Levítico 4:3 - Li Santil hu

³ Cui nama̱cob junak li xbe̱nil aj tij, lix ma̱c nacana saꞌ xbe̱neb li tenamit. Tento nak li xbe̱nil aj tij tixmayeja jun li toro toj sa̱j ut tzꞌakal re ru. Joꞌcaꞌin nak tixtoj rix lix ma̱c chiru li Ka̱cuaꞌ.

Q'eqchi Bible

³ “Wi a' li xb'eenil aj tij namaakob'k, nakanaak li xmaak sa' xb'een li tenamit. Jo'kan naq tento tixmayeja chiru li Qaawa' junaq ch'ina wakax maak'a'aq reek', cho'q xmayej chirix li maak li xb'aanu.

Levítico 4:3 ပူးပေါင်းရင်းမြစ်များ

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

Levítico 9:2

Quixye re laj Aarón: —Chap jun li toro toj sa̱j ut ta̱mayeja re xtzꞌa̱manquil xcuybal le̱ ma̱c. Ut ta̱chap jun li te̱lom carner ut ta̱cꞌat re le̱ mayej. Tzꞌakalakeb re ru li ta̱qꞌue.

Levítico 4:14

Ut nak teꞌxnau nak ma̱c li xeꞌxba̱nu, li tenamit teꞌxqꞌue junak li sa̱j toro chokꞌ xmayej re xtzꞌa̱manquil xcuybal lix ma̱queb. Li mayej aꞌan teꞌxcꞌam chiru li tabernáculo.

Hebreos 5:3

Xban nak yal cui̱nk li xyucuaꞌil aj tij, joꞌcan nak rajlal namayejac re xtojbal rix lix ma̱c aꞌan. Ut namayejac ajcuiꞌ re xtojbal rix lix ma̱queb chixjunileb li tenamit.

Esdras 8:35

Chirix aꞌan, chixjunileb li queꞌsukꞌi Jerusalén queꞌxmayeja li cꞌatbil xul chiru li Ka̱cuaꞌ, lix Dioseb laj Israel. Queꞌxmayeja cablaju li toro reheb li cablaju xte̱paleb laj Israel. Queꞌxmayeja ajcuiꞌ cuaklaju roꞌcꞌa̱l (96) li te̱lom carner ut cuuklaju xca̱cꞌa̱l (77) li cocꞌ carner ut queꞌxmayeja ajcuiꞌ cablaju li te̱lom chiba̱t re xpatzꞌbal xcuybal xma̱queb. Chixjunil aꞌin queꞌxcꞌat chiru li Ka̱cuaꞌ chokꞌ xmayejeb.

Romanos 8:3

Li najter chakꞌrab incꞌaꞌ naru toxcol chiru li ma̱c ut li ca̱mc. Ma̱cꞌaꞌ xcuanquil re kacolbal xban nak incꞌaꞌ nocoru chixba̱nunquil li naxye. Incꞌaꞌ nocoru chixba̱nunquil li naxye xban nak chalen chak saꞌ kayoꞌlajic la̱o aj ma̱c. Aban li Dios xoxcol chiru li ma̱c. Quixtakla chak li Jesucristo li Ralal chi tzꞌejcualocꞌ saꞌ ruchichꞌochꞌ. Li Ka̱cuaꞌ Jesucristo quixmayeja rib re xsachbal xcuanquil li ma̱c.

Ezequiel 43:19

Te̱qꞌue jun li toro toj sa̱j reheb laj tij re xtzꞌa̱manquil xcuybal li ma̱c. Eb laj tij, aꞌaneb aj levita xcomoneb li ralal xcꞌajol laj Sadoc. Aꞌaneb li teꞌcꞌanjelak chicuu chokꞌ aj tij.

Éxodo 29:21

Ut li quicꞌ li cuan saꞌ li artal ta̱junaji riqꞌuin li aceite li nequeꞌxqꞌue saꞌ xbe̱neb li nequeꞌkꞌaxtesi̱c chi cꞌanjelac chiru li Ka̱cuaꞌ. Ut ta̱rachrachi li quicꞌ rochben li aceite saꞌ xbe̱n laj Aarón ut saꞌ xbe̱neb li ralal, joꞌ ajcuiꞌ chiru li rakꞌeb re nak kꞌaxtesinbilak laj Aarón joꞌqueb ajcuiꞌ li ralal chi cꞌanjelac chicuu, ut re ajcuiꞌ nak kꞌaxtesinbilak li rakꞌeb.

Éxodo 29:14

Abanan lix tibel li toro ut lix cꞌot ut lix tzꞌu̱mal te̱cꞌam jun pacꞌal li tꞌicr li sutsu cuiꞌ li tabernáculo, ut aran te̱cꞌat. Aꞌan li mayej re xtzꞌa̱manquil xcuybal xma̱queb laj Israel.

Éxodo 29:7

Ut ta̱chap li aceite ut ta̱qꞌue saꞌ xjolom laj Aarón retalil nak yo̱cat chixxakabanquil chokꞌ aj tij.

Números 8:8

Chirix aꞌan teꞌxqꞌue junak li toro toj sa̱j chokꞌ xcꞌatbil mayejeb rochben li cha̱bil cꞌaj yokꞌbil riqꞌuin aceite. Ut teꞌxqꞌue ajcuiꞌ jun li toro toj sa̱j re teꞌxmayeja re xtzꞌa̱manquil xcuybal li ma̱c.

Levítico 16:11

Joꞌcaꞌin tixba̱nu laj Aarón nak tixmayeja li toro re xtojbal rix lix ma̱c aꞌan ut re ajcuiꞌ xtojbal rix lix ma̱queb li cuanqueb saꞌ li rochoch.

Levítico 16:6

Ut laj Aarón tixmayeja li cuacax toro re xtojbal rix lix ma̱c aꞌan ut re ajcuiꞌ xtojbal rix lix ma̱queb li cuanqueb saꞌ li rochoch.

Levítico 8:12

Ut quixqꞌue li aceite saꞌ xjolom laj Aarón re xkꞌaxtesinquil chiru li Ka̱cuaꞌ chokꞌ aj tij.

Levítico 5:6

Tento nak tixqꞌue chokꞌ xmayej chiru li Ka̱cuaꞌ re xtzꞌa̱manquil xcuybal lix ma̱c jun li ixki carner malaj ut li ixki chiba̱t. Ut laj tij tixmayeja chiru li Ka̱cuaꞌ re xtojbal rix lix ma̱c.

Éxodo 30:10

Li artal aꞌin kꞌaxtesinbilak chi junaj cua chicuu nak laj Aarón tixqꞌue caꞌchꞌinak lix quiqꞌuel li xul li ta̱mayeja̱k re xtzꞌa̱manquil xcuybal xma̱queb laj Israel chiru li xucub li cuan saꞌ xca̱ xucu̱til li artal. Aꞌan tixba̱nu jun sut chiru li chihab. Joꞌcan ajcuiꞌ teꞌxba̱nu rajlal chihab li ralal xcꞌajol li teꞌcua̱nk mokon re xsantobresinquil li artal.

Hebreos 9:12

Li Ka̱cuaꞌ Jesucristo co̱ saꞌ li Lokꞌlaj Santil Naꞌajej saꞌ choxa. Aꞌan incꞌaꞌ quixmayeja xquiqꞌuel li chiba̱t chi moco ral cuacax. Quixmayeja ban lix lokꞌlaj quiqꞌuel. Jun sut ajcuiꞌ quixmayeja rib re xqꞌuebal li kacolbal chi junelic.

Levítico 4:5

Ut laj tij tixcꞌam caꞌchꞌinak xquiqꞌuel li toro saꞌ li tabernáculo.

Levítico 4:23

Ut nak tixqꞌue retal nak ma̱c xba̱nu, tento nak tixqꞌue chokꞌ xmayej junak te̱lom chiba̱t toj sa̱j ut tzꞌakal re ru.

Levítico 4:28

Nak tixqꞌue retal nak ma̱c li quixba̱nu, tixqꞌue junak li ixki chiba̱t tzꞌakal re ru chokꞌ xmayej re nak li Ka̱cuaꞌ tixcuy li ma̱c li quixba̱nu.

Números 16:22

Ut laj Moisés ut laj Aarón queꞌxhupub ribeb saꞌ chꞌochꞌ ut queꞌxye: —At Ka̱cuaꞌ, at kaDios, la̱at nacatqꞌuehoc xyuꞌam li junju̱nk. Jun ajcuiꞌ li xma̱cob cha̱cuu. ¿Ma ta̱cuisi a̱joskꞌil saꞌ xbe̱neb chixjunileb li tenamit?—

2 Crónicas 29:21

Queꞌxcꞌam cuukub li bo̱yx toj sa̱jeb, cuukub li te̱lom carner, ut cuukub chic li te̱lom carner li toj sa̱jeb joꞌ ajcuiꞌ cuukub li te̱lom chiba̱t. Queꞌxcꞌameb li xul aꞌin re teꞌxmayeja re xtzꞌa̱manquil xcuybal xma̱c li rey ut li ralal xcꞌajol joꞌ eb ajcuiꞌ li cuanqueb Judá. Ut re ajcuiꞌ xsantobresinquil lix templo li Ka̱cuaꞌ. Li rey quixye reheb laj tij nak aꞌaneb li teꞌcꞌatok re li xul saꞌ xbe̱n lix artal li Ka̱cuaꞌ. Eb laj tij, aꞌaneb li ralal xcꞌajol laj Aarón.

Levítico 1:3

Cui cuacax teꞌxqꞌue chokꞌ xcꞌatbil mayej, tento nak teꞌxqꞌue li toro tzꞌakalak re ru. Ut teꞌxqꞌue joꞌ na-ala saꞌ xchꞌo̱leb. Teꞌxcꞌam lix mayej chiru li Ka̱cuaꞌ saꞌ li oqueba̱l re li tabernáculo li nequeꞌxchꞌutub cuiꞌ ribeb li tenamit chixlokꞌoninquil li Dios.

Levítico 1:10

Cui carner malaj ut chiba̱t li tixqꞌue chokꞌ cꞌatbil mayej, tento nak tixqꞌue junak te̱lom tzꞌakalak re ru.

Levítico 6:18

Chixjunileb li ralal laj Aarón naru teꞌxtzaca li tzacae̱mk aꞌin. Aꞌin jun li chakꞌrab cua̱nk chi junelic chokꞌ reheb. Eb aꞌan li naru teꞌtzaca̱nk re xcomoneb li mayej aꞌin li nequeꞌcꞌateꞌ chiru li Ka̱cuaꞌ. Cui li mayej aꞌin ta̱nak saꞌ xbe̱n cꞌaꞌak re ru, santobresinbil teꞌcana̱k.

Levítico 9:3

Ta̱ye reheb laj Israel nak teꞌxqꞌue jun li te̱lom chiba̱t re xtzꞌa̱manquil xcuybal lix ma̱queb. Teꞌxqꞌue ajcuiꞌ jun li toro ut jun li carner re teꞌxcꞌat chokꞌ xmayej. Jun chihab cua̱nk reheb ut tzꞌakalakeb re ru.

Levítico 16:3

Nak ta̱oc laj Aarón cuan cuiꞌ li tabernáculo, tento nak tixcꞌam jun cuacax te̱lom li ta̱mayeja̱k re xtzꞌa̱manquil xcuybal li ma̱c. Ut tixcꞌam ajcuiꞌ jun li carner te̱lom chokꞌ re li cꞌatbil mayej.

Levítico 16:5

Eb li ralal xcꞌajol laj Israel teꞌxqꞌue cuib li te̱lom chiba̱t toj sa̱jeb re laj Aarón re nak tixmayeja re xtzꞌa̱manquil xcuybal lix ma̱queb. Ut teꞌxqꞌue ajcuiꞌ jun li carner te̱lom re li cꞌatbil mayej.

Ezequiel 40:39

Saꞌ xcaꞌ pacꞌalil li naꞌajej aꞌan cuanqueb caꞌcab li me̱x. Saꞌ xbe̱neb li me̱x aꞌan queꞌxcamsiheb li xul li teꞌcꞌatekꞌ ut eb li teꞌmayeja̱k re xpatzꞌbal xcuybal xma̱queb.

Ezequiel 44:27

Nak acak xnumeꞌ cuukub cutan, ta̱oc saꞌ li neba̱l re li templo li cuan chi saꞌ. Ut ta̱mayejak re xtzꞌa̱manquil xcuybal lix ma̱c. Chirix aꞌan ta̱ru̱k ta̱cꞌanjelak cuiꞌchic saꞌ li templo, chan li nimajcual Dios.