Levítico 5:4 - Li Santil hu

⁴ Joꞌcan ajcuiꞌ li cristian li tixba̱nu li juramento saꞌ junpa̱t chi incꞌaꞌ tixcꞌoxla chi us li cꞌaꞌru tixba̱nu, usta us usta incꞌaꞌ us li tixye saꞌ li juramento. Cui mokon chic tixqꞌue retal nak incꞌaꞌ us xba̱nu, aꞌan cuan xma̱c xban nak xba̱nu li cꞌaꞌak re ru aꞌin.

Q'eqchi Bible

⁴ “Wi ani tixye sa' jurament naq tixb'aanu k'a'aq re ru us malaj ut ink'a' us (xkomoneb' li jurament li nab'aanumank chi ink'a' nak'oxlamank rix), chi ink'a' xk'e reetal sa' li honal a'an, li poyanam a'an wank xmaak, wi moqon tixk'e reetal naq ink'a' us xb'aanu.

Levítico 5:4 ပူးပေါင်းရင်းမြစ်များ

Hechos 23:12

Cuulajak chic cuanqueb laj judío queꞌxchꞌutub ribeb ut queꞌxcꞌu̱b ru cꞌaꞌru teꞌxba̱nu. Queꞌxye riqꞌuin juramento nak incꞌaꞌ teꞌcuaꞌak chi moco teꞌucꞌak cui incꞌaꞌ teꞌxcamsi laj Pablo.

San Marcos 6:23

Ut quixye ajcuiꞌ re li xkaꞌal: —Saꞌ xcꞌabaꞌ li Dios, tinqꞌue a̱cue li cꞌaꞌru ta̱patzꞌ cue. Usta yijach lin jun cablal ta̱patzꞌ cue, tinqꞌue a̱cue, chan.

Jueces 11:31

Cui ta̱kꞌaxtesiheb saꞌ cuukꞌ, la̱in tinmayeja cha̱cuu li xbe̱n li ta̱e̱lk chak chincꞌulbal nak tinsukꞌi̱k saꞌ cuochoch. Cꞌatbil nak tinmayeja cha̱cuu, chan laj Jefté.

1 Samuel 25:22

Aꞌ taxak li Ka̱cuaꞌ chiqꞌuehok cue chixtojbal inma̱c cui toj yoꞌyo̱keb li cui̱nk xcomoneb laj Nabal nak ta̱sake̱uk cuulaj, chan laj David.

Números 30:8

Abanan cui li be̱lomej tixnau ut tixye re li rixakil nak incꞌaꞌ naru tixba̱nu li cꞌaꞌru quixyechiꞌi re li Dios, incꞌaꞌ tento nak tixba̱nu. Li Dios tixcuy xma̱c li ixk cuiꞌ incꞌaꞌ naxba̱nu.

San Mateo 14:9

Ma̱ caꞌchꞌin nak quirahoꞌ xchꞌo̱l laj Herodes chirabinquil li quixye. Aban xban li juramento li ac quixye chiruheb li cuanqueb saꞌ me̱x rochben, quixtakla xqꞌuebal re li xkaꞌal li cꞌaꞌru quixpatzꞌ.

San Mateo 14:7

Joꞌcan nak laj Herodes quixyechiꞌi re riqꞌuin juramento nak tixqꞌue re chixjunil li cꞌaꞌru tixpatzꞌ.

2 Reyes 6:31

Li rey quixye: —Aꞌ taxak li Ka̱cuaꞌ chicamsi̱nk cue cui chiru ajcuiꞌ a cutan aꞌin incꞌaꞌ tintakla xsetbal lix cux laj Eliseo li ralal laj Safat.—

2 Samuel 21:7

Li rey David quiril xtokꞌoba̱l ru laj Mefi-boset li ralal laj Jonatán li ralal laj Saúl xban li juramento li queꞌxba̱nu laj David ut laj Jonatán saꞌ xcꞌabaꞌ li Dios.

1 Samuel 1:11

Quitijoc chiru li Dios ut quixye: —At nimajcual Dios, chacuil taxak xtokꞌoba̱l cuu xban nak cꞌajoꞌ xrahil saꞌ inchꞌo̱l. Chinjulticokꞌ taxak a̱cue ut incꞌaꞌ taxak ta̱sachk saꞌ a̱chꞌo̱l. Ta̱qꞌue taxak junak incꞌulaꞌal te̱lom ut la̱in tinkꞌaxtesi ajcuiꞌ a̱cue chalen nak ta̱yoꞌla̱k toj chirix lix camic ut incꞌaꞌ ta̱besma̱nk li rismal xjolom, chan.

Jueces 21:18

Queꞌxye ajcuiꞌ: —La̱o incꞌaꞌ naru takaqꞌueheb li karabin reheb xban nak xkaba̱nu li juramento ut xkaye nak tzꞌekta̱nanbilakeb li ani teꞌxqꞌueheb xrabin chokꞌ rixakileb li ralal xcꞌajol laj Benjamín.

Jueces 21:7

¿Cꞌaꞌru takaba̱nu re nak teꞌcua̱nk rixakileb li ralal xcꞌajol laj Benjamín li toj yoꞌyo̱queb? La̱o ac xkaba̱nu li juramento nak incꞌaꞌ takasumub li karabin riqꞌuineb, chanqueb.

Jueces 9:19

Cui xexcuan saꞌ xya̱lal riqꞌuin laj Gedeón ut riqꞌuineb li ralal xcꞌajol chiru li cutan aꞌin, naru texcua̱nk chi sa saꞌ e̱chꞌo̱l riqꞌuin laj Abimelec. Ut laj Abimelec chicua̱nk chi sa saꞌ xchꞌo̱l e̱riqꞌuin.

Josué 9:15

Joꞌcan nak laj Josué quixba̱nu li contrato re nak teꞌxcꞌam rib saꞌ usilal riqꞌuineb laj Gabaón. Ut quixyechiꞌi reheb nak incꞌaꞌ tixcamsiheb. Ut joꞌcan ajcuiꞌ queꞌxba̱nu eb laj cꞌamol be saꞌ xya̱nkeb laj Israel.

Josué 2:14

Ut eb aꞌan queꞌxye: —Joꞌ nak xacol rix li kayuꞌam la̱o, joꞌcan ajcuiꞌ nak takacol rix le̱ yuꞌam la̱ex cui ma̱ ani aj e ta̱ye li cꞌaꞌru yo̱co chixba̱nunquil. Ut nak ac xkꞌaxtesi saꞌ kukꞌ li naꞌajej aꞌin li Ka̱cuaꞌ, la̱o takaba̱nu usilal e̱re ut saꞌ xya̱lal tocua̱nk e̱riqꞌuin, chanqueb.

Números 30:6

Cui li ixk aꞌan nasumla nak ac xba̱nu li juramento chiru li Dios,

Levítico 5:3

Tixmux rib li ani tixchꞌeꞌ li cꞌaꞌak re ru muxbil ru xban junak cristian, usta incꞌaꞌ quixqꞌue retal nak incꞌaꞌ us xba̱nu. Ut cui mokon tixqꞌue retal nak incꞌaꞌ us xba̱nu, cuan xma̱c.

Levítico 5:13

Laj tij tixqꞌue li mayej aꞌin re xtojbal rix li ma̱c li quixba̱nu li ani ta̱ma̱cobk chi incꞌaꞌ xqꞌue retal nak xma̱cob, ut ta̱cuyekꞌ lix ma̱c. Li joꞌ qꞌuial chic ta̱cana̱k, aꞌan ta̱qꞌuehekꞌ re laj tij joꞌ queꞌxba̱nu riqꞌuin li mayej cꞌaj.

Salmos 106:33

Xban nak yo̱ xjoskꞌil riqꞌuineb, laj Moisés quixye li cꞌaꞌru quiraj aꞌan chi incꞌaꞌ quixqꞌue retal li cꞌaꞌru quixye.