Levítico 27:28 - Li Santil hu

²⁸ Abanan li cꞌaꞌak re ru kꞌaxtesinbil re li Ka̱cuaꞌ chi junaj cua incꞌaꞌ naru xcꞌayinquil chi moco naru xlokꞌbal, usta cristian, usta xul, usta chꞌochꞌ, xban nak aꞌan ac kꞌaxtesinbil chi junaj cua re li Ka̱cuaꞌ.

Q'eqchi Bible

²⁸ “Wi junaq tixmayeja b'ayaq li k'aru re cho'q re li Qaawa', a' yaal k'aru, ma poyanam, ma xul malaj ut ch'och' xmaatanihom rik'in li xna' xyuwa', moko truuq ta xk'ayinkil li ak mayejanb'il chi moko truuq xkolb'al rix; chixjunil li ak mayejanb'il, santob'resinb'ilaq ut rehaq li Qaawa'.

Levítico 27:28 ပူးပေါင်းရင်းမြစ်များ

Éxodo 22:20

Li ani ta̱mayejak chiruheb li jalanil dios, ut cui incꞌaꞌ tixqꞌue lix mayej re li tzꞌakal Dios, aꞌan tento ta̱camsi̱k.

Levítico 27:21

Ut nak ta̱cana̱k libre li chꞌochꞌ saꞌ li chihab re sahil chꞌo̱lejil, li chꞌochꞌ aꞌan kꞌaxtesinbil re li Ka̱cuaꞌ. Ut ta̱cana̱k chokꞌ reheb laj tij.

Deuteronomio 25:19

Nak li Ka̱cuaꞌ le̱ Dios texqꞌue chi hila̱nc ut incꞌaꞌ chic texpletik riqꞌuineb li xicꞌ nequeꞌiloc e̱re li cuanqueb chi xjun sutam li naꞌajej li tixqꞌue e̱re li Ka̱cuaꞌ, tento nak te̱camsi chixjunileb li ralal xcꞌajol laj Amalec re nak ta̱sachk xcꞌabaꞌeb chi junaj cua saꞌ ruchichꞌochꞌ. Misach saꞌ e̱chꞌo̱l xba̱nunquil aꞌan.

1 Samuel 15:18

Ut li Ka̱cuaꞌ catxtakla chi pletic riqꞌuineb laj Amalec. Ut quixye a̱cue nak tento ta̱sacheb ru chixjunileb xban nak aj ma̱queb.

Josué 7:1

Jun li cui̱nk aj Acán xcꞌabaꞌ, xcomoneb li ralal xcꞌajol laj Judá, quixxoc chokꞌ re li cꞌaꞌru ac kꞌaxtesinbil xban li Dios re sachecꞌ. Laj Acán, aꞌan li ralal laj Carmi. Laj Carmi, aꞌan li ralal laj Zabdi ut laj Zabdi, aꞌan li ralal laj Zera. Li ma̱c quixba̱nu laj Acán, li Dios quixqꞌue saꞌ xbe̱neb chixjunileb li ralal xcꞌajol laj Israel, ut cꞌajoꞌ nak quijoskꞌoꞌ saꞌ xbe̱neb.

Josué 6:26

Saꞌ eb li cutan aꞌan laj Josué quixba̱nu jun li juramento ut quixye: —Raylal ta chiqꞌuehekꞌ saꞌ xbe̱n xban li Ka̱cuaꞌ li ani ta̱oc cuiꞌchic chixcuaclesinquil li tenamit aꞌin. Chica̱mk ta li xbe̱n ralal li ani ta̱qꞌuehok cuiꞌchic lix cimiento li tenamit aꞌin. Ut chica̱mk ta ajcuiꞌ li i̱tzꞌinbej cui tixyi̱b li oqueba̱l, chan.

Números 18:14

Chixjunileb li mayej li nequeꞌxyechiꞌi cue eb laj Israel, la̱in tinqꞌue e̱re.

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)

Gálatas 3:10

Chixjunileb li nequeꞌxsicꞌ xti̱quilal xchꞌo̱l riqꞌuin xba̱nunquil li naxye saꞌ li najter chakꞌrab, tenebanbil li tojba ma̱c saꞌ xbe̱neb xban nak joꞌcaꞌin tzꞌi̱banbil saꞌ li Santil Hu: Tenebanbil li tojba ma̱c saꞌ xbe̱neb li ani incꞌaꞌ nequeꞌxba̱nu chixjunil li tzꞌi̱banbil retalil saꞌ li chakꞌrab. (Deut. 27:26)

1 Corintios 16:22

Li Ka̱cuaꞌ Jesucristo chi se̱b ta̱cha̱lk. Cui cuan junak saꞌ e̱ya̱nk incꞌaꞌ naxra li Jesucristo, chi cha̱lc ta raylal saꞌ xbe̱n.

Romanos 9:3

Tinqꞌue raj cuib chi tzꞌekta̱na̱c ut chi isi̱c riqꞌuin li Cristo cui ta riqꞌuin aꞌan ta̱ru̱k tebintenkꞌa re teꞌcolekꞌ.

San Mateo 25:41

Tojoꞌnak la̱in li Rey tinye reheb li cuanqueb saꞌ lin tzꞌe: “Elenkex chicuu. Tzꞌekta̱nanbilex saꞌ li xam li ma̱ jokꞌe ta̱chupk cꞌu̱banbil chak chokꞌ re laj tza ut reheb ajcuiꞌ lix ángel.

1 Samuel 15:3

Texxic anakcuan chi pletic riqꞌuineb laj Amalec. Te̱sach ruheb chixjunil li cꞌaꞌruheb re. Me̱ril xtokꞌoba̱l ruheb. Te̱camsiheb chixjunileb joꞌ cui̱nk, joꞌ ixk, joꞌqueb ajcuiꞌ li cocꞌal ut eb li toj cꞌulaꞌaleb. Te̱camsiheb ajcuiꞌ lix cuacax, ut eb lix carner, eb lix camelleb joꞌ eb ajcuiꞌ lix bu̱reb”, chan li Ka̱cuaꞌ.

Jueces 21:18

Queꞌxye ajcuiꞌ: —La̱o incꞌaꞌ naru takaqꞌueheb li karabin reheb xban nak xkaba̱nu li juramento ut xkaye nak tzꞌekta̱nanbilakeb li ani teꞌxqꞌueheb xrabin chokꞌ rixakileb li ralal xcꞌajol laj Benjamín.

Jueces 21:11

Te̱camsiheb ajcuiꞌ chixjunileb li cui̱nk ut eb li ixk li ac cuanjenakeb riqꞌuin cui̱nk, chanqueb.

Jueces 21:5

Queꞌxye chi ribileb rib: —¿Ma cuanqueb kacomon incꞌaꞌ queꞌcuulac nak kachꞌutub kib aran Mizpa re xlokꞌoninquil li Ka̱cuaꞌ? La̱o kaba̱nu li juramento nak teꞌcamsi̱k li incꞌaꞌ queꞌcuulac chixchꞌutubanquil ribeb Mizpa, chanqueb.

Josué 7:25

Laj Josué quixye re: —¿Cꞌaꞌut nak xacꞌam chak li raylal aꞌin saꞌ kabe̱n? Anakcuan li Ka̱cuaꞌ xqꞌuehak chatoj li raylal li xacꞌam chak saꞌ kabe̱n.— Nak quixye aꞌin laj Josué, chixjunileb laj Israel queꞌxcamsi chi pec laj Acán joꞌ ajcuiꞌ chixjunil li cuanqueb rochben. Ut chirix aꞌan queꞌxcꞌat.

Levítico 27:27

Cui aꞌan jun li xul li incꞌaꞌ naqꞌueheꞌ chokꞌ mayej, li cui̱nk naru tixlokꞌ cuiꞌchic ut tixtoj lix tzꞌak li naxye laj tij. Ut tixqꞌue ju̱nk may ral li ju̱nk ciento saꞌ xbe̱n lix tzꞌak li xul. Cui ut li cui̱nk incꞌaꞌ tixlokꞌ, li xul ta̱cꞌayi̱k re jalan cui̱nk ut tixtoj li joꞌ nimal xtzꞌak.

Levítico 27:29

Cui junak cristian ac tenebanbil ca̱mc saꞌ xbe̱n incꞌaꞌ naru ta̱lokꞌekꞌ re xcolbal rix. Tento nak ta̱camsi̱k.

Deuteronomio 7:26

Me̱rocsi saꞌ le̱ rochoch li cꞌaꞌ re ru tzꞌekta̱nanbil xban li Dios. Me̱qꞌue e̱rib chi sachecꞌ xbaneb re nak incꞌaꞌ texsachekꞌ ajcuiꞌ la̱ex. Xicꞌ ban te̱ril chixjunileb. Tento nak teꞌsachekꞌ ru chi junaj cua xban nak ac kꞌaxtesinbil re sachecꞌ.

Ezequiel 44:29

Eb aꞌan teꞌxtzaca li ru li acui̱mk li ta̱mayeja̱k, ut teꞌxtzaca li mayej re xtojbal rix lix ma̱queb li tenamit, joꞌ ajcuiꞌ li mayej re xtzꞌa̱manquil xcuybal lix ma̱queb. Chixjunil li kꞌaxtesinbilak cue la̱in, reheb laj tij.

Ezequiel 48:14

Li chꞌochꞌ aꞌin incꞌaꞌ naru xcꞌayinquil, chi moco naru xjalbal ru, chi moco naru xqꞌuebal re jalan xban nak li naꞌajej aꞌin ac kꞌaxtesinbil re li nimajcual Dios.

Levítico 21:22

Naru nequeꞌxtzaca li mayej caxlan cua li kꞌaxal lokꞌ ut li cꞌaꞌak re ru li santobresinbil,

2 Crónicas 31:14

Laj Coré li ralal laj Imna laj levita, aꞌan li nacꞌacꞌalen saꞌ li oqueba̱l li cuan saꞌ li este, ut aꞌan ajcuiꞌ li quixakaba̱c chixcꞌulbal li mayej li qui-ala saꞌ xchꞌo̱leb xqꞌuebal re li Dios. Ut aꞌan ajcuiꞌ li najeqꞌuin re li mayej li kꞌaxtesinbil re li Dios.