Levítico 5:16 - Li Santil hu

¹⁶ Tento nak tixtoj li mayej li joꞌ qꞌuial chic incꞌaꞌ xqꞌue ut tixtoj ajcuiꞌ li ju̱nk may ral li ju̱nk ciento (20%) li incꞌaꞌ quixtoj. Tixqꞌue re laj tij ut laj tij tixmayeja li carner re xtojbal rix lix ma̱c li cui̱nk li quiqꞌuehoc re li mayej. Ut ta̱cuyekꞌ lix ma̱c.

Q'eqchi Bible

¹⁶ Li poyanam a'an tento tixtoj li xb'alaq'ik wi' sa' li k'a'aq ru jwal loq'; tixk'e chik junqmay sa' xb'een li o'taqk'aal ut tixq'axtesi chixjunil re laj tij. Chirix a'an, rik'in li karneer taayeechi'imanq chirix li maak, laj tij taamayejaq re xtojb'al rix li xmaak li poyanam a'an, ut taakuye'q li xmaak.

Levítico 5:16 ပူးပေါင်းရင်းမြစ်များ

Números 5:7

Tento nak li jun aꞌan tixxo̱to lix ma̱c chiru li Dios ut tixtoj chiru li ras ri̱tzꞌin li incꞌaꞌ us li quixba̱nu ut tixqꞌue ajcuiꞌ ral li tumin. Ju̱nk may ral li ju̱nk ciento (20%) tixqꞌue re chixjunil.

Levítico 22:14

Cui junak tixtzaca li santobresinbil tzacae̱mk chi incꞌaꞌ naxnau nak incꞌaꞌ us xba̱nu, tento nak tixqꞌue re̱kaj re laj tij ut tixqꞌue li ju̱nk may ral li ju̱nk ciento chokꞌ xtzꞌakob.

Levítico 27:31

Cui junak cui̱nk ta̱raj tixlokꞌ cuiꞌchic chokꞌ re, tento tixtoj chi tzꞌakal xtzꞌak ut tixqꞌue ajcuiꞌ ju̱nk may ral li ju̱nk ciento saꞌ xbe̱n lix tzꞌak.

Levítico 27:27

Cui aꞌan jun li xul li incꞌaꞌ naqꞌueheꞌ chokꞌ mayej, li cui̱nk naru tixlokꞌ cuiꞌchic ut tixtoj lix tzꞌak li naxye laj tij. Ut tixqꞌue ju̱nk may ral li ju̱nk ciento saꞌ xbe̱n lix tzꞌak li xul. Cui ut li cui̱nk incꞌaꞌ tixlokꞌ, li xul ta̱cꞌayi̱k re jalan cui̱nk ut tixtoj li joꞌ nimal xtzꞌak.

Levítico 27:15

Cui ut li jun li quixyechiꞌi li rochoch naraj tixlokꞌ cuiꞌchic, tento nak tixtoj chi tzꞌakal lix tzꞌak ut tixqꞌue ju̱nk may ral li ju̱nk ciento saꞌ xbe̱n lix tzꞌak.

Levítico 27:13

Ut cui li cui̱nk ta̱raj tixlokꞌ cuiꞌchic li xul aꞌan, tixtoj chi tzꞌakal lix tzꞌak, ut tixqꞌue ju̱nk may ral li ju̱nk ciento saꞌ xbe̱n lix tzꞌak.

Levítico 5:10

Ut laj tij tixcꞌat li xul jun chic joꞌ yebil reheb nak teꞌxba̱nu. Chi joꞌcaꞌin laj tij tixqꞌue li mayej re xtojbal rix lix ma̱c li ani xma̱cob ut ta̱cuyekꞌ xma̱c.

Hechos 26:20

Ut xbe̱n cua quinchꞌolob xya̱lal chiruheb li cuanqueb Damasco ut Jerusalén. Chirix aꞌan quinchꞌolob xya̱lal chiruheb laj judío li cuanqueb Judea, joꞌ ajcuiꞌ chiruheb li ma̱cuaꞌeb aj judío. Quinye reheb nak tento teꞌyotꞌekꞌ xchꞌo̱leb teꞌxjal xcꞌaꞌuxeb ut teꞌxkꞌaxtesi ribeb re li Dios ut teꞌxba̱nu li us joꞌ xcꞌulubeb li ac xeꞌpa̱ban.

San Lucas 19:8

Nak yo̱queb chi cuaꞌac, laj Zaqueo quixakli chiru li Jesús ut quixye re: —Ka̱cuaꞌ, chalen anakcuan jalan chic tinba̱nu. Yijach lin jun cablal tinsi reheb li nebaꞌ. Ut cui cuan anihak xcuelkꞌa cꞌaꞌru re, ca̱hib cua chic xqꞌuial li re̱kaj tinqꞌue, chan.

Salmos 69:4

Nabaleb li xicꞌ nequeꞌiloc cue. Kꞌaxal cuiꞌchic nabaleb chiru xqꞌuial li cuismal. Nequeꞌnumta saꞌ inbe̱n. Nequeꞌraj insachbal usta ma̱cꞌaꞌ inma̱c chiruheb. ¿Ma ta̱ru̱k ta biꞌ tinkꞌajsi reheb li incꞌaꞌ xcuelkꞌa chiruheb?

Levítico 5:13

Laj tij tixqꞌue li mayej aꞌin re xtojbal rix li ma̱c li quixba̱nu li ani ta̱ma̱cobk chi incꞌaꞌ xqꞌue retal nak xma̱cob, ut ta̱cuyekꞌ lix ma̱c. Li joꞌ qꞌuial chic ta̱cana̱k, aꞌan ta̱qꞌuehekꞌ re laj tij joꞌ queꞌxba̱nu riqꞌuin li mayej cꞌaj.

Levítico 5:6

Tento nak tixqꞌue chokꞌ xmayej chiru li Ka̱cuaꞌ re xtzꞌa̱manquil xcuybal lix ma̱c jun li ixki carner malaj ut li ixki chiba̱t. Ut laj tij tixmayeja chiru li Ka̱cuaꞌ re xtojbal rix lix ma̱c.

Levítico 4:26

Tixcꞌat chixjunil lix xe̱bul saꞌ li artal joꞌ nak quixcꞌat lix xe̱bul li xul li queꞌxmayeja re xcꞌambaleb rib saꞌ usilal riqꞌuin li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c laj cꞌamol be ut ta̱cuyekꞌ xma̱c.

Éxodo 22:1

Cui ani ta̱relkꞌa junak bo̱yx malaj ut junak carner, ut tixcamsi malaj ut tixcꞌayi, aꞌan tento nak tixqꞌue o̱b chi bo̱yx chokꞌ re̱kaj li jun li xrelkꞌa malaj ut tixqꞌue ca̱hib chi carner chokꞌ re̱kaj li jun li xrelkꞌa.

Levítico 7:2

Li mayej xul aꞌin teꞌxcamsi saꞌ li naꞌajej li nequeꞌxcamsi cuiꞌ li cꞌatbil mayej. Ut lix quiqꞌuel teꞌxrach saꞌ xbe̱n li artal joꞌ ajcuiꞌ chixjun sutam.

Números 5:8

Cui li cui̱nk li quicꞌuluc re li raylal camenak chic ut ma̱cꞌaꞌ rechꞌalal ta̱cꞌuluk re li tixqꞌue chokꞌ xtojbal rix li ma̱c li quixba̱nu, tento nak tixkꞌaxtesi chiru li Dios ut laj tij tixcꞌul. Ut tixqꞌue ajcuiꞌ li carner te̱lom li tixmayeja laj tij chokꞌ re xtojbal rix lix ma̱c.

1 Samuel 6:3

Eb laj tij ut eb laj kꞌe queꞌxye reheb: —Cui te̱takla lix Lokꞌlaj Ca̱x lix Dioseb laj Israel, tento te̱takla jun xma̱tan re xtojbal rix li ma̱c xeba̱nu. Cui te̱ba̱nu aꞌan, texqꞌuira̱k ut te̱nau cꞌaꞌut nak xqꞌue chak li raylal aꞌin saꞌ e̱be̱n, chanqueb.

Levítico 4:20

Juntakꞌe̱t tixba̱nu riqꞌuin li chꞌina toro aꞌin joꞌ quixba̱nu riqꞌuin li toro li quixmayeja re xtzꞌa̱manquil xcuybal lix ma̱c aꞌan. Chi joꞌcaꞌin laj tij tixqꞌue li mayej re xtojbal rix lix ma̱queb li tenamit ut ta̱cuyekꞌ lix ma̱queb.