Levítico 5:19 - Li Santil hu

¹⁹ Relic chi ya̱l xkꞌet li chakꞌrab ut cuan xma̱c chiru li Ka̱cuaꞌ.

Q'eqchi Bible

¹⁹ A'an jun mayej chirix li maak, xb'aan naq li poyanam a'an wank xmaak chiru li Qaawa'”.

Levítico 5:19 ပူးပေါင်းရင်းမြစ်များ

Malaquías 3:8

La̱in li Ka̱cuaꞌ Dios ninpatzꞌ e̱re: ¿Ma ta̱ru̱k ta biꞌ ta̱relkꞌa li cꞌaꞌru cue junak li cui̱nk? Incꞌaꞌ raj. Abanan la̱ex yo̱quex chi elkꞌac chicuu. Ut nequeye, “¿Cꞌaꞌru xkelkꞌa a̱cue?” chanquex. La̱ex xex-elkꞌac chicuu xban nak incꞌaꞌ nequeqꞌue li junju̱nk saꞌ xlaje̱tkil ut incꞌaꞌ nequeqꞌue le̱ mayej.

Salmos 51:4

Xinma̱cob cha̱cuu. Caꞌaj cuiꞌ cha̱cuu la̱at xinma̱cob ut xinba̱nu li incꞌaꞌ nacuulac cha̱cuu. La̱at xatrakoc a̱tin saꞌ inbe̱n saꞌ ti̱quilal ut ma̱ ani ta̱yehok re nak incꞌaꞌ us li nacaba̱nu.

Esdras 10:2

Ut laj Secanías li ralal laj Jehiel xcomoneb laj Elam quia̱tinac ut quixye re laj Esdras: —La̱o xoma̱cob chiru li kaDios xban nak xosumla riqꞌuineb li ixk li jalan xtenamiteb. Abanan toj naru teꞌcolekꞌ laj Israel.

Levítico 5:7

Cui incꞌaꞌ tzꞌakal lix tumin re xlokꞌbal junak li sa̱j carner re xtzꞌa̱manquil xcuybal lix ma̱c chiru li Dios, tento nak tixqꞌue cuibak li mucuy malaj ut cuibak li paloma toj sa̱jeb. Jun tixqꞌue re xtojbal rix lix ma̱c ut jun tixqꞌue re ta̱cꞌatekꞌ.

Levítico 5:17

Cui junak cristian naxkꞌet lix chakꞌrab li Dios chi incꞌaꞌ naxnau nak ma̱c li xba̱nu, aꞌan cuan xma̱c usta incꞌaꞌ naxnau nak ma̱c xba̱nu. Ut li ma̱c aꞌan cua̱nk saꞌ xbe̱n.

Levítico 5:18

Tixqꞌue re laj tij chokꞌ xmayej re xtzꞌa̱manquil xcuybal lix ma̱c jun li carner te̱lom li quixsicꞌ saꞌ xya̱nk lix queto̱mk. Tzꞌakal re ru li xul. Laj tij tixbir rix lix tzꞌak li xul li tixqꞌue chokꞌ xmayej. Laj tij tixmayeja re xtojbal rix lix ma̱c li ani ta̱ma̱cobk chi incꞌaꞌ naxnau nak ma̱c xba̱nu. Ut ta̱cuyekꞌ lix ma̱c.

Levítico 6:1

Li Ka̱cuaꞌ Dios quixye re laj Moisés: —Nak junak cristian ta̱ma̱cobk riqꞌuin xbalakꞌinquil li ras ri̱tzꞌin malaj ut riqꞌuin elkꞌac, aꞌan cuan xma̱c chiru li Ka̱cuaꞌ. Cui tixcꞌul li cꞌaꞌak re ru re tixcꞌu̱la ut incꞌaꞌ chic ta̱raj xkꞌaxtesinquil nak ta̱patzꞌekꞌ re, malaj ut tixrahobtesi li ras ri̱tzꞌin, aꞌan cuan xma̱c.

Josué 22:15

Eb aꞌan queꞌtakla̱c saꞌ li naꞌajej Galaad chi a̱tinac riqꞌuineb li ralal xcꞌajol laj Rubén, li ralal xcꞌajol laj Gad, ut li yijach li ralal xcꞌajol laj Manasés.

Ezequiel 40:39

Saꞌ xcaꞌ pacꞌalil li naꞌajej aꞌan cuanqueb caꞌcab li me̱x. Saꞌ xbe̱neb li me̱x aꞌan queꞌxcamsiheb li xul li teꞌcꞌatekꞌ ut eb li teꞌmayeja̱k re xpatzꞌbal xcuybal xma̱queb.