Levítico 4:4 - Li Santil hu

⁴ Laj tij tixcꞌam li toro chire li oqueba̱l re li tabernáculo. Ut tixqꞌue li rukꞌ saꞌ xjolom, tojoꞌnak tixcamsi chiru li Ka̱cuaꞌ Dios.

Q'eqchi Bible

⁴ Tixk'am chiru li Qaawa', sa' rokeb'aal li Loq'laj Muheb'aal; aran tixk'e li ruq' sa' xb'een li xjolom, ut chirix a'an tixyok' xkux chiru A'an.

Levítico 4:4 ပူးပေါင်းရင်းမြစ်များ

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.

Daniel 9:26

Ut nak acak xnumeꞌ li cuib xca̱cꞌa̱l xama̱n, ta̱camsi̱k li Mesías chi ma̱cꞌaꞌ xma̱c. Ut jun chic li rey ta̱cha̱lk ut aꞌan ta̱numta̱k saꞌ xbe̱n li tenamit Jerusalén ut tixjuqꞌui li templo ut tixsach li tenamit. Chanchan butꞌ ta̱sachok reheb nak teꞌosokꞌ. Ut toj saꞌ li rosoꞌjic ta̱cua̱nk li ple̱t ut ta̱cꞌulma̱nk li ac yebil xban li Dios.

Isaías 53:6

La̱o xkasach kib kajunes saꞌ li ma̱c. Chanchano li carner li nequeꞌxchaꞌchaꞌi ribeb. Ac kabe kabe xkachap chikaju̱nkal. Abanan li xtojbal rix li kama̱usilal li Ka̱cuaꞌ Dios quixqꞌue saꞌ xbe̱n aꞌan.

Levítico 16:21

Ut tixqꞌue xcabichal li rukꞌ saꞌ xjolom li chiba̱t ut tixye chixjunil li ma̱c ut li ma̱usilal li queꞌxba̱nu eb laj Israel. Tixba̱nu chi joꞌcan re nak ta̱cana̱k chixjunil li ma̱c saꞌ xbe̱n li chiba̱t. Ut jun li cui̱nk xakabanbil li ta̱cꞌamok re, re ta̱rachꞌab chak saꞌ li chaki chꞌochꞌ.

Levítico 4:15

Ut eb li nequeꞌtaklan saꞌ li tenamit teꞌxqꞌue li rukꞌ saꞌ xjolom li toro chiru li Ka̱cuaꞌ ut teꞌxcamsi.

Levítico 4:29

Tixqꞌue li rukꞌ saꞌ xjolom li xul li tixqꞌue chokꞌ xmayej re xtzꞌa̱manquil xcuybal xma̱c, ut tixcamsi saꞌ li naꞌajej li nequeꞌcamsi̱c cuiꞌ li xul li nequeꞌcꞌateꞌ chokꞌ mayej.

Levítico 8:14

Chirix aꞌan laj Moisés quixcꞌam chak li toro li toj sa̱j li ta̱mayeja̱k re xtzꞌa̱manquil xcuybal lix ma̱queb. Ut laj Aarón ut eb li ralal queꞌxqꞌue li rukꞌ saꞌ xjolom li xul.

Números 8:12

Chirix aꞌan eb laj levitas teꞌxqꞌue li rukꞌeb saꞌ xjolomeb li cuib chi toro toj sa̱jeb. Li jun teꞌxmayeja chicuu re xtzꞌa̱manquil xcuybal xma̱queb ut li jun chic teꞌxqꞌue chokꞌ cꞌatbil mayej re xtojbal rix lix ma̱queb. Joꞌcaꞌin nak queꞌxsantobresiheb laj levita.

2 Crónicas 29:23

Chirix aꞌan queꞌxcꞌam li te̱lom chiba̱t chiru li rey ut chiruheb li tenamit li chꞌutchꞌu̱queb aran re nak teꞌxqꞌue li rukꞌeb saꞌ xbe̱neb. Eb li xul aꞌan teꞌmayeja̱k re xtzꞌa̱manquil xcuybal lix ma̱queb.