Levítico 27:13 - Li Santil hu

¹³ Ut cui li cui̱nk ta̱raj tixlokꞌ cuiꞌchic li xul aꞌan, tixtoj chi tzꞌakal lix tzꞌak, ut tixqꞌue ju̱nk may ral li ju̱nk ciento saꞌ xbe̱n lix tzꞌak.

Q'eqchi Bible

¹³ ut wi taa'ajmanq xxokb'al wi' chik li xul, tento xk'eeb'al li junqmay chik sa' xb'een o'k'aal li xtz'aq ak xaqab'anb'il.

Levítico 27:13 ပူးပေါင်းရင်းမြစ်များ

Levítico 27:19

Cui li cui̱nk li quixkꞌaxtesi lix chꞌochꞌ re li Ka̱cuaꞌ ta̱raj tixlokꞌ cuiꞌchic, tento nak tixtoj chi tzꞌakal lix tzꞌak. Ut tixqꞌue ju̱nk may ral li ju̱nk ciento saꞌ xbe̱n lix tzꞌak.

Levítico 27:15

Cui ut li jun li quixyechiꞌi li rochoch naraj tixlokꞌ cuiꞌchic, tento nak tixtoj chi tzꞌakal lix tzꞌak ut tixqꞌue ju̱nk may ral li ju̱nk ciento saꞌ xbe̱n lix tzꞌak.

Levítico 22:14

Cui junak tixtzaca li santobresinbil tzacae̱mk chi incꞌaꞌ naxnau nak incꞌaꞌ us xba̱nu, tento nak tixqꞌue re̱kaj re laj tij ut tixqꞌue li ju̱nk may ral li ju̱nk ciento chokꞌ xtzꞌakob.

Levítico 27:10

Ut li cui̱nk li quixyechiꞌi li xul incꞌaꞌ naru naxjal ru li xul li tixqꞌue, usta cha̱bil raj li tixjal usta incꞌaꞌ. Cui ut naxba̱nu, li cuib chi xul kꞌaxtesinbilakeb re li Ka̱cuaꞌ.

Levítico 5:16

Tento nak tixtoj li mayej li joꞌ qꞌuial chic incꞌaꞌ xqꞌue ut tixtoj ajcuiꞌ li ju̱nk may ral li ju̱nk ciento (20%) li incꞌaꞌ quixtoj. Tixqꞌue re laj tij ut laj tij tixmayeja li carner re xtojbal rix lix ma̱c li cui̱nk li quiqꞌuehoc re li mayej. Ut ta̱cuyekꞌ lix ma̱c.

Levítico 27:12

Ut laj tij tixye joꞌ nimal xtzꞌak aꞌ yal chanru li xul, ma cha̱bil malaj ut incꞌaꞌ cha̱bil. Joꞌ tixye laj tij, joꞌcan ta̱tojekꞌ.

Levítico 27:14

Cui junak naxyechiꞌi li rochoch re li Ka̱cuaꞌ, laj tij, aꞌan li ta̱yehok re joꞌ nimal xtzꞌak aꞌ yal chanru li cab, ma cha̱bil malaj ut incꞌaꞌ. Joꞌ tixye laj tij, joꞌcan ta̱tojekꞌ.

Levítico 27:27

Cui aꞌan jun li xul li incꞌaꞌ naqꞌueheꞌ chokꞌ mayej, li cui̱nk naru tixlokꞌ cuiꞌchic ut tixtoj lix tzꞌak li naxye laj tij. Ut tixqꞌue ju̱nk may ral li ju̱nk ciento saꞌ xbe̱n lix tzꞌak li xul. Cui ut li cui̱nk incꞌaꞌ tixlokꞌ, li xul ta̱cꞌayi̱k re jalan cui̱nk ut tixtoj li joꞌ nimal xtzꞌak.