Levítico 3:5 - Li Santil hu

⁵ Ut eb li ralal xcꞌajol laj Aarón teꞌxcꞌat li mayej aꞌan saꞌ li artal saꞌ xbe̱n li siꞌ. Ut aꞌanak jun li sununquil cꞌatbil mayej ta̱cuulak chiru li Ka̱cuaꞌ.

Q'eqchi Bible

⁵ Eb' laj tij te'xk'at chixjunil a'in sa' xb'een li artal rochb'een li xul li taak'atmanq sa' xb'een li si' yo xxamlel, jo' k'atb'il mayej sununk xb'ook chiru li Qaawa',

Levítico 3:5 ပူးပေါင်းရင်းမြစ်များ

Levítico 6:12

Li xam li cuan saꞌ xbe̱n li artal junelic lochlo̱k. Incꞌaꞌ ta̱chupk. Laj tij tixqꞌue li siꞌ saꞌ xbe̱n li artal rajlal ekꞌela. Ut tixqꞌue ajcuiꞌ li cꞌatbil mayej ut li xe̱b saꞌ xbe̱n chokꞌ re li mayej re xcꞌambaleb rib saꞌ usilal riqꞌuin li Dios.

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

Éxodo 29:13

Ta̱cuisi chixjunil li xe̱b li nacuan chiru lix cꞌamcꞌot ut li xe̱b li nacuan chiru lix sa̱seb joꞌ ajcuiꞌ lix que̱nkꞌ rochben li xe̱b li cuan chiru, ut ta̱cꞌat saꞌ li artal.

Ezequiel 44:15

Eb laj levita, li ralal xcꞌajol laj Sadoc, aꞌaneb li queꞌcꞌanjelac chicuu nak eb li jun chꞌol chic laj Israel quineꞌxtzꞌekta̱na. Aꞌaneb li teꞌcꞌanjelak chicuu chokꞌ aj tij. Teꞌxmayeja chicuu li xe̱b ut lix quiqꞌuel li xul, chan li nimajcual Dios.

Ezequiel 44:7

Quemux ru lin templo nak xecanabeb chi oc saꞌ lin templo li jalaneb xtenamit, li incꞌaꞌ niquineꞌxpa̱b ut incꞌaꞌ queꞌxcꞌul li circuncisión. Ut xemayeja li caxlan cua ut lix quiqꞌuel li xul ut lix xe̱bul. Xban li ma̱usilal queba̱nu, querisi xcuanquil li contrato li quinba̱nu e̱riqꞌuin.

2 Crónicas 35:14

Chirix chic aꞌan eb laj levita queꞌxyi̱b li tib reheb aꞌan ut reheb ajcuiꞌ laj tij, li ralal xcꞌajol laj Aarón, xban nak eb laj tij latzꞌeb ru chixcꞌatbal li mayej xul ut lix xe̱bul li xul toj retal qui-oc li kꞌojyi̱n. Joꞌcan nak eb laj levita queꞌyi̱ban re lix tzacae̱mkeb.

1 Reyes 8:64

Saꞌ ajcuiꞌ li cutan aꞌan li rey quixkꞌaxtesi saꞌ rukꞌ li Dios li neba̱l li cuan chiru lix templo li Dios. Aran quixqꞌue chak li cꞌatbil mayej ut lix xe̱bul li xul li queꞌcꞌateꞌ chokꞌ xmayejeb re xcꞌambaleb rib saꞌ usilal riqꞌuin li Dios. Ut aran ajcuiꞌ queꞌxqꞌue li cꞌaꞌak chic re ru chi mayejil. Aran quixqꞌue li mayej xban nak incꞌaꞌ qui-oc chixjunil saꞌ xbe̱n li artal yi̱banbil riqꞌuin bronce, li cuan chiru li naꞌajej li nahilan cuiꞌ li Ka̱cuaꞌ xban nak caꞌchꞌin li artal aꞌan.

Levítico 4:35

Ut ta̱risi lix xe̱bul li xul joꞌ nak nequeꞌrisi lix xe̱bul li xul li nequeꞌxqꞌue chokꞌ xmayej re xcꞌambaleb rib saꞌ usilal riqꞌuin li Dios. Ut laj tij tixqꞌue saꞌ xbe̱n li artal ut tixcꞌat. Ut aꞌanak jun li cꞌatbil mayej chiru li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c li quima̱cob ut ta̱cuyekꞌ xma̱c.

Levítico 4:31

Ut ta̱risi lix xe̱bul joꞌ nak nequeꞌrisi lix xe̱bul li xul li nequeꞌxqꞌue chokꞌ xmayej re xcꞌambaleb rib saꞌ usilal riqꞌuin li Dios. Ut laj tij tixqꞌue saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c li xma̱cob ut ta̱cuyekꞌ lix ma̱c.

Levítico 1:9

Tixchꞌaj li cꞌamcꞌot ut li raꞌ li xul. Ut laj tij tixqꞌue chixjunil saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ.

Levítico 3:4

Tixqꞌue lix que̱nkꞌ cuib ut lix xe̱bul ut tixqꞌue ajcuiꞌ li xe̱b li cuan chixcꞌatk xsaꞌ. Ut tixqꞌue ajcuiꞌ li xe̱b li letzlo chiru lix chꞌochꞌ.

Levítico 3:11

Laj tij tixcꞌat chixjunil aꞌin saꞌ li artal. Li tzacae̱mk aꞌin, aꞌanak jun li mayej ta̱qꞌuehekꞌ chiru li Ka̱cuaꞌ.

Levítico 7:28

Li Ka̱cuaꞌ quia̱tinac riqꞌuin laj Moisés ut quixye re:

Levítico 9:17

Ut quixqꞌue ajcuiꞌ li mayej cꞌaj. Quixchap jun mo̱chꞌ ut quixcꞌat saꞌ xbe̱n li artal. Li mayej aꞌan jun chic li mayej tixba̱nu chirix li cꞌatbil mayej li quixqꞌue rajlal ekꞌela.

Números 15:8

Nak te̱qꞌue jun li toro toj sa̱j chokꞌ re e̱cꞌatbil mayej, malaj ut re li mayej re xba̱nunquil li cꞌaꞌru xeyechiꞌi, malaj ut re xcꞌambal e̱rib saꞌ usilal riqꞌuin li Ka̱cuaꞌ,

Números 28:3

Aꞌan aꞌin li cꞌatbil mayej li teꞌxqꞌue cue la̱in li Ka̱cuaꞌ. Rajlal cutan teꞌxmayeja saꞌ li artal cuib li carner te̱lom jun chihab cua̱nk reheb ut ma̱cꞌaꞌak re̱qꞌueb.

Números 28:12

Rochbeneb li junju̱nk chi toro teꞌxqꞌue numenak oxlaju libra li cha̱bil cꞌaj yokꞌinbil riqꞌuin aceite. Rochbeneb li junju̱nk chi carner teꞌxqꞌue caꞌchꞌin ma̱ bele̱b libra li cha̱bil cꞌaj yokꞌinbil riqꞌuin aceite.

Levítico 1:13

Li tixqꞌue xcꞌatbil mayej tixchꞌaj lix cꞌamcꞌot ut li raꞌ li xul. Ut laj tij tixmayeja chiru li Ka̱cuaꞌ ut tixqꞌue chixjunil saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ.

Levítico 1:17

Tixchap saꞌ xxicꞌ ut tixjach saꞌ xyi li xul. Abanan incꞌaꞌ tixjach chi jun cuacaj. Ut incꞌaꞌ ta̱risi lix xicꞌ. Chirix aꞌan laj tij tixcꞌat saꞌ li artal saꞌ xbe̱n li xam. Ut aꞌanak jun li sununquil mayej ta̱cuulak chiru li Ka̱cuaꞌ.

Números 18:17

Abanan, incꞌaꞌ naru xtojbal rix li xbe̱n ral li cuacax, li carner ut li chiba̱t. Aꞌan cueheb la̱in. Tento nak teꞌmayeja̱k chicuu. Ta̱rachrachi lix quiqꞌuel chiru li artal ut ta̱cꞌat lix xe̱bul. Ut aꞌanak jun li sununquil cꞌatbil mayej ta̱cuulak chicuu la̱in li Ka̱cuaꞌ.