Levítico 4:20 - Li Santil hu

²⁰ Juntakꞌe̱t tixba̱nu riqꞌuin li chꞌina toro aꞌin joꞌ quixba̱nu riqꞌuin li toro li quixmayeja re xtzꞌa̱manquil xcuybal lix ma̱c aꞌan. Chi joꞌcaꞌin laj tij tixqꞌue li mayej re xtojbal rix lix ma̱queb li tenamit ut ta̱cuyekꞌ lix ma̱queb.

Q'eqchi Bible

²⁰ naraj naxye, taab'aanumanq rik'in li ch'ina wakax a'in jo' tz'aqal nab'aanumank re li ch'ina wakax namayejaak chirix li maak. Chi jo'kan laj tij tixk'e li mayej re xtojb'al rix li xmaakeb' li tenamir ut taakuymanq li xmaakeb'.

Levítico 4:20 ပူးပေါင်းရင်းမြစ်များ

Números 15:25

Laj tij ta̱mayejak re xtojbal rix le̱ ma̱c che̱junilex la̱ex aj Israel ut la̱in tincuy le̱ ma̱c xban nak xekꞌet li chakꞌrab chi incꞌaꞌ yal xraj e̱chꞌo̱l, ut xban nak te̱qꞌue le̱ cꞌatbil mayej chicuu ut te̱qꞌue ajcuiꞌ le̱ mayej re xtzꞌa̱manquil xcuybal le̱ ma̱c.

Levítico 12:8

Cui li ixk incꞌaꞌ ta̱ru̱k xlokꞌbal li carner, naru tixqꞌue cuib li mucuy malaj ut cuib li paloma toj sa̱jeb. Jun tixqꞌue re li cꞌatbil mayej ut li jun chic tixqꞌue re nak incꞌaꞌ chic muxbil ru. Chi joꞌcaꞌin laj tij tixtoj rix lix ma̱c ut li ixk ta̱santobresi̱k riqꞌuin lix yajel.

Apocalipsis 1:5

Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Jesucristo li ti̱c xchꞌo̱l chixyebal li ya̱l. Li Jesucristo aꞌan li xbe̱n li quicuacli chi yoꞌyo saꞌ xya̱nkeb li camenak. Aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Aꞌan quirahoc ke ut aꞌan qui-isin re li kama̱c nak quihoyeꞌ lix quiqꞌuel nak quicam saꞌ kacꞌabaꞌ.

1 Juan 2:2

Li Jesucristo quicam re xtojbal rix li kama̱c. Moco caꞌaj ta cuiꞌ xban li kama̱c la̱o. Quicam aj ban cuiꞌ re xtojbal rix xma̱queb chixjunileb li cuanqueb saꞌ ruchichꞌochꞌ.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

Hebreos 9:14

Cui lix quiqꞌuel li xul naru naxsach lix paltileb, kꞌaxal nim cuiꞌchic xcuanquil lix quiqꞌuel li Jesucristo xban nak aꞌan narisi li kama̱c. Li Santil Musikꞌej quixtenkꞌa li Jesucristo nak quixmayeja rib chiru li Dios re xtojbal rix li kama̱c. Li Jesucristo tzꞌakal cha̱bil. Ma̱cꞌaꞌ xma̱c ut lix quiqꞌuel narisi li kama̱c li nacꞌamoc chak re li ca̱mc saꞌ kabe̱n. Naxsakobresi li kacꞌaꞌux re nak caꞌaj cuiꞌ chiru li yoꞌyo̱quil Dios tocꞌanjelak.

Hebreos 2:17

Xban nak li Jesucristo quicꞌulun chixtenkꞌanquileb li cuanqueb saꞌ ruchichꞌochꞌ tento nak quitzꞌejcualoꞌ joꞌ eb lix herma̱n. Chi ya̱l nak quitzꞌejcualoꞌ re nak ta̱ruxta̱na ku ut tixtoj rix li kama̱c. Li Jesucristo aꞌan lix yucuaꞌil aj tij chi cꞌanjelac chiru li Dios.

Hebreos 1:3

Li Ralal li Dios, aꞌan nacutanobresin re lix lokꞌal li Acuabej Dios. Ut aꞌan ajcuiꞌ nacꞌutuc chiku chanru lix naꞌleb. Li Ralal li Dios, aꞌan nacu̱tun re li ruchichꞌochꞌ riqꞌuin lix cuanquilal li ra̱tin xban nak aꞌan yal re saꞌ xbe̱n li ruchichꞌochꞌ. Ut nak ac xmayeja rib re risinquil li kama̱c, li Ralal li Dios co̱ saꞌ choxa ut quicꞌojla saꞌ xnim ukꞌ li Dios Acuabej, li kꞌaxal nim xcuanquil.

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)

Romanos 5:11

Ut moco caꞌaj cuiꞌ ta li kacolbal quixqꞌue li Dios. Naxqꞌue aj ban cuiꞌ lix sahilal kachꞌo̱l saꞌ xcꞌabaꞌ li Ka̱cuaꞌ Jesucristo li quicꞌamoc ke saꞌ usilal riqꞌuin li Dios.

Daniel 9:24

Laje̱b xca̱cꞌa̱l xama̱n teꞌxcꞌul li raylal li ac tenebanbil saꞌ xbe̱n lix santil tenamit li Dios, joꞌ eb ajcuiꞌ li ralal xcꞌajol re nak teꞌxtoj rix lix ma̱queb ut teꞌxcanab xba̱nunquil li ma̱usilal ut re nak teꞌxcanab xba̱nunquil li ma̱c. Nak ta̱xakaba̱k xcuanquil li ti̱quilal, ta̱cꞌulma̱nk li cꞌaꞌru quicꞌutbesi̱c cha̱cuu joꞌ ajcuiꞌ li queꞌxye li profeta ut li santil templo ta̱xakaba̱k cuiꞌchic.

Números 15:28

Ut laj tij tixmayeja li chiba̱t chiru li Ka̱cuaꞌ re xtojbal rix lix ma̱c li ani ta̱ma̱cobk chi incꞌaꞌ yal xraj xchꞌo̱l. Ut ta̱cuyekꞌ xma̱c nak tixqꞌue lix mayej xul.

Levítico 14:18

Ut li joꞌ qꞌuial chic li aceite li ta̱cana̱k saꞌ rukꞌ laj tij tixqꞌue saꞌ xjolom li cristian li ac xqꞌuira. Joꞌcaꞌin nak laj tij tixqꞌue li mayej re xtojbal rix lix ma̱c chiru li Ka̱cuaꞌ.

Levítico 6:7

Ut laj tij tixcꞌat li mayej aꞌin re xtojbal rix lix ma̱c li ani quixba̱nu junak reheb li ma̱c aꞌin, ut ta̱cuyekꞌ xma̱c.

Levítico 5:6

Tento nak tixqꞌue chokꞌ xmayej chiru li Ka̱cuaꞌ re xtzꞌa̱manquil xcuybal lix ma̱c jun li ixki carner malaj ut li ixki chiba̱t. Ut laj tij tixmayeja chiru li Ka̱cuaꞌ re xtojbal rix lix ma̱c.

Levítico 4:26

Tixcꞌat chixjunil lix xe̱bul saꞌ li artal joꞌ nak quixcꞌat lix xe̱bul li xul li queꞌxmayeja re xcꞌambaleb rib saꞌ usilal riqꞌuin li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c laj cꞌamol be ut ta̱cuyekꞌ xma̱c.

Levítico 1:4

Li ani tixqꞌue lix cꞌatbil mayej tixqꞌue li rukꞌ saꞌ xbe̱n lix jolom li xul li tixcꞌat re nak li Ka̱cuaꞌ tixcꞌul chokꞌ re xtojbal rix lix ma̱c.

Éxodo 32:30

Joꞌ cuulajak chic laj Moisés quixye reheb li tenamit: —La̱ex xexma̱cob. Anakcuan tintakekꞌ saꞌ li tzu̱l bar cuan cuiꞌ li Ka̱cuaꞌ Dios. Tintzꞌa̱ma chak e̱cuybal chiru li Dios ut ma̱re ta̱cuyekꞌ e̱ma̱c, chan.

Levítico 4:8

Ut ta̱risi lix xe̱bul li toro li xmayeja chokꞌ re xtzꞌa̱manquil xcuybal lix ma̱c. Tixqꞌue lix xe̱bul li cꞌamcꞌot ut tixqꞌue ajcuiꞌ li xe̱b li cuan chi saꞌ.

Levítico 4:21

Chirix aꞌan tixcꞌam li toro chirix li naꞌajej li cuanqueb cuiꞌ lix muheba̱leb li tenamit. Ut tixcꞌat chixjunil joꞌ nak quixcꞌat li toro jun. Li mayej aꞌin, aꞌan re xtzꞌa̱manquil xcuybal lix ma̱queb li tenamit.

Levítico 4:35

Ut ta̱risi lix xe̱bul li xul joꞌ nak nequeꞌrisi lix xe̱bul li xul li nequeꞌxqꞌue chokꞌ xmayej re xcꞌambaleb rib saꞌ usilal riqꞌuin li Dios. Ut laj tij tixqꞌue saꞌ xbe̱n li artal ut tixcꞌat. Ut aꞌanak jun li cꞌatbil mayej chiru li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c li quima̱cob ut ta̱cuyekꞌ xma̱c.

Levítico 5:10

Ut laj tij tixcꞌat li xul jun chic joꞌ yebil reheb nak teꞌxba̱nu. Chi joꞌcaꞌin laj tij tixqꞌue li mayej re xtojbal rix lix ma̱c li ani xma̱cob ut ta̱cuyekꞌ xma̱c.

Levítico 5:13

Laj tij tixqꞌue li mayej aꞌin re xtojbal rix li ma̱c li quixba̱nu li ani ta̱ma̱cobk chi incꞌaꞌ xqꞌue retal nak xma̱cob, ut ta̱cuyekꞌ lix ma̱c. Li joꞌ qꞌuial chic ta̱cana̱k, aꞌan ta̱qꞌuehekꞌ re laj tij joꞌ queꞌxba̱nu riqꞌuin li mayej cꞌaj.

Levítico 5:16

Tento nak tixtoj li mayej li joꞌ qꞌuial chic incꞌaꞌ xqꞌue ut tixtoj ajcuiꞌ li ju̱nk may ral li ju̱nk ciento (20%) li incꞌaꞌ quixtoj. Tixqꞌue re laj tij ut laj tij tixmayeja li carner re xtojbal rix lix ma̱c li cui̱nk li quiqꞌuehoc re li mayej. Ut ta̱cuyekꞌ lix ma̱c.

Levítico 5:18

Tixqꞌue re laj tij chokꞌ xmayej re xtzꞌa̱manquil xcuybal lix ma̱c jun li carner te̱lom li quixsicꞌ saꞌ xya̱nk lix queto̱mk. Tzꞌakal re ru li xul. Laj tij tixbir rix lix tzꞌak li xul li tixqꞌue chokꞌ xmayej. Laj tij tixmayeja re xtojbal rix lix ma̱c li ani ta̱ma̱cobk chi incꞌaꞌ naxnau nak ma̱c xba̱nu. Ut ta̱cuyekꞌ lix ma̱c.

Levítico 15:15

Ut laj tij tixmayejaheb. Li jun tixmayeja re xtzꞌa̱manquil xcuybal xma̱c li cui̱nk. Ut li jun chic tixmayeja re lix cꞌatbil mayej. Joꞌcaꞌin tixba̱nu laj tij re nak li cui̱nk ta̱santobresi̱k chiru li Ka̱cuaꞌ riqꞌuin lix yajel.

Levítico 19:22

Ut riqꞌuin li carner li tixqꞌue chokꞌ xmayej, laj tij tixtzꞌa̱ma xcuybal li ma̱c li quixba̱nu. Ut li Dios tixcuy lix ma̱c.