Levítico 5:1 - Li Santil hu

¹ Cui junak ta̱bokekꞌ chokꞌ testigo chirix junak cꞌaꞌak re ru quiril malaj quirabi, ut aꞌan incꞌaꞌ tixye lix ya̱lal, aꞌan cuan xma̱c.

Q'eqchi Bible

¹ “Wi junaq taab'oqe'q chi aatinak jo' testiiw chirix li k'aru xril malaj xrab'i, ut ink'a' taaraj xyeeb'al, a'an wank xmaak ut tento taariiqani li maak a'an.

Levítico 5:1 ပူးပေါင်းရင်းမြစ်များ

Levítico 5:17

Cui junak cristian naxkꞌet lix chakꞌrab li Dios chi incꞌaꞌ naxnau nak ma̱c li xba̱nu, aꞌan cuan xma̱c usta incꞌaꞌ naxnau nak ma̱c xba̱nu. Ut li ma̱c aꞌan cua̱nk saꞌ xbe̱n.

Proverbios 29:24

Li ani na-oquen chirix junak aj e̱lkꞌ, aꞌan xicꞌ naril rib xjunes rib. Usta nayeheꞌ re nak tento tixye li ya̱l, abanan incꞌaꞌ naxye xban xxiu.

San Mateo 26:63

Ut li Jesús ma̱ jun li a̱tin quixye. Ut li xyucuaꞌileb aj tij quixye cuiꞌchic re: —Saꞌ xcꞌabaꞌ li yoꞌyo̱quil Dios ta̱ye ke cui la̱at li Cristo, li Ralal li Dios.—

Levítico 19:8

Li ani ta̱tzaca̱nk re li tib saꞌ rox li cutan, li jun aꞌan cua̱nk xma̱c xban nak xmux ru li kꞌaxtesinbil cue la̱in. Ut li jun aꞌan ta̱isi̱k saꞌ xya̱nkeb lin tenamit Israel.

Levítico 7:18

Incꞌaꞌ naru xtzacanquil li tib li ac oxib cutan xmayejanquil. Cui natzaca̱c, li mayej aꞌan incꞌaꞌ ta̱cꞌulekꞌ. Ta̱tzꞌekta̱na̱k xban li Dios. Ut li ani ta̱tzaca̱nk re cua̱nk xma̱c chiru li Dios.

Ezequiel 18:4

Chixjunileb li cristian cueheb la̱in joꞌ li naꞌbej yucuaꞌbej joꞌ eb ajcuiꞌ li alal cꞌajolbej. Ut li ani nama̱cob, aꞌan ta̱ca̱mk.

1 Reyes 8:31

Cui cuan junak ta̱ma̱cobk chiru li ras ri̱tzꞌin ut tixpuersi ru chixba̱nunquil li juramento chiru li artal saꞌ li templo aꞌin,

Números 9:13

Ut cui cuan junak li incꞌaꞌ tixninkꞌei li Pascua ut moco muxbil ta ru chi moco yo̱ ta chi viajic, li jun aꞌan ta̱isi̱k saꞌ xya̱nkeb laj Israel xban nak incꞌaꞌ quixqꞌue xmayej chicuu saꞌ xkꞌehil. Tento nak li jun aꞌan tixtoj rix lix ma̱c xban nak incꞌaꞌ quixninkꞌei li Pascua.

Levítico 20:17

Cui junak cui̱nk tixchꞌic rib riqꞌuin li ranab, malaj ut lix cab ranab, nimla ma̱c teꞌxba̱nu ut teꞌcamsi̱k chixcabichaleb. Li cui̱nk aꞌan quixmux ru li ranab ut tento nak aꞌan tixtoj rix lix ma̱c.

Levítico 17:16

Cui incꞌaꞌ ta̱ati̱nk ut cui incꞌaꞌ tixpuchꞌ li rakꞌ, ta̱cana̱k chi muxbil ru.

1 Pedro 2:24

Relic chi ya̱l nak li Cristo, aꞌan li quixcꞌul li raylal nak quicam chiru li cruz re xtojbal rix li kama̱c la̱o. Aꞌan aj e nak quicam re nak incꞌaꞌ chic texma̱cobk. Texcua̱nk ban saꞌ ti̱quilal. Li Cristo quixcꞌul li yoqꞌuecꞌ saꞌ kacꞌabaꞌ la̱o aj ma̱c. Ut riqꞌuin li raylal li quixcꞌul xexqꞌuirtesi̱c.

Ezequiel 18:20

Li ani ta̱ma̱cobk, aꞌan ta̱ca̱mk. Li alalbej incꞌaꞌ tixcꞌul li raylal saꞌ xcꞌabaꞌ li ma̱c li quixba̱nu lix yucuaꞌ. Chi moco li yucuaꞌbej tixcꞌul li raylal saꞌ xcꞌabaꞌ li ma̱c li quixba̱nu li ralal. Li ani nacuan saꞌ ti̱quilal tixcꞌul lix kꞌajca̱munquil ut li ani naxba̱nu li ma̱c tixcꞌul lix tojbal ma̱c.

Isaías 53:11

Nabal li raylal quixcꞌul nak toj yoꞌyo saꞌ ruchichꞌochꞌ. Abanan ta̱qꞌuehekꞌ cuiꞌchic lix sahil xchꞌo̱l ut tixnau nak cuan rajbal nak quixcꞌul li raylal. Laj cꞌanjel chiru li Dios ti̱c xchꞌo̱l ut aꞌan tixtoj rix lix ma̱queb nabal ut saꞌ xcꞌabaꞌ aꞌan li Dios tixcuy tixsacheb lix ma̱queb.

Proverbios 30:9

Cui nabal ta̱qꞌue cue, ma̱re tatintzꞌekta̱na ut ma̱re tinye nak incꞌaꞌ ninnau a̱cuu. Ut cui incꞌaꞌ tzꞌakal li cꞌaꞌru cuan cue, ma̱re tin-elkꞌak ut tincꞌut a̱xuta̱n, at inDios, chan.

Salmos 38:4

Cꞌajoꞌ nayotꞌeꞌ inchꞌo̱l xban li ma̱c xinba̱nu. Nacuecꞌa nak ma̱cꞌaꞌ chic inmetzꞌe̱u. Chanchan nak cuan jun nimla i̱k saꞌ inbe̱n.

2 Crónicas 18:15

Li rey quixye re: —¿Jarub sut tinye a̱cue nak tat-a̱tinak saꞌ xcꞌabaꞌ li Ka̱cuaꞌ Dios junelic ta̱ye li ya̱l? chan.

1 Reyes 22:16

Li rey quixye re: —¿Jarub sut tinye a̱cue nak tat-a̱tinak saꞌ xcꞌabaꞌ li Ka̱cuaꞌ Dios junelic ta̱ye li ya̱l? chan.

Jueces 17:2

Laj Micaía quixye re lix naꞌ: —Nak qui-elkꞌa̱c cha̱cuu li jun mil riqꞌuin jun ciento chi tumin plata, la̱at xatzꞌa̱ma ma̱usilal saꞌ xbe̱n li ani qui-elkꞌan re. La̱in xin-elkꞌan re la̱ tumin. Cueꞌ li tumin cuan cuiqꞌuin. Anakcuan tinkꞌaxtesi a̱cue, chan. Ut li naꞌbej quixye: —Li Ka̱cuaꞌ Dios taxak chi-osobtesi̱nk a̱cue, chan.

Levítico 5:15

—Nak junak cristian ta̱ma̱cobk chi incꞌaꞌ naxnau nak ma̱c yo̱ chixba̱nunquil xban nak incꞌaꞌ quixqꞌue lix mayej chi tzꞌakal joꞌ naxye lix chakꞌrab li Dios, tento nak tixqꞌue junak lix carner te̱lom tzꞌakal re ru re nak ta̱cuyekꞌ xma̱c. La̱at ta̱bir rix joꞌ nimal xtzꞌak li carner li tixqꞌue chokꞌ xmayej chiru li Dios chokꞌ xtojbal rix lix mayej li incꞌaꞌ xqꞌue. Ta̱bir rix li joꞌ qꞌuial tento xqꞌuebal joꞌ xbisbal li mayej li nequeꞌxqꞌue saꞌ li tabernáculo.

Éxodo 22:11

tento nak li jun li quicanaba̱c cuiꞌ li xul tixye li juramento saꞌ incꞌabaꞌ la̱in li Ka̱cuaꞌ Dios chiru laj e̱chal re nak aꞌan incꞌaꞌ xcheꞌ. Ut tento nak ta̱cꞌojla̱k xchꞌo̱l laj e̱chal re lix xul riqꞌuin li a̱tin aꞌan. Ut li jun chic incꞌaꞌ ta̱tojok.

Jeremías 23:10

Saꞌ li naꞌajej aꞌin nabaleb li nequeꞌxmux ru xsumlajiqueb. Eb li tenamit yalyo̱queb xkꞌe chixba̱nunquil li ma̱usilal. Xban nak li cuanqueb saꞌ xcuanquil nequeꞌxba̱nu li cꞌaꞌru nequeꞌraj xjuneseb, joꞌcan nak li Ka̱cuaꞌ quixtzꞌekta̱na li chꞌochꞌ. Chaki chic li chꞌochꞌ ut chaki chic li pachꞌayaꞌ.