Levítico 27:3 - Li Santil hu

³ Cui li quiyechiꞌi̱c, aꞌan cui̱nk li ac xba̱nu junmay chihab toj ta̱cuulak oxcꞌa̱l chihab (60) tento xtojbal laje̱b roxcꞌa̱l (50) chi tumin plata joꞌ xbisbal li tumin re lix tabernáculo li Ka̱cuaꞌ.

Q'eqchi Bible

³ cho'q re junaq teelom aj junmay toj oxk'aal chihab' tento xtojb'al lajeeb' roxk'aal chi tumin plaat, jo' chanru neke'b'isok sa' li Loq'laj Na'ajej;

Levítico 27:3 ပူးပေါင်းရင်းမြစ်များ

Éxodo 30:13

Chixjunileb li ac xeꞌajla̱c teꞌxqꞌue caꞌchꞌin ma̱ media onza li plata chokꞌ xmayejeb. Aꞌan li xqꞌuial lix mayejeb teꞌxqꞌue cue la̱in li Ka̱cuaꞌ joꞌ nequeꞌbisoc saꞌ li tabernáculo.

Números 18:16

Nak ac xba̱nu jun po tento teꞌxtoj rix. Lix tzꞌak, aꞌan o̱b chi tumin plata, joꞌ nequeꞌbisoc saꞌ li tabernáculo.

Levítico 27:25

Chixjunil lix tzꞌak li cꞌaꞌak re ru ta̱qꞌuehekꞌ aꞌ yal chanru li bisleb li nacꞌanjelac saꞌ li tabernáculo.

2 Reyes 12:4

Saꞌ jun li cutan laj Joás quixye reheb laj tij: —Te̱xoc ut te̱chꞌutub ru chixjunil li tumin li naqꞌueman saꞌ lix templo li Ka̱cuaꞌ, joꞌ ajcuiꞌ li joꞌ qꞌuial li tento teꞌxtoj li junju̱nk joꞌ ajcuiꞌ li na-ala saꞌ xchꞌo̱leb xqꞌuebal.

Números 3:47

Joꞌcan nak ta̱tojekꞌ o̱b chi tumin plata joꞌ li bisleb li cuan saꞌ li tabernáculo re̱kaj li junju̱nk xcomoneb li cuib ciento riqꞌuin oxlaju xca̱cꞌa̱l.

Levítico 27:14

Cui junak naxyechiꞌi li rochoch re li Ka̱cuaꞌ, laj tij, aꞌan li ta̱yehok re joꞌ nimal xtzꞌak aꞌ yal chanru li cab, ma cha̱bil malaj ut incꞌaꞌ. Joꞌ tixye laj tij, joꞌcan ta̱tojekꞌ.

Levítico 6:6

Tento nak tixqꞌue chokꞌ xmayej junak li carner te̱lom tzꞌakal re ru li tixsicꞌ saꞌ xya̱nk lix queto̱mk. Ut laj tij tixbir rix lix tzꞌak li xul aꞌan. Tixcꞌam lix mayej riqꞌuin laj tij re nak tixmayeja chokꞌ re xtzꞌa̱manquil xcuybal li ma̱c li quixba̱nu.

Levítico 5:15

—Nak junak cristian ta̱ma̱cobk chi incꞌaꞌ naxnau nak ma̱c yo̱ chixba̱nunquil xban nak incꞌaꞌ quixqꞌue lix mayej chi tzꞌakal joꞌ naxye lix chakꞌrab li Dios, tento nak tixqꞌue junak lix carner te̱lom tzꞌakal re ru re nak ta̱cuyekꞌ xma̱c. La̱at ta̱bir rix joꞌ nimal xtzꞌak li carner li tixqꞌue chokꞌ xmayej chiru li Dios chokꞌ xtojbal rix lix mayej li incꞌaꞌ xqꞌue. Ta̱bir rix li joꞌ qꞌuial tento xqꞌuebal joꞌ xbisbal li mayej li nequeꞌxqꞌue saꞌ li tabernáculo.

Levítico 27:4

Abanan cui li quiyechiꞌi̱c, aꞌan ixk, tento xtojbal laje̱b xcaꞌcꞌa̱l (30) chi tumin plata.

Éxodo 38:24

Chixjunil li oro li quicꞌanjelac re li tabernáculo, aꞌan mayejanbil xbaneb laj Israel. Lix qꞌuial li oro li queꞌxqꞌue, aꞌan cuib mil libra riqꞌuin jun ciento riqꞌuin oꞌlaju roꞌcꞌa̱l libra (2,195) joꞌ nequeꞌbisoc cuiꞌ saꞌ li tabernáculo.