Levítico 4:34 - Li Santil hu

³⁴ Ut chirix aꞌan laj tij tixcꞌam caꞌchꞌinak li quicꞌ ut tixqꞌue li quicꞌ saꞌ xbe̱neb li xucub li cuanqueb saꞌ li artal li nacꞌateꞌ cuiꞌ li mayej. Ut li quicꞌ li ta̱elaꞌa̱nk tixhoy saꞌ xto̱n li artal.

Q'eqchi Bible

³⁴ Toja' naq laj tij tixchap rik'in ru'uj ruq' kach'inaq xkik'el li xul xmayejamank chirix li maak ut tixyul chiru xxukub' li x'artalil li k'atb'il mayej, ut chixjunil li rela' li kik' taahoye'q chi roq li artal.

Levítico 4:34 ပူးပေါင်းရင်းမြစ်များ

Levítico 4:30

Ut chirix aꞌan laj tij tixcꞌam caꞌchꞌinak li quicꞌ ut riqꞌuin ruꞌuj rukꞌ tixqꞌue li quicꞌ saꞌ xbe̱neb li xucub li cuanqueb saꞌ li artal li nacꞌateꞌ cuiꞌ li mayej. Ut li quicꞌ li ta̱elaꞌa̱nk tixhoy saꞌ xto̱n li artal.

Levítico 4:25

Chirix aꞌan, laj tij tixcꞌam caꞌchꞌinak li quicꞌ ut riqꞌuin ruꞌuj rukꞌ tixqꞌue saꞌ xbe̱neb li xucub li cuanqueb saꞌ li artal li nacꞌateꞌ cuiꞌ li mayej. Ut li ta̱elaꞌa̱nk tixhoy saꞌ xto̱n li artal.

Levítico 4:7

Chirix aꞌan tixqꞌue caꞌchꞌinak li quicꞌ saꞌ xbe̱n li xucub li cuanqueb saꞌ li artal li nacꞌateꞌ cuiꞌ li sununquil pom chiru li Ka̱cuaꞌ saꞌ li tabernáculo. Li relaꞌ li quicꞌ tixhoy saꞌ xto̱n li artal re li cꞌatbil mayej li cuan saꞌ li oqueba̱l re li tabernáculo.

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.

1 Pedro 2:24

Relic chi ya̱l nak li Cristo, aꞌan li quixcꞌul li raylal nak quicam chiru li cruz re xtojbal rix li kama̱c la̱o. Aꞌan aj e nak quicam re nak incꞌaꞌ chic texma̱cobk. Texcua̱nk ban saꞌ ti̱quilal. Li Cristo quixcꞌul li yoqꞌuecꞌ saꞌ kacꞌabaꞌ la̱o aj ma̱c. Ut riqꞌuin li raylal li quixcꞌul xexqꞌuirtesi̱c.

Hebreos 10:29

Numtajenak cuiꞌchic ra teꞌxcꞌul li nequeꞌtzꞌekta̱nan re li Ralal li Dios ut nequeꞌxsach xcuanquil lix quiqꞌuel xban nak riqꞌuin xquiqꞌuel li Jesucristo xakabanbil xcuanquil li acꞌ contrato ut santobresinbilo la̱o. Numtajenak cuiꞌchic ra teꞌxcꞌul li nequeꞌxmajecua li Santil Musikꞌej li naqꞌuehoc ke li rusilal li Dios.

Hebreos 2:10

Riqꞌuin xcꞌulbal li raylal, li Jesucristo quitzꞌakobresi̱c ru chiru li Dios. Li Ka̱cuaꞌ Dios quiyi̱ban re chixjunil li cꞌaꞌak re ru. Xban aꞌan nak aꞌ li Dios yal re saꞌ xbe̱n. Joꞌcan nak quixtakla chak li Jesucristo chi xcꞌulbal li raylal ut quicam re xtojbal rix li kama̱c. Ut aꞌan ajcuiꞌ laj cꞌamol be chiruheb li ralal xcꞌajol li teꞌtzꞌako̱nk saꞌ lix lokꞌal.

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

Romanos 10:4

Nak quicꞌulun li Cristo saꞌ ruchichꞌochꞌ, quirakeꞌ xcꞌanjel li chakꞌrab li quiqꞌueheꞌ re laj Moisés xban li Dios. Ut chixjunileb li teꞌpa̱ba̱nk re li Cristo teꞌti̱cokꞌ xchꞌo̱leb chiru li Dios.

Romanos 8:3

Li najter chakꞌrab incꞌaꞌ naru toxcol chiru li ma̱c ut li ca̱mc. Ma̱cꞌaꞌ xcuanquil re kacolbal xban nak incꞌaꞌ nocoru chixba̱nunquil li naxye. Incꞌaꞌ nocoru chixba̱nunquil li naxye xban nak chalen chak saꞌ kayoꞌlajic la̱o aj ma̱c. Aban li Dios xoxcol chiru li ma̱c. Quixtakla chak li Jesucristo li Ralal chi tzꞌejcualocꞌ saꞌ ruchichꞌochꞌ. Li Ka̱cuaꞌ Jesucristo quixmayeja rib re xsachbal xcuanquil li ma̱c.

Romanos 8:1

Anakcuan ut ma̱cꞌaꞌ chic li tojba ma̱c saꞌ xbe̱neb li nequeꞌpa̱ban re li Cristo, li incꞌaꞌ chic nequeꞌxba̱nu li nequeꞌxrahi ru lix chꞌo̱leb. Nequeꞌxba̱nu ban li naraj li Santil Musikꞌej.

San Juan 17:19

Saꞌ xcꞌabaꞌ eb aꞌan xinkꞌaxtesi cuib la̱in chixba̱nunquil li cꞌaꞌru xaye cue. Ut saꞌ xcꞌabaꞌ li ya̱l li xinye eb aꞌan teꞌxkꞌaxtesi ajcuiꞌ ribeb chixba̱nunquil li cꞌaꞌru nacacuaj.

Isaías 42:21

Li Ka̱cuaꞌ nacuulac chiru xba̱nunquil chixjunil saꞌ ti̱quilal. Joꞌcan nak quixqꞌue xcuanquil li chakꞌrab ut quixqꞌue ajcuiꞌ xlokꞌal.

Levítico 4:18

Chirix aꞌan tixqꞌue caꞌchꞌinak li quicꞌ saꞌ xbe̱n li xucub li cuanqueb saꞌ li artal li cuan chiru li Ka̱cuaꞌ saꞌ li tabernáculo. Li relaꞌ li quicꞌ tixhoy saꞌ xto̱n li artal li nacꞌatman cuiꞌ li mayej li cuan saꞌ li oqueba̱l re li tabernáculo.