Levítico 27:26 - Li Santil hu

²⁶ Ma̱ ani naru tixyechiꞌi re li Ka̱cuaꞌ li xbe̱n xul li nayoꞌla, xban nak aꞌan ac re li Ka̱cuaꞌ. Usta cuacax, usta carner li xbe̱n li nayoꞌla, aꞌan re li Ka̱cuaꞌ.

Q'eqchi Bible

²⁶ “Maajun truuq tixmayeja li xb'een ral li xketomq: a'an ak re li Qaawa', xb'aan naq xb'een aleb'. Us ta junaq ch'ina wakax malaj junaq ch'ina karneer, a'an re li Qaawa'.

Levítico 27:26 ပူးပေါင်းရင်းမြစ်များ

Deuteronomio 15:19

Te̱kꞌaxtesi re li Ka̱cuaꞌ le̱ Dios li xbe̱n ral le̱ cuacax li te̱lom, ut li xbe̱n ral le̱ carner li te̱lom. Incꞌaꞌ te̱qꞌue chi cꞌanjelac li xbe̱n ral le̱ bo̱yx ut me̱bes rix li xbe̱n ral le̱ carner.

Números 18:17

Abanan, incꞌaꞌ naru xtojbal rix li xbe̱n ral li cuacax, li carner ut li chiba̱t. Aꞌan cueheb la̱in. Tento nak teꞌmayeja̱k chicuu. Ta̱rachrachi lix quiqꞌuel chiru li artal ut ta̱cꞌat lix xe̱bul. Ut aꞌanak jun li sununquil cꞌatbil mayej ta̱cuulak chicuu la̱in li Ka̱cuaꞌ.

Éxodo 22:30

Joꞌcan ajcuiꞌ te̱ba̱nu riqꞌuin li xbe̱n ral le̱ cuacax ut riqꞌuin li xbe̱n ral le̱ carner. Cuukub cutan teꞌcua̱nk riqꞌuin lix naꞌ ut saꞌ lix cuakxak cutan te̱kꞌaxtesi cue la̱in.

Levítico 27:27

Cui aꞌan jun li xul li incꞌaꞌ naqꞌueheꞌ chokꞌ mayej, li cui̱nk naru tixlokꞌ cuiꞌchic ut tixtoj lix tzꞌak li naxye laj tij. Ut tixqꞌue ju̱nk may ral li ju̱nk ciento saꞌ xbe̱n lix tzꞌak li xul. Cui ut li cui̱nk incꞌaꞌ tixlokꞌ, li xul ta̱cꞌayi̱k re jalan cui̱nk ut tixtoj li joꞌ nimal xtzꞌak.

Números 3:13

Joꞌcan nak eb laj levitas cueheb la̱in, xban nak li xbe̱n li nayoꞌla cue la̱in chalen najter nak xinqꞌueheb chi camsi̱c li xbe̱n alalbej aran Egipto. Xinsiqꞌueb ru li xbe̱n alalbej ut cueheb la̱in. Usta cui̱nk, usta xul, cuehakeb la̱in li Ka̱cuaꞌ.—

2 Reyes 7:5

Nak ac oc re li kꞌojyi̱n queꞌco̱eb saꞌ li naꞌajej li cuanqueb cuiꞌ lix muheba̱leb laj Siria. Nak queꞌcuulac eb laj Siria ma̱ aniheb chic saꞌ lix muheba̱leb.

Nehemías 10:36

Ut takacꞌameb ajcuiꞌ saꞌ lix templo li Dios li xbe̱n kalal joꞌ ajcuiꞌ li xbe̱n ral li kacuacax ut eb li kacarner joꞌ tzꞌi̱banbil saꞌ li chakꞌrab ut takakꞌaxtesi reheb laj tij li nequeꞌcꞌanjelac saꞌ li templo.