Levítico 4:18 - Li Santil hu

¹⁸ Chirix aꞌan tixqꞌue caꞌchꞌinak li quicꞌ saꞌ xbe̱n li xucub li cuanqueb saꞌ li artal li cuan chiru li Ka̱cuaꞌ saꞌ li tabernáculo. Li relaꞌ li quicꞌ tixhoy saꞌ xto̱n li artal li nacꞌatman cuiꞌ li mayej li cuan saꞌ li oqueba̱l re li tabernáculo.

Q'eqchi Bible

¹⁸ Rik'in li kik' tixyul b'ayaq eb' li xxukub' li artal li wank chiru li Qaawa', sa' li Loq'laj Muheb'aal. Ut chixjunil li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.

Levítico 4:18 ပူးပေါင်းရင်းမြစ်များ

Levítico 4:7

Chirix aꞌan tixqꞌue caꞌchꞌinak li quicꞌ saꞌ xbe̱n li xucub li cuanqueb saꞌ li artal li nacꞌateꞌ cuiꞌ li sununquil pom chiru li Ka̱cuaꞌ saꞌ li tabernáculo. Li relaꞌ li quicꞌ tixhoy saꞌ xto̱n li artal re li cꞌatbil mayej li cuan saꞌ li oqueba̱l re li tabernáculo.

Levítico 4:25

Chirix aꞌan, laj tij tixcꞌam caꞌchꞌinak li quicꞌ ut riqꞌuin ruꞌuj rukꞌ tixqꞌue saꞌ xbe̱neb li xucub li cuanqueb saꞌ li artal li nacꞌateꞌ cuiꞌ li mayej. Ut li ta̱elaꞌa̱nk tixhoy saꞌ xto̱n li artal.

Levítico 4:30

Ut chirix aꞌan laj tij tixcꞌam caꞌchꞌinak li quicꞌ ut riqꞌuin ruꞌuj rukꞌ tixqꞌue li quicꞌ saꞌ xbe̱neb li xucub li cuanqueb saꞌ li artal li nacꞌateꞌ cuiꞌ li mayej. Ut li quicꞌ li ta̱elaꞌa̱nk tixhoy saꞌ xto̱n li artal.

Levítico 4:34

Ut chirix aꞌan laj tij tixcꞌam caꞌchꞌinak li quicꞌ ut tixqꞌue li quicꞌ saꞌ xbe̱neb li xucub li cuanqueb saꞌ li artal li nacꞌateꞌ cuiꞌ li mayej. Ut li quicꞌ li ta̱elaꞌa̱nk tixhoy saꞌ xto̱n li artal.

Levítico 5:9

Tixchap caꞌchꞌinak lix quiqꞌuel ut tixrachrachi chixcꞌatk li artal. Ut li quicꞌ li ta̱elaꞌa̱nk tixhoy saꞌ xto̱n li artal. Aꞌan li mayej re xtzꞌa̱manquil xcuybal lix ma̱c.

Levítico 6:30

Incꞌaꞌ naru nequeꞌxtzaca li mayej tib li quicꞌameꞌ lix quiqꞌuel saꞌ li Lokꞌlaj Santil Naꞌajej re xtzꞌa̱manquil xcuybal xma̱queb. Tento nak teꞌxcꞌat chixjunil li mayej aꞌin.

2 Crónicas 29:22

Eb laj tij queꞌxcamsiheb li toro ut queꞌxxoc lix quiqꞌueleb. Queꞌxrachrachi saꞌ xbe̱n li artal. Ut queꞌxcamsi ajcuiꞌ eb li carner li che̱queb, joꞌ ajcuiꞌ li carner li toj sa̱jeb ut queꞌxrachrachi lix quiqꞌueleb saꞌ xbe̱n li artal.

Éxodo 29:12

Ta̱xoc lix quiqꞌuel ut riqꞌuin ruꞌuj a̱cuukꞌ ta̱yul li quicꞌ chiru li ca̱hib chi xucub li cuanqueb saꞌ xca̱ xucu̱til li artal. Ut li joꞌ qꞌuial li ta̱elaꞌa̱nk ta̱hoy saꞌ xto̱n li artal.

Éxodo 30:10

Li artal aꞌin kꞌaxtesinbilak chi junaj cua chicuu nak laj Aarón tixqꞌue caꞌchꞌinak lix quiqꞌuel li xul li ta̱mayeja̱k re xtzꞌa̱manquil xcuybal xma̱queb laj Israel chiru li xucub li cuan saꞌ xca̱ xucu̱til li artal. Aꞌan tixba̱nu jun sut chiru li chihab. Joꞌcan ajcuiꞌ teꞌxba̱nu rajlal chihab li ralal xcꞌajol li teꞌcua̱nk mokon re xsantobresinquil li artal.

Levítico 8:15

Ut laj Moisés quixcamsi li toro. Quixxoc lix quiqꞌuel ut riqꞌuin li ruꞌuj rukꞌ quixqꞌue li quicꞌ chiru li xucub li cuanqueb saꞌ xca̱ xucu̱til li artal re xsantobresinquil chiru li Ka̱cuaꞌ. Ut li quicꞌ li joꞌ qꞌuial chic quicana quixhoy saꞌ xto̱n li artal. Joꞌcaꞌin nak quixkꞌaxtesi li artal chiru li Ka̱cuaꞌ li teꞌmayejak cuiꞌ laj tij.

Levítico 9:9

Eb li ralal queꞌxxoc li quicꞌ ut queꞌxqꞌue re laj Aarón. Ut laj Aarón quixtzꞌa li rukꞌ saꞌ li quicꞌ ut quixyul chiruheb li xucub li cuan saꞌ xca̱ xucu̱til li artal. Li qui-elaꞌan quixhoy saꞌ xto̱n li artal.