Levítico 4:22 - Li Santil hu

²² Cui junak aj cꞌamol be ta̱ma̱cobk riqꞌuin xkꞌetbal junak reheb lix chakꞌrab li Ka̱cuaꞌ lix Dios, aꞌan cuan xma̱c usta incꞌaꞌ naxnau nak ma̱c xba̱nu.

Q'eqchi Bible

²² “Wi junaq laj jolominel taamaakob'q ut tixq'et xchaq'rab' li Qaawa' li xYos, a'an wank xmaak, us ta ink'a' rajom xch'ool naq xmaakob'k.

Levítico 4:22 ပူးပေါင်းရင်းမြစ်များ

Levítico 4:13

Cui chixjunileb laj Israel teꞌma̱cobk ut teꞌxkꞌet inchakꞌrab chi incꞌaꞌ nequeꞌxnau nak ma̱c li yo̱queb chixba̱nunquil, cua̱nk xma̱queb usta incꞌaꞌ nequeꞌxnau.

Números 31:13

Laj Moisés ut laj Eleazar laj tij rochbeneb li nequeꞌjolomin reheb laj Israel queꞌco̱eb chixcꞌulbaleb li soldado nak queꞌsukꞌi chak saꞌ li ple̱t.

Números 16:2

Queꞌxkꞌetkꞌeti ribeb chiru laj Moisés rochbeneb cuib ciento riqꞌuin laje̱b roxcꞌa̱l (250) laj Israel xcomoneb li xakabanbileb chi takla̱nc saꞌ xbe̱neb li tenamit. Naꞌno ruheb li cui̱nk aꞌan.

Levítico 4:27

Cui cuan junak cristian ma̱cꞌaꞌ xcuanquil saꞌ li tenamit li naxkꞌet lix chakꞌrab li Dios chi incꞌaꞌ naxnau nak ma̱c li yo̱ chixba̱nunquil, aꞌan cuan xma̱c usta incꞌaꞌ naxnau nak ma̱c xba̱nu.

Éxodo 18:21

Ta̱sicꞌ ruheb li cui̱nk li teꞌtenkꞌa̱nk a̱cue. Ta̱siqꞌueb li cui̱nk li nequeꞌxlokꞌoni li Dios, li ti̱queb xchꞌo̱l ut li incꞌaꞌ teꞌxqꞌue rib re ta̱tumina̱k ruheb. Ta̱xakabeb li cui̱nk aꞌan chi rakoc a̱tin saꞌ xbe̱neb li cristian chi ju̱nk chꞌu̱tal. Cuan teꞌrakok a̱tin saꞌ xbe̱n jun mil chi cristian. Cuan teꞌrakok a̱tin saꞌ xbe̱n jun ciento chi cristian ut cuan teꞌrakok a̱tin saꞌ xbe̱n mero ciento chi cristian ut cuan teꞌrakok a̱tin saꞌ xbe̱n laje̱b chi cristian.

Números 15:24

Cui xexpaltoꞌ chi incꞌaꞌ yal naraj e̱chꞌo̱l, tento nak che̱junilex te̱qꞌue chokꞌ e̱cꞌatbil mayej jun li toro toj sa̱j chokꞌ sununquil mayej li ta̱cuulak chicuu. Ut te̱qꞌue rochben li mayej cꞌaj ut li mayej vino. Ut te̱qꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c.

Números 32:2

Joꞌcan nak queꞌco̱eb riqꞌuineb laj Moisés, laj Eleazar laj tij ut eb li nequeꞌtaklan saꞌ xbe̱neb laj Israel. Ut queꞌxye reheb:

Números 35:11

te̱sicꞌ ruheb li tenamit li teꞌxcol cuiꞌ ribeb li ani naxcamsi ras ri̱tzꞌin chi incꞌaꞌ yal naraj xchꞌo̱l.

Eclesiastés 5:6

Cheqꞌuehak retal li cꞌaꞌru te̱ba̱nu re nak incꞌaꞌ texma̱cobk xban li cꞌaꞌru te̱yechiꞌi. Ma̱re mokon te̱ye re laj cꞌanjel chiru li Dios nak xma̱cꞌaꞌil e̱naꞌleb xeba̱nu cuiꞌ. Li Dios naru nasach ru li ac xeba̱nu. ¿Cꞌaꞌut nak te̱chikꞌ xjoskꞌil li Dios riqꞌuin li cꞌaꞌru nequeye?

Levítico 5:17

Cui junak cristian naxkꞌet lix chakꞌrab li Dios chi incꞌaꞌ naxnau nak ma̱c li xba̱nu, aꞌan cuan xma̱c usta incꞌaꞌ naxnau nak ma̱c xba̱nu. Ut li ma̱c aꞌan cua̱nk saꞌ xbe̱n.

Números 15:22

Ma̱re la̱ex te̱kꞌet eb li chakꞌrab aꞌin li quinqꞌue re laj Moisés chi incꞌaꞌ yal naraj e̱chꞌo̱l.

Salmos 19:13

Nintzꞌa̱ma cha̱cuu nak micuan taxak li kꞌetkꞌetil saꞌ li cua̱m. Incꞌaꞌ nacuaj nak ta̱numta̱k li kꞌetkꞌetil saꞌ inbe̱n. Ti̱cak taxak lin chꞌo̱l cha̱cuu re nak incꞌaꞌ tinba̱nu li ma̱c aꞌan.