Levítico 3:9 - Li Santil hu

⁹ Li mayej re xcꞌambal rib saꞌ usilal riqꞌuin li Ka̱cuaꞌ Dios, aꞌan jun cꞌatbil mayej. Tixqꞌue li xe̱b ut tixqꞌue lix ye chi jun. Tixyocꞌ toj saꞌ xto̱nal ut tixqꞌue ajcuiꞌ lix xe̱bul chixjunil li cꞌamcꞌot joꞌ ajcuiꞌ li cuan chi saꞌ.

Q'eqchi Bible

⁹ “Ani tixyeechi'i li xul cho'q mayej re k'amok ib' sa' usilal rik'in li Yos, tento tixq'axtesi chiru li Qaawa', jo' k'atb'il mayej, li xeeb', chixjunil li xye, li xxeeb'ul li xk'amk'ot,

Levítico 3:9 ပူးပေါင်းရင်းမြစ်များ

Levítico 9:19

Ut queꞌxchap lix xe̱bul li cuacax ut li carner, ut lix xe̱bul lix cꞌamcꞌot, joꞌ ajcuiꞌ lix ye rochben lix xe̱bul, ut lix que̱nkꞌ ut lix xe̱bul lix chꞌochꞌ.

Éxodo 29:22

Ta̱cuisi chixjunil lix xe̱bul li carner. Ta̱cuisi li xe̱b li cuan saꞌ lix ye ut li cuan chiru lix cꞌamcꞌot joꞌ ajcuiꞌ li cuan chiru lix sa̱seb ut lix que̱nkꞌ cuib, joꞌ ajcuiꞌ li xe̱b li cuan chiru. Joꞌcan ajcuiꞌ lix tel li cuan saꞌ xnim. Ta̱ba̱nu chi joꞌcaꞌin xban nak li carner aꞌin, aꞌan re xkꞌaxtesinquileb laj tij li teꞌcꞌanjelak chicuu.

Isaías 53:10

Li Dios ac cuan saꞌ xchꞌo̱l nak ta̱rahobtesi̱k ut quixqꞌue chi cꞌuluc raylal. Quicam re xcuybal xsachbal li kama̱c. Ta̱najtokꞌ rok lix yuꞌam ut ta̱rileb ru li ralal xcꞌajol. Ut saꞌ xcꞌabaꞌ aꞌan ta̱tzꞌaklok ru li cꞌaꞌru quiraj li Dios.

Proverbios 23:26

Ex cualal incꞌajol, cheqꞌuehak e̱chꞌo̱l chirabinquil li cꞌaꞌru tinye e̱re. Ut cheba̱nuhak li us joꞌ ninba̱nu la̱in.

Levítico 8:25

Quixchap lix xe̱bul li carner, lix ye rochben lix xe̱bul, ut lix xe̱bul li cuan chiru lix cꞌamcꞌot, lix chꞌochꞌ, ut lix que̱nkꞌ rochben lix xe̱bul ut quixchap ajcuiꞌ li rukꞌ li cuan saꞌ xnim.

Levítico 7:3

Ut teꞌxqꞌue chokꞌ xmayej lix xe̱bul, ut lix ye ut lix xe̱bul lix cꞌamcꞌot.

Levítico 17:5

Li chakꞌrab aꞌin qꞌuebil reheb laj Israel re nak incꞌaꞌ teꞌmayejak yalak bar saꞌ li cꞌaleba̱l. Teꞌxcꞌam riqꞌuin laj tij lix mayejeb re xcꞌambaleb rib saꞌ usilal riqꞌuin li Dios. Ut laj tij tixmayeja li xul chiru li Dios chiru li oqueba̱l re li tabernáculo saꞌ xcꞌabaꞌeb li cristian.

Números 7:88

Chixjunileb li mayej xul li queꞌxqꞌue re xcꞌambaleb rib saꞌ usilal riqꞌuin li Dios, aꞌan ca̱hib xcaꞌcꞌa̱l (24) li toro toj sa̱j, oxcꞌa̱l li te̱lom carner, oxcꞌa̱l li te̱lom chiba̱t ut oxcꞌa̱l li te̱lom carner jun chihab cuan reheb. Aꞌin li mayej li queꞌxqꞌue re xkꞌaxtesinquil chiru li Dios li artal nak ac quiqꞌueheꞌ li aceite chiru.

1 Samuel 10:8

La̱at xbe̱n cua tatxic chicuu aran Gilgal. Aran tina̱cuoybeni cuukub cutan toj tincuulak. Ut tinmayeja li cꞌatbil xul ut tinmayejak ajcuiꞌ re xcꞌambal kib saꞌ usilal chiru li Dios. Toj aran tinye a̱cue cꞌaꞌru ta̱ba̱nu, chan laj Samuel.

2 Samuel 6:17

Queꞌxcꞌam lix Lokꞌlaj Ca̱x li Ka̱cuaꞌ ut queꞌxqꞌue saꞌ xnaꞌaj saꞌ xyi li muheba̱l li quixyi̱b laj David. Ut laj David quixcꞌat li mayejanbil xul chiru li Ka̱cuaꞌ ut quixqꞌue xmayej re xcꞌambal ribeb saꞌ usilal riqꞌuin li Ka̱cuaꞌ.

1 Reyes 3:15

Nak qui-aj ru laj Salomón quixqꞌue retal nak li Ka̱cuaꞌ quixcꞌutbesi rib chiru saꞌ xmatcꞌ. Co̱ Jerusalén ut quixakli chiru lix Lokꞌlaj Ca̱x li Ka̱cuaꞌ ut quixmayeja lix cꞌatbil mayej. Quixqꞌue ajcuiꞌ lix mayej re xcꞌambaleb rib saꞌ usilal riqꞌuin li Ka̱cuaꞌ. Chirix aꞌan quixba̱nu jun li ninkꞌe reheb chixjunileb li nequeꞌcꞌanjelac chiru.

1 Reyes 8:63

Laj Salomón quixqꞌue li mayej chiru li Dios re xcꞌambaleb rib saꞌ usilal riqꞌuin. Cuib xcaꞌcꞌa̱l mil (22,000) li cuacax quixmayeja. Ut quixmayeja ajcuiꞌ jun ciento mil riqꞌuin junmay mil (120,000) li carner. Joꞌcaꞌin nak queꞌxkꞌaxtesi li templo chiru li Dios li rey ut eb li ralal xcꞌajol laj Israel.

1 Reyes 8:64

Saꞌ ajcuiꞌ li cutan aꞌan li rey quixkꞌaxtesi saꞌ rukꞌ li Dios li neba̱l li cuan chiru lix templo li Dios. Aran quixqꞌue chak li cꞌatbil mayej ut lix xe̱bul li xul li queꞌcꞌateꞌ chokꞌ xmayejeb re xcꞌambaleb rib saꞌ usilal riqꞌuin li Dios. Ut aran ajcuiꞌ queꞌxqꞌue li cꞌaꞌak chic re ru chi mayejil. Aran quixqꞌue li mayej xban nak incꞌaꞌ qui-oc chixjunil saꞌ xbe̱n li artal yi̱banbil riqꞌuin bronce, li cuan chiru li naꞌajej li nahilan cuiꞌ li Ka̱cuaꞌ xban nak caꞌchꞌin li artal aꞌan.

1 Crónicas 16:1

Joꞌcaꞌin nak queꞌxcꞌam lix Lokꞌlaj Ca̱x li Ka̱cuaꞌ ut queꞌxqꞌue saꞌ xyi li muheba̱l li quixyi̱b laj David. Queꞌxcꞌat li mayejanbil xul chiru li Ka̱cuaꞌ ut queꞌxqꞌue xmayej re xcꞌambaleb rib saꞌ usilal riqꞌuin li Ka̱cuaꞌ.