Levítico 4:26 - Li Santil hu

²⁶ Tixcꞌat chixjunil lix xe̱bul saꞌ li artal joꞌ nak quixcꞌat lix xe̱bul li xul li queꞌxmayeja re xcꞌambaleb rib saꞌ usilal riqꞌuin li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c laj cꞌamol be ut ta̱cuyekꞌ xma̱c.

Q'eqchi Bible

²⁶ Tixk'at chixjunil li xeeb' sa' xb'een li artal, jo' tz'aqal nab'aanumank re li xeeb'ul li mayej re k'amok ib' sa' usilal rik'in li Yos. Chi jo'kan laj tij tixk'e li mayej re xtojb'al rix li xmaak laj jolominel ut taakuymanq li xmaak.

Levítico 4:26 ပူးပေါင်းရင်းမြစ်များ

Levítico 4:20

Juntakꞌe̱t tixba̱nu riqꞌuin li chꞌina toro aꞌin joꞌ quixba̱nu riqꞌuin li toro li quixmayeja re xtzꞌa̱manquil xcuybal lix ma̱c aꞌan. Chi joꞌcaꞌin laj tij tixqꞌue li mayej re xtojbal rix lix ma̱queb li tenamit ut ta̱cuyekꞌ lix ma̱queb.

Números 15:28

Ut laj tij tixmayeja li chiba̱t chiru li Ka̱cuaꞌ re xtojbal rix lix ma̱c li ani ta̱ma̱cobk chi incꞌaꞌ yal xraj xchꞌo̱l. Ut ta̱cuyekꞌ xma̱c nak tixqꞌue lix mayej xul.

Levítico 5:10

Ut laj tij tixcꞌat li xul jun chic joꞌ yebil reheb nak teꞌxba̱nu. Chi joꞌcaꞌin laj tij tixqꞌue li mayej re xtojbal rix lix ma̱c li ani xma̱cob ut ta̱cuyekꞌ xma̱c.

Levítico 4:35

Ut ta̱risi lix xe̱bul li xul joꞌ nak nequeꞌrisi lix xe̱bul li xul li nequeꞌxqꞌue chokꞌ xmayej re xcꞌambaleb rib saꞌ usilal riqꞌuin li Dios. Ut laj tij tixqꞌue saꞌ xbe̱n li artal ut tixcꞌat. Ut aꞌanak jun li cꞌatbil mayej chiru li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c li quima̱cob ut ta̱cuyekꞌ xma̱c.

Levítico 4:31

Ut ta̱risi lix xe̱bul joꞌ nak nequeꞌrisi lix xe̱bul li xul li nequeꞌxqꞌue chokꞌ xmayej re xcꞌambaleb rib saꞌ usilal riqꞌuin li Dios. Ut laj tij tixqꞌue saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c li xma̱cob ut ta̱cuyekꞌ lix ma̱c.

Levítico 3:5

Ut eb li ralal xcꞌajol laj Aarón teꞌxcꞌat li mayej aꞌan saꞌ li artal saꞌ xbe̱n li siꞌ. Ut aꞌanak jun li sununquil cꞌatbil mayej ta̱cuulak chiru li Ka̱cuaꞌ.

Levítico 6:7

Ut laj tij tixcꞌat li mayej aꞌin re xtojbal rix lix ma̱c li ani quixba̱nu junak reheb li ma̱c aꞌin, ut ta̱cuyekꞌ xma̱c.

Levítico 5:18

Tixqꞌue re laj tij chokꞌ xmayej re xtzꞌa̱manquil xcuybal lix ma̱c jun li carner te̱lom li quixsicꞌ saꞌ xya̱nk lix queto̱mk. Tzꞌakal re ru li xul. Laj tij tixbir rix lix tzꞌak li xul li tixqꞌue chokꞌ xmayej. Laj tij tixmayeja re xtojbal rix lix ma̱c li ani ta̱ma̱cobk chi incꞌaꞌ naxnau nak ma̱c xba̱nu. Ut ta̱cuyekꞌ lix ma̱c.

Levítico 5:16

Tento nak tixtoj li mayej li joꞌ qꞌuial chic incꞌaꞌ xqꞌue ut tixtoj ajcuiꞌ li ju̱nk may ral li ju̱nk ciento (20%) li incꞌaꞌ quixtoj. Tixqꞌue re laj tij ut laj tij tixmayeja li carner re xtojbal rix lix ma̱c li cui̱nk li quiqꞌuehoc re li mayej. Ut ta̱cuyekꞌ lix ma̱c.

Levítico 5:13

Laj tij tixqꞌue li mayej aꞌin re xtojbal rix li ma̱c li quixba̱nu li ani ta̱ma̱cobk chi incꞌaꞌ xqꞌue retal nak xma̱cob, ut ta̱cuyekꞌ lix ma̱c. Li joꞌ qꞌuial chic ta̱cana̱k, aꞌan ta̱qꞌuehekꞌ re laj tij joꞌ queꞌxba̱nu riqꞌuin li mayej cꞌaj.

Levítico 1:4

Li ani tixqꞌue lix cꞌatbil mayej tixqꞌue li rukꞌ saꞌ xbe̱n lix jolom li xul li tixcꞌat re nak li Ka̱cuaꞌ tixcꞌul chokꞌ re xtojbal rix lix ma̱c.

Levítico 4:19

Ut ta̱risi chixjunil lix xe̱bul li toro ut tixcꞌat saꞌ xbe̱n li artal.

Levítico 12:8

Cui li ixk incꞌaꞌ ta̱ru̱k xlokꞌbal li carner, naru tixqꞌue cuib li mucuy malaj ut cuib li paloma toj sa̱jeb. Jun tixqꞌue re li cꞌatbil mayej ut li jun chic tixqꞌue re nak incꞌaꞌ chic muxbil ru. Chi joꞌcaꞌin laj tij tixtoj rix lix ma̱c ut li ixk ta̱santobresi̱k riqꞌuin lix yajel.

Levítico 14:18

Ut li joꞌ qꞌuial chic li aceite li ta̱cana̱k saꞌ rukꞌ laj tij tixqꞌue saꞌ xjolom li cristian li ac xqꞌuira. Joꞌcaꞌin nak laj tij tixqꞌue li mayej re xtojbal rix lix ma̱c chiru li Ka̱cuaꞌ.

2 Crónicas 29:24

Ut eb laj tij queꞌxcamsiheb li chiba̱t ut queꞌxqꞌue lix quiqꞌuel saꞌ li artal. Aꞌan li mayej re xtojbal rix lix ma̱queb chixjunileb laj Israel xban nak li rey quixtaklaheb chixcꞌatbal li mayej saꞌ xcꞌabaꞌeb chixjunileb laj Israel.

Levítico 15:15

Ut laj tij tixmayejaheb. Li jun tixmayeja re xtzꞌa̱manquil xcuybal xma̱c li cui̱nk. Ut li jun chic tixmayeja re lix cꞌatbil mayej. Joꞌcaꞌin tixba̱nu laj tij re nak li cui̱nk ta̱santobresi̱k chiru li Ka̱cuaꞌ riqꞌuin lix yajel.

Levítico 17:11

Li quicꞌ, aꞌan xyuꞌam ut xmetzꞌe̱u li tibelej. La̱in xinye nak te̱mayeja li quicꞌ chiru li artal re xtojbal rix le̱ ma̱c. Riqꞌuin quicꞌ te̱toj rix le̱ ma̱c xban nak li quicꞌ, aꞌan li natojoc rix le̱ yuꞌam.

Levítico 19:22

Ut riqꞌuin li carner li tixqꞌue chokꞌ xmayej, laj tij tixtzꞌa̱ma xcuybal li ma̱c li quixba̱nu. Ut li Dios tixcuy lix ma̱c.

Números 15:25

Laj tij ta̱mayejak re xtojbal rix le̱ ma̱c che̱junilex la̱ex aj Israel ut la̱in tincuy le̱ ma̱c xban nak xekꞌet li chakꞌrab chi incꞌaꞌ yal xraj e̱chꞌo̱l, ut xban nak te̱qꞌue le̱ cꞌatbil mayej chicuu ut te̱qꞌue ajcuiꞌ le̱ mayej re xtzꞌa̱manquil xcuybal le̱ ma̱c.

Ezequiel 43:22

Cuulajak chic tatmayejak re xtzꞌa̱manquil xcuybal li ma̱c. Ta̱mayeja jun te̱lom chiba̱t toj sa̱j li ma̱cꞌaꞌ re̱cꞌ. Ut eb laj tij teꞌxsantobresi li artal joꞌ queꞌxba̱nu riqꞌuin li toro.