Levítico 5:2 - Li Santil hu

² Joꞌcan ajcuiꞌ junak li cristian tixchꞌeꞌ li camenak xul xcomoneb li xul li quixye li Dios nak incꞌaꞌ teꞌxtzaca, usta joskꞌ aj xul usta incꞌaꞌ, malaj ut xcomoneb li nequeꞌxquelo rib saꞌ chꞌochꞌ. Cui tixchꞌeꞌ li xul aꞌan usta incꞌaꞌ naxnau nak incꞌaꞌ us xba̱nu, tixmux rib ut cua̱nk xma̱c.

Q'eqchi Bible

² “Wi ani tixch'e' junaq k'a'aq re ru tz'ajn ru, qayehaq junaq kamenaq xul tz'ajn ru, us ta xxulel k'iche' malaj xxulel ochoch, malaj ut xkomoneb' li neke'xjukuki rib' chiru ch'och', a'an tixtz'ajni rib' ut taakanaaq li maak sa' xb'een, us ta ink'a' xk'e reetal.

Levítico 5:2 ပူးပေါင်းရင်းမြစ်များ

Levítico 5:17

Cui junak cristian naxkꞌet lix chakꞌrab li Dios chi incꞌaꞌ naxnau nak ma̱c li xba̱nu, aꞌan cuan xma̱c usta incꞌaꞌ naxnau nak ma̱c xba̱nu. Ut li ma̱c aꞌan cua̱nk saꞌ xbe̱n.

Deuteronomio 14:8

Joꞌcan ajcuiꞌ li a̱k. Incꞌaꞌ naru nequetzaca xban nak usta cuib li rixiꞌij, abanan incꞌaꞌ nequeꞌxhab xcuaheb xcaꞌ sut. Incꞌaꞌ naru te̱tzaca xtibel chi moco naru te̱chꞌeꞌ cui camenak.

Hageo 2:13

Tojoꞌnak laj Hageo quixpatzꞌ cuiꞌchic reheb ut quixye: —Cui cuan junak ac xmux rib riqꞌuin xchꞌeꞌbal junak li camenak ut cui tixchꞌeꞌ li cꞌaꞌ re ru chi tzacae̱mk, ¿ma muxbil chic ru ta̱cana̱k li tzacae̱mk? chan. Ut eb laj tij queꞌchakꞌoc ut queꞌxye: —Muxbil chic ru ta̱cana̱k, chanqueb.

Levítico 11:11

Incꞌaꞌ naru te̱tzaca. Tzꞌekta̱nanbilak ban e̱ban. Incꞌaꞌ te̱tiu lix tibeleb, chi moco te̱chꞌeꞌ cui camenak.

2 Corintios 6:17

Ut li Ka̱cuaꞌ quixye cuiꞌchic chi joꞌcaꞌin: Joꞌcan utan chex-e̱lk saꞌ xya̱nkeb li nequeꞌxlokꞌoni li yi̱banbil dios. Me̱ba̱nu chic li nequeꞌxba̱nu li jun chꞌol chic nak nequeꞌxlokꞌoni li yi̱banbil dios. Checanabak chi junaj cua ut la̱in texincꞌul chi sa saꞌ inchꞌo̱l.

San Lucas 11:44

Ra cha̱lel saꞌ e̱be̱n la̱ex aj tzolol chakꞌrab ut la̱ex aj fariseo xban nak incꞌaꞌ us le̱ naꞌleb. La̱ex aj caꞌ pacꞌal u. Chanchanex li mukleba̱l li incꞌaꞌ nacꞌutun. Yalak ani nanumeꞌ saꞌ xbe̱n xban nak incꞌaꞌ nequeꞌxnau cꞌaꞌru cuan aran, chan.

Isaías 52:11

Joꞌcan nak elenkex che̱junilex la̱ex. Tex-e̱lk Babilonia. Ut me̱chꞌeꞌ li cꞌaꞌak re ru li cuan aran xban nak incꞌaꞌ us. Ut me̱mux e̱rib la̱ex li texcꞌamok re li cꞌaꞌru nacꞌanjelac saꞌ lix templo li Ka̱cuaꞌ.

Salmos 19:12

Cuan nak nocoma̱cob chi incꞌaꞌ nakaqꞌue retal. Joꞌcan nak nintzꞌa̱ma cha̱cuu nak ta̱cuy li ma̱c li ninba̱nu chi incꞌaꞌ ninqꞌue retal.

Levítico 7:21

Cui ani tixmux rib riqꞌuin xchꞌeꞌbal li muxbil ru, usta cristian usta xul li tixchꞌeꞌ, ut tixtzaca li tib li mayejanbil re xcꞌambal rib saꞌ usilal riqꞌuin li Dios, li jun aꞌan ta̱isi̱k saꞌ xya̱nkeb li rech aj Israelil.

Levítico 5:4

Joꞌcan ajcuiꞌ li cristian li tixba̱nu li juramento saꞌ junpa̱t chi incꞌaꞌ tixcꞌoxla chi us li cꞌaꞌru tixba̱nu, usta us usta incꞌaꞌ us li tixye saꞌ li juramento. Cui mokon chic tixqꞌue retal nak incꞌaꞌ us xba̱nu, aꞌan cuan xma̱c xban nak xba̱nu li cꞌaꞌak re ru aꞌin.

Levítico 4:13

Cui chixjunileb laj Israel teꞌma̱cobk ut teꞌxkꞌet inchakꞌrab chi incꞌaꞌ nequeꞌxnau nak ma̱c li yo̱queb chixba̱nunquil, cua̱nk xma̱queb usta incꞌaꞌ nequeꞌxnau.

Levítico 5:3

Tixmux rib li ani tixchꞌeꞌ li cꞌaꞌak re ru muxbil ru xban junak cristian, usta incꞌaꞌ quixqꞌue retal nak incꞌaꞌ us xba̱nu. Ut cui mokon tixqꞌue retal nak incꞌaꞌ us xba̱nu, cuan xma̱c.

Levítico 11:8

Incꞌaꞌ naru nequetiu xtibeleb li xul aꞌin ut incꞌaꞌ ajcuiꞌ naru nequechꞌeꞌ nak camenakeb xban nak cui nequechꞌeꞌ, muxbil chic e̱ru texcana̱k.

Números 19:22

Li cꞌaꞌak re ru ta̱chꞌeꞌekꞌ xban junak cristian muxbil ru, muxbilak chic ru ta̱cana̱k toj ta̱ecuu̱k.