkꞌusi ajcuiꞌ lix temeb li yo̱queb chi cꞌayi̱nc paloma.

Levítico 7:1

Aꞌan aꞌin li chakꞌrab chirix li mayej li nequeꞌxqꞌue nak nequeꞌxkꞌet junak reheb lix chakꞌrab li Dios. Aꞌan jun mayej santobresinbil.

Levítico 12:6

Nak ac xeꞌnumeꞌ li cutan re xsantobresinquil rib chirix lix yoꞌlajic lix cꞌulaꞌal, usta te̱lom, usta chꞌina xkaꞌal, li ixk ta̱xic chixqꞌuebal lix mayej re laj tij chiru li oqueba̱l re li tabernáculo. Tixqꞌue jun li carner aj jun chihab chokꞌ re lix cꞌatbil mayej ut tixqꞌue ajcuiꞌ jun li paloma toj sa̱j malaj ut jun li mucuy re nak incꞌaꞌ chic muxbilak ru.

Levítico 14:30

Chirix aꞌan laj tij tixmayeja jun reheb li cuib chi mucuy malaj ut jun reheb li cuib chi paloma, aꞌ yal bar cuan li jun li tixcuy xqꞌuebal li jun li ac xqꞌuira.

Números 5:6

—Ta̱ye reheb li ralal xcꞌajol laj Israel chi joꞌcaꞌin: Nak junak cui̱nk malaj ut junak ixk ta̱ma̱cobk chiru li ras ri̱tzꞌin, nama̱cob ajcuiꞌ chiru li Dios.

Números 6:10

Saꞌ xcuakxak li cutan tixcꞌam cuib li paloma malaj ut cuib li mucuy ut tixqꞌue re laj tij saꞌ li oqueba̱l re li tabernáculo.

Números 6:11

Laj tij tixmayeja li jun re xtzꞌa̱manquil xcuybal xma̱c li cui̱nk ut li jun chic tixcꞌat re xtojbal rix lix ma̱c xban nak quicuan li camenak chi nachꞌ riqꞌuin. Chi joꞌcaꞌin tixsantobresi cuiꞌchic li rismal xjolom.

Levítico 27:8

Ut cui li quiyechiꞌin re li Ka̱cuaꞌ nebaꞌ ut incꞌaꞌ tixcuy xtojbal, tento nak ta̱cꞌamekꞌ riqꞌuin laj tij. Ut laj tij, aꞌan li yal re saꞌ xbe̱n joꞌ nimal naru tixtoj.