Levítico 4:7 - Li Santil hu

⁷ Chirix aꞌan tixqꞌue caꞌchꞌinak li quicꞌ saꞌ xbe̱n li xucub li cuanqueb saꞌ li artal li nacꞌateꞌ cuiꞌ li sununquil pom chiru li Ka̱cuaꞌ saꞌ li tabernáculo. Li relaꞌ li quicꞌ tixhoy saꞌ xto̱n li artal re li cꞌatbil mayej li cuan saꞌ li oqueba̱l re li tabernáculo.

Q'eqchi Bible

⁷ Rik'in li kik' a'an tixyul ajwi' b'ayaq li xxukub'eb' li artal b'arwi' nak'atmank li pom jwal sununk xb'ook, a' li wank chiru li Qaawa', sa' li Loq'laj Muheb'aal, ut li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.

Levítico 4:7 ပူးပေါင်းရင်းမြစ်များ

Levítico 8:15

Ut laj Moisés quixcamsi li toro. Quixxoc lix quiqꞌuel ut riqꞌuin li ruꞌuj rukꞌ quixqꞌue li quicꞌ chiru li xucub li cuanqueb saꞌ xca̱ xucu̱til li artal re xsantobresinquil chiru li Ka̱cuaꞌ. Ut li quicꞌ li joꞌ qꞌuial chic quicana quixhoy saꞌ xto̱n li artal. Joꞌcaꞌin nak quixkꞌaxtesi li artal chiru li Ka̱cuaꞌ li teꞌmayejak cuiꞌ laj tij.

Levítico 9:9

Eb li ralal queꞌxxoc li quicꞌ ut queꞌxqꞌue re laj Aarón. Ut laj Aarón quixtzꞌa li rukꞌ saꞌ li quicꞌ ut quixyul chiruheb li xucub li cuan saꞌ xca̱ xucu̱til li artal. Li qui-elaꞌan quixhoy saꞌ xto̱n li artal.

Levítico 16:18

Nak ta̱e̱lk chak laj Aarón, ta̱xic chixqꞌuebal lix quiqꞌuel li toro ut li chiba̱t saꞌ xbe̱n lix artal li Ka̱cuaꞌ bar nequeꞌxcꞌat cuiꞌ li mayej re xsantobresinquil. Tixyul li quicꞌ chiru li xucub li cuan saꞌ xca̱ xucu̱til.

Levítico 5:9

Tixchap caꞌchꞌinak lix quiqꞌuel ut tixrachrachi chixcꞌatk li artal. Ut li quicꞌ li ta̱elaꞌa̱nk tixhoy saꞌ xto̱n li artal. Aꞌan li mayej re xtzꞌa̱manquil xcuybal lix ma̱c.

Levítico 4:34

Ut chirix aꞌan laj tij tixcꞌam caꞌchꞌinak li quicꞌ ut tixqꞌue li quicꞌ saꞌ xbe̱neb li xucub li cuanqueb saꞌ li artal li nacꞌateꞌ cuiꞌ li mayej. Ut li quicꞌ li ta̱elaꞌa̱nk tixhoy saꞌ xto̱n li artal.

Levítico 4:18

Chirix aꞌan tixqꞌue caꞌchꞌinak li quicꞌ saꞌ xbe̱n li xucub li cuanqueb saꞌ li artal li cuan chiru li Ka̱cuaꞌ saꞌ li tabernáculo. Li relaꞌ li quicꞌ tixhoy saꞌ xto̱n li artal li nacꞌatman cuiꞌ li mayej li cuan saꞌ li oqueba̱l re li tabernáculo.

Levítico 4:30

Ut chirix aꞌan laj tij tixcꞌam caꞌchꞌinak li quicꞌ ut riqꞌuin ruꞌuj rukꞌ tixqꞌue li quicꞌ saꞌ xbe̱neb li xucub li cuanqueb saꞌ li artal li nacꞌateꞌ cuiꞌ li mayej. Ut li quicꞌ li ta̱elaꞌa̱nk tixhoy saꞌ xto̱n li artal.

Hebreos 9:21

Ut laj Moisés quixrachrachi li quicꞌ chiru li tabernáculo joꞌ ajcuiꞌ chiru chixjunil li cꞌaꞌak re ru nacꞌanjelac saꞌ li tabernáculo re xlokꞌoninquil li Dios.

Hebreos 9:15

Anakcuan cuan li acꞌ contrato xban xcamic li Jesucristo. Chixjunileb li bokbileb xban li Dios ta̱cua̱nk xcuybal lix ma̱queb, eb li queꞌcuan rubel xcuanquil li xbe̱n contrato joꞌ ajcuiꞌ la̱o li cuanco rubel xcuanquil li acꞌ contrato. Ut ta̱cua̱nk kayuꞌam chi junelic joꞌ quixyechiꞌi li Dios. Li Jesucristo quicam chiru cruz re kacolbal. Riqꞌuin lix lokꞌlaj quiqꞌuel quixtoj rix li kama̱c.

Efesios 2:13

Junxil li Dios ma̱cꞌaꞌ e̱riqꞌuin. Abanan anakcuan rehex chic xban nak li Cristo quicam chiru li cruz saꞌ e̱cꞌabaꞌ.

Salmos 118:27

Li Ka̱cuaꞌ, aꞌan li nimajcual Dios. Ut aꞌan li nacutanobresin re li kacꞌaꞌux. Chikalokꞌonihak li Ka̱cuaꞌ ut chikaqꞌue li kamayej saꞌ lix artal.

Apocalipsis 6:9

Nak li Jun li chanchan carner quixte li roꞌ sello, quicuil nak cuanqueb rubel li artal li queꞌcamsi̱c xban nak queꞌpa̱ban ut xban nak queꞌxchꞌolob xya̱lal li ra̱tin li Dios.

Levítico 4:25

Chirix aꞌan, laj tij tixcꞌam caꞌchꞌinak li quicꞌ ut riqꞌuin ruꞌuj rukꞌ tixqꞌue saꞌ xbe̱neb li xucub li cuanqueb saꞌ li artal li nacꞌateꞌ cuiꞌ li mayej. Ut li ta̱elaꞌa̱nk tixhoy saꞌ xto̱n li artal.

Levítico 6:30

Incꞌaꞌ naru nequeꞌxtzaca li mayej tib li quicꞌameꞌ lix quiqꞌuel saꞌ li Lokꞌlaj Santil Naꞌajej re xtzꞌa̱manquil xcuybal xma̱queb. Tento nak teꞌxcꞌat chixjunil li mayej aꞌin.

Éxodo 29:12

Ta̱xoc lix quiqꞌuel ut riqꞌuin ruꞌuj a̱cuukꞌ ta̱yul li quicꞌ chiru li ca̱hib chi xucub li cuanqueb saꞌ xca̱ xucu̱til li artal. Ut li joꞌ qꞌuial li ta̱elaꞌa̱nk ta̱hoy saꞌ xto̱n li artal.

Levítico 1:5

Nak tixcamsi li toro toj sa̱j li tixqꞌue chokꞌ cꞌatbil mayej, tixxekꞌ chi chꞌi̱chꞌ lix cux chiru li Ka̱cuaꞌ. Ut laj tij, li ralal laj Aarón, tixxoc lix quiqꞌuel ut tixrachrachi chixjun sutam li artal ut saꞌ xbe̱n li artal li cuan chixcꞌatk li oqueba̱l re li tabernáculo.