Levítico 27:27 - Li Santil hu

²⁷ Cui aꞌan jun li xul li incꞌaꞌ naqꞌueheꞌ chokꞌ mayej, li cui̱nk naru tixlokꞌ cuiꞌchic ut tixtoj lix tzꞌak li naxye laj tij. Ut tixqꞌue ju̱nk may ral li ju̱nk ciento saꞌ xbe̱n lix tzꞌak li xul. Cui ut li cui̱nk incꞌaꞌ tixlokꞌ, li xul ta̱cꞌayi̱k re jalan cui̱nk ut tixtoj li joꞌ nimal xtzꞌak.

Q'eqchi Bible

²⁷ Wi ut a'an jun tz'ajnil xul, li winq a'an taaruuq reechaninkil wi' chik, a' yaal naxye li xtz'aq ak xaqab'anb'il, ut tento ajwi' tixk'e junqmay chik ral li o'k'aal sa' xb'een li tz'aq a'an. Ab'an wi ink'a' taakolmanq rix, taaruuq ajwi' xk'ayinkil a' yaal jo'nimal xtz'aq.

Levítico 27:27 ပူးပေါင်းရင်းမြစ်များ

Levítico 27:11

Cui ut li cui̱nk tixqꞌue junak li xul xcomon li incꞌaꞌ naqꞌueheꞌ chokꞌ mayej, tento nak li cui̱nk tixcꞌam li xul riqꞌuin laj tij.

Levítico 27:26

Ma̱ ani naru tixyechiꞌi re li Ka̱cuaꞌ li xbe̱n xul li nayoꞌla, xban nak aꞌan ac re li Ka̱cuaꞌ. Usta cuacax, usta carner li xbe̱n li nayoꞌla, aꞌan re li Ka̱cuaꞌ.

Levítico 27:28

Abanan li cꞌaꞌak re ru kꞌaxtesinbil re li Ka̱cuaꞌ chi junaj cua incꞌaꞌ naru xcꞌayinquil chi moco naru xlokꞌbal, usta cristian, usta xul, usta chꞌochꞌ, xban nak aꞌan ac kꞌaxtesinbil chi junaj cua re li Ka̱cuaꞌ.

Levítico 5:16

Tento nak tixtoj li mayej li joꞌ qꞌuial chic incꞌaꞌ xqꞌue ut tixtoj ajcuiꞌ li ju̱nk may ral li ju̱nk ciento (20%) li incꞌaꞌ quixtoj. Tixqꞌue re laj tij ut laj tij tixmayeja li carner re xtojbal rix lix ma̱c li cui̱nk li quiqꞌuehoc re li mayej. Ut ta̱cuyekꞌ lix ma̱c.

Levítico 27:13

Ut cui li cui̱nk ta̱raj tixlokꞌ cuiꞌchic li xul aꞌan, tixtoj chi tzꞌakal lix tzꞌak, ut tixqꞌue ju̱nk may ral li ju̱nk ciento saꞌ xbe̱n lix tzꞌak.

Levítico 27:15

Cui ut li jun li quixyechiꞌi li rochoch naraj tixlokꞌ cuiꞌchic, tento nak tixtoj chi tzꞌakal lix tzꞌak ut tixqꞌue ju̱nk may ral li ju̱nk ciento saꞌ xbe̱n lix tzꞌak.

Levítico 27:31

Cui junak cui̱nk ta̱raj tixlokꞌ cuiꞌchic chokꞌ re, tento tixtoj chi tzꞌakal xtzꞌak ut tixqꞌue ajcuiꞌ ju̱nk may ral li ju̱nk ciento saꞌ xbe̱n lix tzꞌak.