Levítico 5:15 - Li Santil hu

¹⁵ —Nak junak cristian ta̱ma̱cobk chi incꞌaꞌ naxnau nak ma̱c yo̱ chixba̱nunquil xban nak incꞌaꞌ quixqꞌue lix mayej chi tzꞌakal joꞌ naxye lix chakꞌrab li Dios, tento nak tixqꞌue junak lix carner te̱lom tzꞌakal re ru re nak ta̱cuyekꞌ xma̱c. La̱at ta̱bir rix joꞌ nimal xtzꞌak li carner li tixqꞌue chokꞌ xmayej chiru li Dios chokꞌ xtojbal rix lix mayej li incꞌaꞌ xqꞌue. Ta̱bir rix li joꞌ qꞌuial tento xqꞌuebal joꞌ xbisbal li mayej li nequeꞌxqꞌue saꞌ li tabernáculo.

Q'eqchi Bible

¹⁵ “Li poyanam taamaakob'q chi ink'a' rajom xch'ool ut taak'utunq naq wank xmaak xb'aan naq xb'alaq'ik sa' li k'a'aq ru jwal loq' chiru li Qaawa', tento tixchap chaq junaq reheb' li xkarneer li maak'a' reek', tixk'e cho'q xmayej re xtojb'al rix li xmaak, ut tixk'am chiru li Qaawa'. Li xtz'aq li karneer tento xb'irb'al rix chi plaat, jo' tz'aqal neke'b'isok sa' li Loq'laj Na'ajej b'arwi' na'uxk li mayejak chirix li maak.

Levítico 5:15 ပူးပေါင်းရင်းမြစ်များ

Éxodo 30:13

Chixjunileb li ac xeꞌajla̱c teꞌxqꞌue caꞌchꞌin ma̱ media onza li plata chokꞌ xmayejeb. Aꞌan li xqꞌuial lix mayejeb teꞌxqꞌue cue la̱in li Ka̱cuaꞌ joꞌ nequeꞌbisoc saꞌ li tabernáculo.

Esdras 10:19

Ut queꞌxqꞌue li rukꞌ chi ribileb rib re xcꞌutbal nak teꞌxba̱nu li cꞌaꞌru queꞌxye. Ut queꞌxye chi tzꞌakal nak teꞌxcanab li rixakil ut teꞌxmayeja jun li carner re xtzꞌa̱manquil xcuybal xma̱queb.

Levítico 7:6

Eb laj tij ut eb li ralal naru nequeꞌtzacan re li mayej aꞌin. Tento nak teꞌxtzaca saꞌ li naꞌajej santo xban nak aꞌan jun li mayej santobresinbil.

Levítico 7:1

Aꞌan aꞌin li chakꞌrab chirix li mayej li nequeꞌxqꞌue nak nequeꞌxkꞌet junak reheb lix chakꞌrab li Dios. Aꞌan jun mayej santobresinbil.

Levítico 6:6

Tento nak tixqꞌue chokꞌ xmayej junak li carner te̱lom tzꞌakal re ru li tixsicꞌ saꞌ xya̱nk lix queto̱mk. Ut laj tij tixbir rix lix tzꞌak li xul aꞌan. Tixcꞌam lix mayej riqꞌuin laj tij re nak tixmayeja chokꞌ re xtzꞌa̱manquil xcuybal li ma̱c li quixba̱nu.

Deuteronomio 12:26

Abanan te̱cꞌam le̱ mayej li ac kꞌaxtesinbil re Dios saꞌ li naꞌajej li sicꞌbil ru xban li Ka̱cuaꞌ ut te̱cꞌam ajcuiꞌ aran li ac yechiꞌinbil.

Números 5:8

Cui li cui̱nk li quicꞌuluc re li raylal camenak chic ut ma̱cꞌaꞌ rechꞌalal ta̱cꞌuluk re li tixqꞌue chokꞌ xtojbal rix li ma̱c li quixba̱nu, tento nak tixkꞌaxtesi chiru li Dios ut laj tij tixcꞌul. Ut tixqꞌue ajcuiꞌ li carner te̱lom li tixmayeja laj tij chokꞌ re xtojbal rix lix ma̱c.

Levítico 5:18

Tixqꞌue re laj tij chokꞌ xmayej re xtzꞌa̱manquil xcuybal lix ma̱c jun li carner te̱lom li quixsicꞌ saꞌ xya̱nk lix queto̱mk. Tzꞌakal re ru li xul. Laj tij tixbir rix lix tzꞌak li xul li tixqꞌue chokꞌ xmayej. Laj tij tixmayeja re xtojbal rix lix ma̱c li ani ta̱ma̱cobk chi incꞌaꞌ naxnau nak ma̱c xba̱nu. Ut ta̱cuyekꞌ lix ma̱c.

Levítico 5:16

Tento nak tixtoj li mayej li joꞌ qꞌuial chic incꞌaꞌ xqꞌue ut tixtoj ajcuiꞌ li ju̱nk may ral li ju̱nk ciento (20%) li incꞌaꞌ quixtoj. Tixqꞌue re laj tij ut laj tij tixmayeja li carner re xtojbal rix lix ma̱c li cui̱nk li quiqꞌuehoc re li mayej. Ut ta̱cuyekꞌ lix ma̱c.

Levítico 5:14

Ut li Ka̱cuaꞌ quixye re laj Moisés:

Números 5:5

Li Ka̱cuaꞌ Dios quia̱tinac riqꞌuin laj Moisés ut quixye re:

Números 15:24

Cui xexpaltoꞌ chi incꞌaꞌ yal naraj e̱chꞌo̱l, tento nak che̱junilex te̱qꞌue chokꞌ e̱cꞌatbil mayej jun li toro toj sa̱j chokꞌ sununquil mayej li ta̱cuulak chicuu. Ut te̱qꞌue rochben li mayej cꞌaj ut li mayej vino. Ut te̱qꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c.

1 Samuel 6:3

Eb laj tij ut eb laj kꞌe queꞌxye reheb: —Cui te̱takla lix Lokꞌlaj Ca̱x lix Dioseb laj Israel, tento te̱takla jun xma̱tan re xtojbal rix li ma̱c xeba̱nu. Cui te̱ba̱nu aꞌan, texqꞌuira̱k ut te̱nau cꞌaꞌut nak xqꞌue chak li raylal aꞌin saꞌ e̱be̱n, chanqueb.

2 Reyes 12:16

Ut li tumin li nequeꞌxqꞌue re xpatzꞌbal xcuybal xma̱queb, aꞌan incꞌaꞌ nequeꞌxqꞌue saꞌ li ca̱x xban nak li tumin aꞌan nacꞌanjelac chiruheb laj tij.

Levítico 1:3

Cui cuacax teꞌxqꞌue chokꞌ xcꞌatbil mayej, tento nak teꞌxqꞌue li toro tzꞌakalak re ru. Ut teꞌxqꞌue joꞌ na-ala saꞌ xchꞌo̱leb. Teꞌxcꞌam lix mayej chiru li Ka̱cuaꞌ saꞌ li oqueba̱l re li tabernáculo li nequeꞌxchꞌutub cuiꞌ ribeb li tenamit chixlokꞌoninquil li Dios.

Levítico 1:10

Cui carner malaj ut chiba̱t li tixqꞌue chokꞌ cꞌatbil mayej, tento nak tixqꞌue junak te̱lom tzꞌakalak re ru.

Levítico 14:12

Tixchap jun li carner te̱lom laj tij ut tixchap li aceite. Tixtaksi chiru li Ka̱cuaꞌ ut tixmayeja joꞌ li mayej nequeꞌxqꞌue nak nequeꞌxkꞌet lix chakꞌrab li Ka̱cuaꞌ.

Levítico 27:3

Cui li quiyechiꞌi̱c, aꞌan cui̱nk li ac xba̱nu junmay chihab toj ta̱cuulak oxcꞌa̱l chihab (60) tento xtojbal laje̱b roxcꞌa̱l (50) chi tumin plata joꞌ xbisbal li tumin re lix tabernáculo li Ka̱cuaꞌ.

Ezequiel 40:39

Saꞌ xcaꞌ pacꞌalil li naꞌajej aꞌan cuanqueb caꞌcab li me̱x. Saꞌ xbe̱neb li me̱x aꞌan queꞌxcamsiheb li xul li teꞌcꞌatekꞌ ut eb li teꞌmayeja̱k re xpatzꞌbal xcuybal xma̱queb.