Levítico 3:3 - Li Santil hu

³ Li mayej re xcꞌambal rib saꞌ usilal riqꞌuin li Dios, aꞌan jun cꞌatbil mayej. Nak tixqꞌue li mayej aꞌan, tixqꞌue lix xe̱bul li cꞌamcꞌot ut chixjunil li xe̱b li cuan chi saꞌ.

Q'eqchi Bible

³ “Ani taaq'axtesinq li xul re xyeechi'inkil junaq mayej re k'amok ib' sa' usilal rik'in li Yos, tento tixq'axtesi chiru li Qaawa', jo' k'atb'il mayej, li xxeeb'ul li k'amk'ot,

Levítico 3:3 ပူးပေါင်းရင်းမြစ်များ

Éxodo 29:13

Ta̱cuisi chixjunil li xe̱b li nacuan chiru lix cꞌamcꞌot ut li xe̱b li nacuan chiru lix sa̱seb joꞌ ajcuiꞌ lix que̱nkꞌ rochben li xe̱b li cuan chiru, ut ta̱cꞌat saꞌ li artal.

San Mateo 15:8

Li tenamit aꞌin niquineꞌxlokꞌoni caꞌaj cuiꞌ riqꞌuin xtzꞌu̱mal reheb. Moco nequeꞌxba̱nu ta chi anchal xchꞌo̱leb.

Éxodo 29:22

Ta̱cuisi chixjunil lix xe̱bul li carner. Ta̱cuisi li xe̱b li cuan saꞌ lix ye ut li cuan chiru lix cꞌamcꞌot joꞌ ajcuiꞌ li cuan chiru lix sa̱seb ut lix que̱nkꞌ cuib, joꞌ ajcuiꞌ li xe̱b li cuan chiru. Joꞌcan ajcuiꞌ lix tel li cuan saꞌ xnim. Ta̱ba̱nu chi joꞌcaꞌin xban nak li carner aꞌin, aꞌan re xkꞌaxtesinquileb laj tij li teꞌcꞌanjelak chicuu.

Romanos 6:6

Nakanau nak li kanajter naꞌleb quiqꞌueheꞌ chiru cruz rochben li Cristo. Naraj naxye nak quisacheꞌ xcuanquil li kanajter naꞌleb nak quicam li Cristo. Ut anakcuan incꞌaꞌ chic cuanco rubel xcuanquil li ma̱c joꞌ nak xocuan chak junxil nak xkacꞌanjela chak ru li ma̱c.

Romanos 5:5

Li cꞌaꞌru nakayoꞌoni nakanau nak takacꞌul, xban nak kꞌaxal nocoxra li Dios ut naxcꞌut chiku lix nimal xrahom xban li Santil Musikꞌej li qꞌuebil chak ke.

San Mateo 13:16

Us xak e̱re la̱ex xban nak nequex-iloc ut nequeqꞌue retal li cꞌaꞌru nequeril. Nequex-abin ut nequetau ru lix ya̱lal.

Ezequiel 36:26

La̱in tinacꞌobresi le̱ ra̱m ut tinjal le̱ cꞌaꞌux. Tinkꞌunobresi le̱ ra̱m ut tincuisi li cacuil chꞌo̱lej li cuan e̱riqꞌuin, li chanchan pec.

Isaías 6:10

Ut quixye cuiꞌchic cue li Ka̱cuaꞌ: —A̱lobresi lix chꞌo̱leb li tenamit aꞌin re nak incꞌaꞌ teꞌxtau xya̱lal. Incꞌaꞌ saken cheꞌabi̱nk ut incꞌaꞌ saken cheꞌilok re nak incꞌaꞌ cheꞌilok riqꞌuin li ruheb ut incꞌaꞌ saken cheꞌabi̱nk riqꞌuin lix xiqꞌueb, chi moco lix chꞌo̱leb chixtau xya̱lal, chi moco teꞌsukꞌi̱k cuiqꞌuin re tebinqꞌuirtesi, chan.

Proverbios 23:26

Ex cualal incꞌajol, cheqꞌuehak e̱chꞌo̱l chirabinquil li cꞌaꞌru tinye e̱re. Ut cheba̱nuhak li us joꞌ ninba̱nu la̱in.

Salmos 119:70

Eb li cui̱nk aꞌin cauheb xchꞌo̱l. Joꞌcan nak incꞌaꞌ nequeꞌxtau xya̱lal. Abanan la̱in nasahoꞌ saꞌ inchꞌo̱l riqꞌuin la̱ chakꞌrab.

Deuteronomio 30:6

Chanchan nak te̱ba̱nu li circuncisión nak li Ka̱cuaꞌ ta̱risi saꞌ le̱ ra̱m li incꞌaꞌ us, joꞌ tixba̱nu reheb le̱ ralal e̱cꞌajol re nak te̱ra li Ka̱cuaꞌ le̱ Dios chi anchal e̱chꞌo̱l ut chi anchal le̱ ra̱m ut ta̱cua̱nk le̱ yuꞌam chi junelic.

Levítico 3:16

Laj tij tixcꞌat chixjunil aꞌin saꞌ li artal. Li tzacae̱mk aꞌin, aꞌanak jun li sununquil mayej ta̱cuulak chiru li Ka̱cuaꞌ. Chixjunil li xe̱b re li Ka̱cuaꞌ.

Levítico 1:8

Ut chirix aꞌan, eb laj tij teꞌxqꞌue li tib li ac xeꞌxset saꞌ xbe̱n li xam. Teꞌxqꞌue lix jolom ut lix xe̱bul lix cꞌamcꞌot saꞌ xbe̱n li xam saꞌ li artal.

Levítico 1:12

Tixseti lix tibel li xul ut eb laj tij teꞌxqꞌue li setbil tib saꞌ xbe̱n li artal. Ut teꞌxqꞌue ajcuiꞌ saꞌ li xam lix jolom li xul ut lix xe̱bul li cꞌamcꞌot.

Levítico 3:2

Li ani tixqꞌue lix mayej cuacax, tento nak tixqꞌue li rukꞌ saꞌ xjolom ut tixcamsi saꞌ li oqueba̱l re li tabernáculo. Ut eb laj tij teꞌxrachrachi lix quiqꞌuel saꞌ xbe̱n li artal ut chixjun sutam.

Levítico 3:4

Tixqꞌue lix que̱nkꞌ cuib ut lix xe̱bul ut tixqꞌue ajcuiꞌ li xe̱b li cuan chixcꞌatk xsaꞌ. Ut tixqꞌue ajcuiꞌ li xe̱b li letzlo chiru lix chꞌochꞌ.

1 Samuel 2:15

Ut nak toj ma̱jiꞌ nacꞌatman lix xe̱bul li tib li ta̱mayeja̱k, lix mo̱s laj tij nachal ut naxye reheb li cristian: —Qꞌue caꞌchꞌinak xtib laj tij re tixpom, xban nak aꞌan incꞌaꞌ naxcꞌul li tib nak ac chikbil. Caꞌaj cuiꞌ li tib toj rax naxcꞌul, chan.

Levítico 4:10

Ta̱risi lix xe̱bul joꞌ nak nequeꞌrisi lix xe̱bul li toro li nequeꞌxqꞌue chokꞌ xmayej re xcꞌambaleb rib saꞌ usilal riqꞌuin li Dios. Ut laj tij tixqꞌue saꞌ xbe̱n li artal ut tixcꞌat.

Levítico 7:5

Laj tij tixcꞌat chixjunil aꞌin saꞌ li artal. Aꞌanak jun li cꞌatbil mayej chiru li Ka̱cuaꞌ re xtzꞌa̱manquil xcuybal lix ma̱queb xban nak xeꞌxkꞌet li chakꞌrab.

Levítico 7:30

Nak tixcꞌam lix mayej li ta̱cꞌatma̱nk, riqꞌuin rukꞌ aꞌan tixtaksi li xe̱b ut li re xchꞌo̱l li xul chiru li artal re xkꞌaxtesinquil chiru li Ka̱cuaꞌ.

Levítico 9:10

Quixcꞌat saꞌ li artal lix xe̱bul ut lix que̱nkꞌ ut lix xe̱bul lix chꞌochꞌ li xul li quixmayeja re xtzꞌa̱manquil xcuybal lix ma̱c. Quixba̱nu joꞌ quixye li Ka̱cuaꞌ.

Levítico 16:25

Ut tixcꞌat saꞌ li artal lix xe̱bul lix mayejeb re xtzꞌa̱manquil xcuybal lix ma̱queb.

Ezequiel 44:15

Eb laj levita, li ralal xcꞌajol laj Sadoc, aꞌaneb li queꞌcꞌanjelac chicuu nak eb li jun chꞌol chic laj Israel quineꞌxtzꞌekta̱na. Aꞌaneb li teꞌcꞌanjelak chicuu chokꞌ aj tij. Teꞌxmayeja chicuu li xe̱b ut lix quiqꞌuel li xul, chan li nimajcual Dios.