Levítico 3:16 - Li Santil hu

¹⁶ Laj tij tixcꞌat chixjunil aꞌin saꞌ li artal. Li tzacae̱mk aꞌin, aꞌanak jun li sununquil mayej ta̱cuulak chiru li Ka̱cuaꞌ. Chixjunil li xe̱b re li Ka̱cuaꞌ.

Q'eqchi Bible

¹⁶ Chirix chik a'an laj tij tixk'at chixjunil a'in sa' xb'een li artal, jo' tzekemq, k'atb'il mayej li sununk xb'ook. Chixjunil li xeeb', rehaq li Qaawa'.

Levítico 3:16 ပူးပေါင်းရင်းမြစ်များ

San Mateo 22:37

Li Jesús quichakꞌoc ut quixye re: —Li chakꞌrab li kꞌaxal nim xcuanquil, aꞌan aꞌin: Ta̱ra li Ka̱cuaꞌ la̱ Dios chi anchal a̱chꞌo̱l ut chi anchal la̱ cua̱m ut chi anchal la̱ cꞌaꞌux.

Isaías 53:10

Li Dios ac cuan saꞌ xchꞌo̱l nak ta̱rahobtesi̱k ut quixqꞌue chi cꞌuluc raylal. Quicam re xcuybal xsachbal li kama̱c. Ta̱najtokꞌ rok lix yuꞌam ut ta̱rileb ru li ralal xcꞌajol. Ut saꞌ xcꞌabaꞌ aꞌan ta̱tzꞌaklok ru li cꞌaꞌru quiraj li Dios.

2 Crónicas 7:7

Li rey Salomón quixkꞌaxtesi ajcuiꞌ chiru li Dios li neba̱l li cuan chiru li templo. Aran quixcꞌat chak li mayej ut lix xe̱bul li xul li queꞌxcꞌat chokꞌ xmayejeb re xcꞌambaleb rib saꞌ usilal riqꞌuin li Dios. Incꞌaꞌ quixcꞌat saꞌ li artal li quixyi̱b riqꞌuin bronce laj Salomón xban nak kꞌaxal nabaleb li cꞌatbil mayej, lix xe̱bul ut li jun chꞌol chic li mayej.

Levítico 17:6

Laj tij tixrach lix quiqꞌuel li xul saꞌ lix artal li Ka̱cuaꞌ Dios chire li oqueba̱l re li tabernáculo. Ut tixcꞌat lix xe̱bul li tib chokꞌ re jun sununquil mayej chiru li Ka̱cuaꞌ.

Levítico 9:24

Ut li Ka̱cuaꞌ quixtakla li xam ut quixcꞌat li mayej ut li xe̱b li cuan saꞌ xbe̱n li artal. Nak eb li tenamit queꞌril li xam queꞌxhupub ribeb saꞌ chꞌochꞌ ut queꞌxlokꞌoni li Dios.

Levítico 8:25

Quixchap lix xe̱bul li carner, lix ye rochben lix xe̱bul, ut lix xe̱bul li cuan chiru lix cꞌamcꞌot, lix chꞌochꞌ, ut lix que̱nkꞌ rochben lix xe̱bul ut quixchap ajcuiꞌ li rukꞌ li cuan saꞌ xnim.

Levítico 4:31

Ut ta̱risi lix xe̱bul joꞌ nak nequeꞌrisi lix xe̱bul li xul li nequeꞌxqꞌue chokꞌ xmayej re xcꞌambaleb rib saꞌ usilal riqꞌuin li Dios. Ut laj tij tixqꞌue saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c li xma̱cob ut ta̱cuyekꞌ lix ma̱c.

Levítico 4:26

Tixcꞌat chixjunil lix xe̱bul saꞌ li artal joꞌ nak quixcꞌat lix xe̱bul li xul li queꞌxmayeja re xcꞌambaleb rib saꞌ usilal riqꞌuin li Ka̱cuaꞌ. Riqꞌuin li mayej li tixcꞌat laj tij, tixtoj rix lix ma̱c laj cꞌamol be ut ta̱cuyekꞌ xma̱c.

Éxodo 29:22

Ta̱cuisi chixjunil lix xe̱bul li carner. Ta̱cuisi li xe̱b li cuan saꞌ lix ye ut li cuan chiru lix cꞌamcꞌot joꞌ ajcuiꞌ li cuan chiru lix sa̱seb ut lix que̱nkꞌ cuib, joꞌ ajcuiꞌ li xe̱b li cuan chiru. Joꞌcan ajcuiꞌ lix tel li cuan saꞌ xnim. Ta̱ba̱nu chi joꞌcaꞌin xban nak li carner aꞌin, aꞌan re xkꞌaxtesinquileb laj tij li teꞌcꞌanjelak chicuu.

Éxodo 29:13

Ta̱cuisi chixjunil li xe̱b li nacuan chiru lix cꞌamcꞌot ut li xe̱b li nacuan chiru lix sa̱seb joꞌ ajcuiꞌ lix que̱nkꞌ rochben li xe̱b li cuan chiru, ut ta̱cꞌat saꞌ li artal.

2 Crónicas 29:35

Joꞌcan ut nak cuan nabal li mayej joꞌ ajcuiꞌ lix xe̱bul li cꞌatbil mayej re xcꞌambaleb rib saꞌ usilal riqꞌuin li Dios. Ut cuan ajcuiꞌ li vino li queꞌxqꞌue rochben li cꞌatbil mayej. Joꞌcaꞌin nak queꞌxtiquib cuiꞌchic xlokꞌoninquil li Ka̱cuaꞌ saꞌ lix templo.

Ezequiel 44:15

Eb laj levita, li ralal xcꞌajol laj Sadoc, aꞌaneb li queꞌcꞌanjelac chicuu nak eb li jun chꞌol chic laj Israel quineꞌxtzꞌekta̱na. Aꞌaneb li teꞌcꞌanjelak chicuu chokꞌ aj tij. Teꞌxmayeja chicuu li xe̱b ut lix quiqꞌuel li xul, chan li nimajcual Dios.

Génesis 4:4

Ut laj Abel quixqꞌue ajcuiꞌ chokꞌ xmayej li xbe̱n ral lix carner. Quixsicꞌ ru li kꞌaxal cha̱bil saꞌ xya̱nkeb. Ut li Ka̱cuaꞌ Dios quisahoꞌ saꞌ xchꞌo̱l riqꞌuin laj Abel ut quixcꞌul lix mayej.