Levítico 4:21 - Li Santil hu

²¹ Chirix aꞌan tixcꞌam li toro chirix li naꞌajej li cuanqueb cuiꞌ lix muheba̱leb li tenamit. Ut tixcꞌat chixjunil joꞌ nak quixcꞌat li toro jun. Li mayej aꞌin, aꞌan re xtzꞌa̱manquil xcuybal lix ma̱queb li tenamit.

Q'eqchi Bible

²¹ Chirix chik a'an taarisi chaq li ch'ina wakax chirix li na'ajej li wankeb' wi' li xmuheb'aaleb' li tenamit, ut tixk'at, jo' tz'aqal na'uxmank rik'in li xb'een ch'ina wakax. A'an a'in li mayej chirix xmaakeb' li komonil.

Levítico 4:21 ပူးပေါင်းရင်းမြစ်များ

Levítico 16:15

Ut chirix aꞌan ta̱xic chixcamsinquil li te̱lom chiba̱t re xtzꞌa̱manquil xcuybal lix ma̱queb li tenamit. Tixcꞌam lix quiqꞌuel ut ta̱xic cuiꞌchic jun pacꞌal li nimla tꞌicr saꞌ li naꞌajej li cuan cuiꞌ li Lokꞌlaj Ca̱x. Tixrachrachi li quicꞌ saꞌ xbe̱n lix tzꞌapbal re li Lokꞌlaj Ca̱x joꞌ ajcuiꞌ chiru. Tixba̱nu joꞌ quixba̱nu riqꞌuin lix quiqꞌuel li toro.

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

San Mateo 20:28

La̱in li Cꞌajolbej. Abanan incꞌaꞌ xinchal re nak teꞌxcꞌanjela cuu. Xinchal ban re tincꞌanjelak chiruheb chixjunil ut re xqꞌuebal lin yuꞌam re xtojbal rix lix ma̱queb chixjunileb.—

Esdras 8:35

Chirix aꞌan, chixjunileb li queꞌsukꞌi Jerusalén queꞌxmayeja li cꞌatbil xul chiru li Ka̱cuaꞌ, lix Dioseb laj Israel. Queꞌxmayeja cablaju li toro reheb li cablaju xte̱paleb laj Israel. Queꞌxmayeja ajcuiꞌ cuaklaju roꞌcꞌa̱l (96) li te̱lom carner ut cuuklaju xca̱cꞌa̱l (77) li cocꞌ carner ut queꞌxmayeja ajcuiꞌ cablaju li te̱lom chiba̱t re xpatzꞌbal xcuybal xma̱queb. Chixjunil aꞌin queꞌxcꞌat chiru li Ka̱cuaꞌ chokꞌ xmayejeb.

Levítico 16:21

Ut tixqꞌue xcabichal li rukꞌ saꞌ xjolom li chiba̱t ut tixye chixjunil li ma̱c ut li ma̱usilal li queꞌxba̱nu eb laj Israel. Tixba̱nu chi joꞌcan re nak ta̱cana̱k chixjunil li ma̱c saꞌ xbe̱n li chiba̱t. Ut jun li cui̱nk xakabanbil li ta̱cꞌamok re, re ta̱rachꞌab chak saꞌ li chaki chꞌochꞌ.

Hebreos 13:11

Lix yucuaꞌil aj tij saꞌ xya̱nkeb laj Israel naxcꞌam lix quiqꞌuel li xul saꞌ li Lokꞌlaj Santil Naꞌajej ut naxmayeja re risinquil li ma̱c. Aban lix tibel li xul naxcꞌat toj jun pacꞌal li tenamit.

Levítico 4:13

Cui chixjunileb laj Israel teꞌma̱cobk ut teꞌxkꞌet inchakꞌrab chi incꞌaꞌ nequeꞌxnau nak ma̱c li yo̱queb chixba̱nunquil, cua̱nk xma̱queb usta incꞌaꞌ nequeꞌxnau.

Levítico 4:20

Juntakꞌe̱t tixba̱nu riqꞌuin li chꞌina toro aꞌin joꞌ quixba̱nu riqꞌuin li toro li quixmayeja re xtzꞌa̱manquil xcuybal lix ma̱c aꞌan. Chi joꞌcaꞌin laj tij tixqꞌue li mayej re xtojbal rix lix ma̱queb li tenamit ut ta̱cuyekꞌ lix ma̱queb.

Números 15:24

Cui xexpaltoꞌ chi incꞌaꞌ yal naraj e̱chꞌo̱l, tento nak che̱junilex te̱qꞌue chokꞌ e̱cꞌatbil mayej jun li toro toj sa̱j chokꞌ sununquil mayej li ta̱cuulak chicuu. Ut te̱qꞌue rochben li mayej cꞌaj ut li mayej vino. Ut te̱qꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c.

Éxodo 29:14

Abanan lix tibel li toro ut lix cꞌot ut lix tzꞌu̱mal te̱cꞌam jun pacꞌal li tꞌicr li sutsu cuiꞌ li tabernáculo, ut aran te̱cꞌat. Aꞌan li mayej re xtzꞌa̱manquil xcuybal xma̱queb laj Israel.

Levítico 6:11

Chirix aꞌan ta̱risi li akꞌej lino chirix ut tixqꞌue jalan chic li rakꞌ chirix. Ut tixcꞌam li cha chirix li naꞌajej li cuanqueb cuiꞌ lix muheba̱leb li tenamit saꞌ li naꞌajej li incꞌaꞌ muxbil.

Levítico 6:23

Chixjunil li mayej cꞌaj li teꞌxqꞌue laj tij saꞌ xcꞌabaꞌeb aꞌan ta̱cꞌatekꞌ chixjunil. Incꞌaꞌ naru teꞌxtzaca.

Levítico 8:17

Ut li toro rochben lix tzꞌu̱mal, lix tibel ut lix cꞌamcꞌot quixcꞌam laj Moisés toj chirix lix naꞌaj lix muheba̱leb. Ut aran quixcꞌat joꞌ quiyeheꞌ re xban li Ka̱cuaꞌ.

Levítico 16:27

Ut ta̱isi̱k saꞌ li naꞌajej aꞌan lix tibel li toro ut li chiba̱t li quicꞌanjelac xquiqꞌuel saꞌ li Santil Naꞌajej re xtojbal rix li ma̱c. Ut aran chirix li naꞌajej aꞌan ta̱cꞌatekꞌ lix tibel rech xiquic lix tzꞌu̱mal ut lix cꞌot.

Ezequiel 45:22

Saꞌ li xbe̱n cutan re li ninkꞌe li rey tixqꞌue jun li toro li ta̱mayeja̱k re xtzꞌa̱manquil xcuybal xma̱c aꞌan ut re ajcuiꞌ xtzꞌa̱manquil xcuybal xma̱queb li tenamit.