Levítico 3:17 - Li Santil hu

¹⁷ Incꞌaꞌ te̱tzaca lix xe̱bul li xul chi moco lix quiqꞌuel. Aꞌin jun li chakꞌrab cua̱nk xcuanquil junelic. Yalak bar cua̱nkex la̱ex li naꞌbej yucuaꞌbej te̱ba̱nu li chakꞌrab aꞌin, joꞌ eb ajcuiꞌ le̱ ralal e̱cꞌajol li teꞌcua̱nk mokon.

Q'eqchi Bible

¹⁷ “A'an a'in jun chaq'rab' twanq chi junajwa cho'q reheb' li jar teep chi tenamit chaalel, yalaq b'ar wanqeb': ink'a' taatzekamanq li xeeb' chi moko li kik'”.

Levítico 3:17 ပူးပေါင်းရင်းမြစ်များ

Génesis 9:4

Abanan la̱ex incꞌaꞌ naru te̱tiu li tib cui incꞌaꞌ nequerisi chi us lix quiqꞌuel xban nak aꞌ lix quiqꞌuel, aꞌan naqꞌuehoc re lix yuꞌam, chan.

San Mateo 26:28

xban nak aꞌan aꞌin lin quiqꞌuel li ta̱hoyekꞌ re nak ta̱cuyekꞌ xma̱queb nabal chi tenamit. Ut aꞌan ta̱xakaba̱nk xcuanquil li Acꞌ Contrato.

Deuteronomio 15:23

Abanan, incꞌaꞌ naru te̱tzaca xquiqꞌuel. Te̱hoy ban lix quiqꞌuel saꞌ chꞌochꞌ joꞌ nak nequehoy li haꞌ.

Deuteronomio 12:23

Abanan, incꞌaꞌ naru te̱tzaca lix quiqꞌueleb li xul xban nak li quicꞌ, aꞌan li naqꞌuehoc xyuꞌam li xul. Ut incꞌaꞌ naru te̱tzaca li naqꞌuehoc yuꞌam rochben li tib.

Levítico 7:23

—Ta̱ye reheb laj Israel nak incꞌaꞌ naru teꞌxtzaca lix xe̱bul li cuacax, chi moco li carner, chi moco li chiba̱t.

Deuteronomio 12:16

Caꞌaj cuiꞌ lix quiqꞌuel li xul incꞌaꞌ naru te̱tzaca. Tento nak te̱hoy saꞌ chꞌochꞌ joꞌ nak nequehoy li haꞌ.

Levítico 17:7

Incꞌaꞌ chic teꞌxmayeja li xul yalak bar chiruheb li ma̱us aj musikꞌej li queꞌxlokꞌoni chak. Aꞌin jun li chakꞌrab cua̱nk chi junelic. Tento nak te̱ba̱nu la̱ex aj Israel ut tento ajcuiꞌ nak teꞌxba̱nu eb le̱ ralal e̱cꞌajol li teꞌcua̱nk mokon.

Levítico 6:18

Chixjunileb li ralal laj Aarón naru teꞌxtzaca li tzacae̱mk aꞌin. Aꞌin jun li chakꞌrab cua̱nk chi junelic chokꞌ reheb. Eb aꞌan li naru teꞌtzaca̱nk re xcomoneb li mayej aꞌin li nequeꞌcꞌateꞌ chiru li Ka̱cuaꞌ. Cui li mayej aꞌin ta̱nak saꞌ xbe̱n cꞌaꞌak re ru, santobresinbil teꞌcana̱k.

Levítico 3:16

Laj tij tixcꞌat chixjunil aꞌin saꞌ li artal. Li tzacae̱mk aꞌin, aꞌanak jun li sununquil mayej ta̱cuulak chiru li Ka̱cuaꞌ. Chixjunil li xe̱b re li Ka̱cuaꞌ.

Efesios 5:26

Li Jesucristo quixmayeja rib re xsantobresinquileb laj pa̱banel riqꞌuin nak teꞌxcꞌul li cubi haꞌ saꞌ xcꞌabaꞌ li Cristo ut riqꞌuin li ra̱tin li Dios.

Efesios 1:7

Kꞌaxal numtajenak li rusilal li Dios li quixqꞌue ke xban nak riqꞌuin xcamic li Jesucristo, cuan kacolbal ut cuybil sachbil chic li kama̱c.

Hechos 15:29

Incꞌaꞌ te̱tzaca li tzacae̱mk mayejanbil chiru li yi̱banbil dios chi moco te̱tzaca li quicꞌ chi moco te̱tzaca xtibel li yatzꞌbil xul. Ut incꞌaꞌ te̱mux e̱rib riqꞌuin coꞌbe̱tac yumbe̱tac. Cui te̱col e̱rib chiru chixjunil aꞌin, us te̱ba̱nu. Cherilak e̱rib, chan laj Jacobo.

Ezequiel 44:15

Eb laj levita, li ralal xcꞌajol laj Sadoc, aꞌaneb li queꞌcꞌanjelac chicuu nak eb li jun chꞌol chic laj Israel quineꞌxtzꞌekta̱na. Aꞌaneb li teꞌcꞌanjelak chicuu chokꞌ aj tij. Teꞌxmayeja chicuu li xe̱b ut lix quiqꞌuel li xul, chan li nimajcual Dios.

Ezequiel 33:25

Ta̱ye reheb nak la̱in li nimajcual Dios ninye: La̱ex nequetiu li tib rochben lix quiqꞌuel. Ut nequelokꞌoni li jalanil dios ut nequexcamsin. ¿Ma naru ta biꞌ te̱re̱chani li naꞌajej aꞌin cui toj yo̱quex chixba̱nunquil li ma̱usilal?

Deuteronomio 32:14

Quixqꞌue le̱ cuacax re ta̱cua̱nk le̱ leche ut le̱ queso. Quixqꞌue le̱ cha̱bil carner ut chiba̱t li cuanqueb Basán re nak ta̱cua̱nk le̱ tib. Ut quixqꞌue ajcuiꞌ li cha̱bil trigo. Ut querucꞌ li xyaꞌal li uvas li chanchan quicꞌ xban xcakal.

Levítico 23:14

Nak te̱qꞌue le̱ mayej acui̱mk re li Dios, incꞌaꞌ naru te̱cuaꞌ li caxlan cua yi̱banbil riqꞌuin trigo, chi moco te̱tzaca li trigo chi rax, chi moco chi qꞌuilinbil. Nak acak xeqꞌue le̱ mayej, naru te̱tzaca aꞌan. Li chakꞌrab aꞌin reheb le̱ ralal e̱cꞌajol anakcuan ut chi junelic kꞌe cutan aꞌ yal bar cua̱nkex.

Levítico 7:36

Saꞌ li cutan nak li Ka̱cuaꞌ quixsiqꞌueb ru chi cꞌanjelac chokꞌ aj tij, li Ka̱cuaꞌ quixye nak eb laj Israel junelic teꞌxqꞌue li tib aꞌan reheb laj tij.

1 Timoteo 4:4

Chixjunil li quixyoꞌobtesi li Dios, aꞌan cha̱bil. Ma̱cꞌaꞌ xtzꞌekta̱nanquil. Nakabantioxi chiru li Dios ut nakatzaca.

San Mateo 16:24

Ut li Jesús quixye reheb lix tzolom: —Li ani ta̱raj inpa̱banquil, tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal, usta ta̱camsi̱k saꞌ incꞌabaꞌ. Ut chinixta̱kehak.

Ezequiel 44:7

Quemux ru lin templo nak xecanabeb chi oc saꞌ lin templo li jalaneb xtenamit, li incꞌaꞌ niquineꞌxpa̱b ut incꞌaꞌ queꞌxcꞌul li circuncisión. Ut xemayeja li caxlan cua ut lix quiqꞌuel li xul ut lix xe̱bul. Xban li ma̱usilal queba̱nu, querisi xcuanquil li contrato li quinba̱nu e̱riqꞌuin.

Nehemías 8:10

Ut queꞌxye ajcuiꞌ reheb: —Chenima ru li cutan aꞌin xban nak li cutan aꞌin kꞌaxal lokꞌ chiru li Ka̱cuaꞌ. Mirahoꞌ e̱chꞌo̱l. Tzacahomak li cha̱bil tzacae̱mk ut ucꞌumak li cha̱bil vino li quiꞌ ut qꞌuehomak xtzacae̱mk li ma̱cꞌaꞌ cuan reheb yi̱banbil. Ut chisahokꞌ taxak saꞌ e̱chꞌo̱l xban nak li sahil chꞌo̱lej li naxqꞌue li Ka̱cuaꞌ, aꞌan naxqꞌue xcacuil kachꞌo̱l.—

Números 19:21

Aꞌin jun li chakꞌrab tento te̱ba̱nu chalen anakcuan ut chi junelic. Ut li ani narachrachin li haꞌ re santobresi̱c, tento nak tixpuchꞌ li rakꞌ. Ut li ani ta̱chꞌeꞌok re li haꞌ re santobresi̱c muxbilak chic ru ta̱cana̱k toj ta̱ecuu̱k.

Levítico 16:34

Aꞌan aꞌin li chakꞌrab xinqꞌue e̱re. Joꞌcaꞌin te̱ba̱nu rajlal chihab re xtojbal rix li ma̱c queba̱nu la̱ex aj Israel, chan li Dios. Ut laj Aarón quixba̱nu joꞌ quiyeheꞌ re laj Moisés xban li Dios.

Éxodo 27:21

Laj Aarón rochbeneb li ralal, aꞌaneb li teꞌilok re li candelero li cuan saꞌ li Santil Naꞌajej, li cuan chiru li tas li naramoc re li Lokꞌlaj Santil Naꞌajej, li cuan cuiꞌ li Lokꞌlaj Ca̱x. Teꞌril nak junelic lochlo̱k chiru li Ka̱cuaꞌ lix xamlel li candelero. Li chakꞌrab aꞌin tenebanbil saꞌ xbe̱neb laj Israel joꞌqueb ajcuiꞌ li ralal xcꞌajoleb re nak joꞌcan teꞌxba̱nu junelic.

Levítico 4:1

Li Ka̱cuaꞌ quixye re laj Moisés: —Tat-a̱tinak riqꞌuineb li ralal xcꞌajol laj Israel ut ta̱ye reheb chi joꞌcaꞌin: Cui junak nama̱cob chi incꞌaꞌ naxnau xya̱lal lin chakꞌrab tento nak tixba̱nu chi joꞌcaꞌin.

Levítico 6:22

Ut laj tij li ta̱xakaba̱k chokꞌ re̱kaj laj Aarón saꞌ xya̱nkeb li ralal tixqꞌue li mayej aꞌin joꞌ quixba̱nu laj Aarón xban nak aꞌin jun xchakꞌrab li Ka̱cuaꞌ tento teꞌxba̱nu junelic. Ut ta̱cꞌatekꞌ chixjunil li mayej li tixqꞌue.

Levítico 7:34

La̱in xinyehoc re nak laj Aarón laj tij ut eb li ralal teꞌxcꞌul li re xchꞌo̱l ut li rukꞌ li xul li teꞌxmayeja eb laj Israel re xcꞌambaleb rib saꞌ usilal riqꞌuin li Dios. Aꞌan jun chakꞌrab teꞌxba̱nu chi junelic, chan li Dios.

Levítico 10:9

—La̱at ut eb la̱ cualal incꞌaꞌ ta̱ru̱k tex-oc saꞌ li tabernáculo cui yo̱quex chi ucꞌac vino malaj ut li haꞌ li nacaltesin re nak incꞌaꞌ texca̱mk. Aꞌin jun li chakꞌrab tento te̱ba̱nu la̱ex ut tento ajcuiꞌ teꞌxba̱nu eb le̱ ralal e̱cꞌajol li teꞌcua̱nk mokon.

Levítico 10:15

Riqꞌuin lix xe̱bul li mayej li nacꞌatman te̱cꞌam li re xchꞌo̱l ut li rukꞌ li teꞌxtaksi saꞌ rukꞌeb chiru li Ka̱cuaꞌ. Rajlal te̱cꞌul aꞌin chokꞌ e̱re ut reheb le̱ ralal e̱cꞌajol joꞌ quixye li Ka̱cuaꞌ.

Levítico 16:29

Aꞌin jun chakꞌrab tenebanbil saꞌ e̱be̱n ut cua̱nk chi junelic. Te̱ba̱nu la̱ex aj Israel joꞌ ajcuiꞌ eb li jalaneb xtenamit li cuanqueb saꞌ e̱ya̱nk. Saꞌ li laje̱b xbe li xcuuk li po te̱ba̱nu le̱ ayu̱n ut ma̱ jun li cꞌanjel te̱ba̱nu.

Levítico 23:21

Saꞌ li cutan aꞌan te̱chꞌutub e̱rib ut texninkꞌei̱k re xlokꞌoninquil li Ka̱cuaꞌ. Ut ma̱ jun li cꞌanjel te̱ba̱nu. Eb le̱ ralal e̱cꞌajol teꞌxba̱nu li chakꞌrab aꞌin chalen anakcuan ut chi junelic aꞌ yal bar cua̱nkex.

Levítico 24:3

Rajlal ecuu laj Aarón tixlocheb li candil ut lochlo̱keb toj nak ta̱sake̱uk. Aꞌaneb li candil li cuanqueb saꞌ li tabernáculo chiru li tꞌicr li naramoc re li Lokꞌlaj Ca̱x li cuan cuiꞌ lix contrato li Ka̱cuaꞌ. Aꞌan jun li chakꞌrab tento teꞌxba̱nu chi junelic eb aꞌan joꞌ eb ajcuiꞌ li ralal xcꞌajol li teꞌcua̱nk mokon.

Éxodo 28:43

Rajlal teꞌxqꞌue li rakꞌeb aꞌan chirixeb nak teꞌoc saꞌ li tabernáculo ut nak teꞌoc chi cꞌanjelac saꞌ li artal li cuan saꞌ li Santil Naꞌajej re nak incꞌaꞌ teꞌpaltok chicuu la̱in li Ka̱cuaꞌ. Tento teꞌxba̱nu aꞌan re nak incꞌaꞌ teꞌca̱mk laj Aarón rochbeneb li ralal. Li chakꞌrab aꞌan tenebanbil chi junelic saꞌ xbe̱neb laj Aarón ut eb li ralal xcꞌajol li teꞌcua̱nk mokon.

Levítico 6:15

Laj tij tixqꞌue jun mo̱chꞌak li cha̱bil cꞌaj li ac qꞌuebil chokꞌ mayej. Tixqꞌue ajcuiꞌ li aceite ut li incienso li na-oc saꞌ xbe̱n li mayej. Tixcꞌat saꞌ xbe̱n li artal chokꞌ retalil nak kꞌaxtesinbil re li Ka̱cuaꞌ lix comon li mayej. Ut li mayej aꞌan, aꞌan jun sununquil mayej nacuulac chiru li Ka̱cuaꞌ.

Levítico 19:26

Me̱tiu li tib li toj cuan xquiqꞌuel. Incꞌaꞌ textu̱lak chi moco texkꞌehi̱nk.

Levítico 24:9

Li caxlan cua aꞌin, aꞌan li teꞌxcꞌul laj Aarón ut eb li ralal. Teꞌxcuaꞌ li caxlan cua saꞌ junak santil naꞌajej xban nak aꞌin jun mayej kꞌaxal santo saꞌ xya̱nkeb li cꞌatbil mayej li naqꞌueheꞌ re li Dios. Aꞌin jun chakꞌrab junelic teꞌxba̱nu.

Deuteronomio 12:24

Incꞌaꞌ naru te̱tzaca li quicꞌ. Te̱hoy ban saꞌ chꞌochꞌ joꞌ nak nequehoy li haꞌ.

2 Crónicas 29:35

Joꞌcan ut nak cuan nabal li mayej joꞌ ajcuiꞌ lix xe̱bul li cꞌatbil mayej re xcꞌambaleb rib saꞌ usilal riqꞌuin li Dios. Ut cuan ajcuiꞌ li vino li queꞌxqꞌue rochben li cꞌatbil mayej. Joꞌcaꞌin nak queꞌxtiquib cuiꞌchic xlokꞌoninquil li Ka̱cuaꞌ saꞌ lix templo.