Levítico 4:24 - Li Santil hu

²⁴ Tixqꞌue li rukꞌ saꞌ xjolom li chiba̱t ut tixcamsi saꞌ li naꞌajej li nequeꞌcamsi̱c cuiꞌ chiru li Ka̱cuaꞌ li xul li nequeꞌcꞌateꞌ. Li mayej aꞌin, aꞌan re xtzꞌa̱manquil xcuybal lix ma̱c li nacꞌamoc be chiruheb li tenamit.

Q'eqchi Bible

²⁴ Toja' naq tixk'e li ruq' sa' xb'een xjolom li teelom chib'aat ut tixyok' li xkux chiru li Qaawa', sa' li na'ajej b'arwi' neke'kamsiik eb' li xul li neke'k'ate'k. Li mayej a'in, a'an mayej chirix li maak.

Levítico 4:24 ပူးပေါင်းရင်းမြစ်များ

Isaías 53:6

La̱o xkasach kib kajunes saꞌ li ma̱c. Chanchano li carner li nequeꞌxchaꞌchaꞌi ribeb. Ac kabe kabe xkachap chikaju̱nkal. Abanan li xtojbal rix li kama̱usilal li Ka̱cuaꞌ Dios quixqꞌue saꞌ xbe̱n aꞌan.

Levítico 16:15

Ut chirix aꞌan ta̱xic chixcamsinquil li te̱lom chiba̱t re xtzꞌa̱manquil xcuybal lix ma̱queb li tenamit. Tixcꞌam lix quiqꞌuel ut ta̱xic cuiꞌchic jun pacꞌal li nimla tꞌicr saꞌ li naꞌajej li cuan cuiꞌ li Lokꞌlaj Ca̱x. Tixrachrachi li quicꞌ saꞌ xbe̱n lix tzꞌapbal re li Lokꞌlaj Ca̱x joꞌ ajcuiꞌ chiru. Tixba̱nu joꞌ quixba̱nu riqꞌuin lix quiqꞌuel li toro.

Levítico 7:2

Li mayej xul aꞌin teꞌxcamsi saꞌ li naꞌajej li nequeꞌxcamsi cuiꞌ li cꞌatbil mayej. Ut lix quiqꞌuel teꞌxrach saꞌ xbe̱n li artal joꞌ ajcuiꞌ chixjun sutam.

Levítico 6:25

—Ta̱ye re laj Aarón ut eb li ralal: Aꞌan aꞌin li chakꞌrab chirix li mayej li teꞌxqꞌue re xtzꞌa̱manquil xcuybal li ma̱c. Li xul li teꞌxqꞌue chokꞌ xmayej teꞌxcamsi chiru li Ka̱cuaꞌ saꞌ li naꞌajej li nequeꞌxcamsi cuiꞌ li xul li nequeꞌxqꞌue chokꞌ cꞌatbil mayej. Li mayej aꞌin, aꞌan santobresinbil.

Levítico 3:13

Tixqꞌue li rukꞌ saꞌ xbe̱n lix jolom li xul ut tixcamsi chiru li oqueba̱l re li tabernáculo. Ut laj tij tixrachrachi lix quiqꞌuel saꞌ xbe̱n li artal ut chixjun sutam.

Levítico 3:8

Tixqꞌue li rukꞌ saꞌ lix jolom li xul ut tixcamsi chiru li oqueba̱l re li tabernáculo. Ut laj tij tixrachrachi lix quiqꞌuel saꞌ xbe̱n li artal ut chixjun sutam.

Levítico 3:2

Li ani tixqꞌue lix mayej cuacax, tento nak tixqꞌue li rukꞌ saꞌ xjolom ut tixcamsi saꞌ li oqueba̱l re li tabernáculo. Ut eb laj tij teꞌxrachrachi lix quiqꞌuel saꞌ xbe̱n li artal ut chixjun sutam.

Levítico 1:11

Tixcamsi chiru li Ka̱cuaꞌ chixcꞌatk li artal saꞌ li pacꞌal li nacana saꞌ li norte. Ut eb laj tij teꞌxrachrachi lix quiqꞌuel saꞌ xbe̱n li artal ut chixjun sutam.

Levítico 1:5

Nak tixcamsi li toro toj sa̱j li tixqꞌue chokꞌ cꞌatbil mayej, tixxekꞌ chi chꞌi̱chꞌ lix cux chiru li Ka̱cuaꞌ. Ut laj tij, li ralal laj Aarón, tixxoc lix quiqꞌuel ut tixrachrachi chixjun sutam li artal ut saꞌ xbe̱n li artal li cuan chixcꞌatk li oqueba̱l re li tabernáculo.

Éxodo 29:38

Rajlal cutan te̱mayeja saꞌ li artal cuib li carner jun chihab cua̱nk reheb.

Levítico 14:13

Tixcamsi li carner saꞌ li santil naꞌajej li nacꞌatman cuiꞌ li xul re li cꞌatbil mayej ut re xpatzꞌbal xcuybal li ma̱c. Tento nak tixba̱nu chi joꞌcan xban nak li mayej aꞌan, joꞌ ajcuiꞌ li mayej re xtojbal rix li ma̱c, aꞌan jun santil mayej chiru li Ka̱cuaꞌ ut re laj tij.

2 Reyes 12:16

Ut li tumin li nequeꞌxqꞌue re xpatzꞌbal xcuybal xma̱queb, aꞌan incꞌaꞌ nequeꞌxqꞌue saꞌ li ca̱x xban nak li tumin aꞌan nacꞌanjelac chiruheb laj tij.

Levítico 1:4

Li ani tixqꞌue lix cꞌatbil mayej tixqꞌue li rukꞌ saꞌ xbe̱n lix jolom li xul li tixcꞌat re nak li Ka̱cuaꞌ tixcꞌul chokꞌ re xtojbal rix lix ma̱c.

Levítico 6:18

Chixjunileb li ralal laj Aarón naru teꞌxtzaca li tzacae̱mk aꞌin. Aꞌin jun li chakꞌrab cua̱nk chi junelic chokꞌ reheb. Eb aꞌan li naru teꞌtzaca̱nk re xcomoneb li mayej aꞌin li nequeꞌcꞌateꞌ chiru li Ka̱cuaꞌ. Cui li mayej aꞌin ta̱nak saꞌ xbe̱n cꞌaꞌak re ru, santobresinbil teꞌcana̱k.

Levítico 6:22

Ut laj tij li ta̱xakaba̱k chokꞌ re̱kaj laj Aarón saꞌ xya̱nkeb li ralal tixqꞌue li mayej aꞌin joꞌ quixba̱nu laj Aarón xban nak aꞌin jun xchakꞌrab li Ka̱cuaꞌ tento teꞌxba̱nu junelic. Ut ta̱cꞌatekꞌ chixjunil li mayej li tixqꞌue.

2 Crónicas 29:23

Chirix aꞌan queꞌxcꞌam li te̱lom chiba̱t chiru li rey ut chiruheb li tenamit li chꞌutchꞌu̱queb aran re nak teꞌxqꞌue li rukꞌeb saꞌ xbe̱neb. Eb li xul aꞌan teꞌmayeja̱k re xtzꞌa̱manquil xcuybal lix ma̱queb.