Levítico 26:8 - Li Santil hu

⁸ Yal o̱b ajcuiꞌ e̱re la̱ex te̱ra̱linaheb jun ciento li xicꞌ nequeꞌiloc e̱re. Ut jun ciento e̱re la̱ex teꞌra̱linaheb laje̱b mil. Ut te̱camsiheb chi chꞌi̱chꞌ li xicꞌ nequeꞌiloc e̱re.

Q'eqchi Bible

⁸ Oob' eere laa'ex te'raanilasi o'k'aal ut o'k'aal sa' eeyanq te'raanilasi lajeeb' mil; eb' li xik' neke'ilok eere te'kamsiiq chi ch'iich' cheru laa'ex.

Levítico 26:8 ပူးပေါင်းရင်းမြစ်များ

Josué 23:10

Jun li cui̱nk saꞌ e̱ya̱nk naru ta̱ra̱linaheb jun mil chi cui̱nk, usta jun ajcuiꞌ, xban nak li Ka̱cuaꞌ le̱ Dios yo̱ che̱tenkꞌanquil chi pletic joꞌ quixyechiꞌi e̱re junxil.

Deuteronomio 28:7

Li Ka̱cuaꞌ tixkꞌaxtesiheb saꞌ e̱rukꞌ li xicꞌ nequeꞌiloc e̱re. Tzololnakeb nak teꞌcha̱lk chi pletic e̱riqꞌuin, abanan sachso̱keb chic xnaꞌleb nak teꞌe̱lelik che̱ru ut teꞌxchaꞌchaꞌi ribeb.

Deuteronomio 32:30

¿Chanru nak jun chi cui̱nk ta̱ra̱lina jun mil chi cristian? Ut, ¿chanru nak cuib chi cui̱nk teꞌra̱lina laje̱b mil? Teꞌxcꞌul chi joꞌcan xban nak li Ka̱cuaꞌ lix Dioseb ac quixcanabeb xjuneseb ut quixtzꞌekta̱naheb.

1 Crónicas 11:20

Laj Abisai, li ri̱tzꞌin laj Joab, aꞌan li quitaklan saꞌ xbe̱neb li laje̱b xcaꞌcꞌa̱l chi soldado. Laj Abisai quixcamsiheb oxib ciento chi cui̱nk riqꞌuin lix la̱ns. Joꞌcan nak quiniman xcuanquil joꞌ li oxibeb li cauheb rib chi pletic.

Números 14:9

Joꞌcan nak me̱kꞌetkꞌeti e̱rib chiru li Ka̱cuaꞌ ut mexxucuac chiruheb li tenamit li cuanqueb saꞌ li naꞌajej aꞌan xban nak la̱o tonumta̱k saꞌ xbe̱neb ut take̱chaniheb. Eb aꞌan ma̱ ani natenkꞌan reheb, abanan la̱o cuan li Ka̱cuaꞌ li nimajcual Dios kiqꞌuin chikatenkꞌanquil. Joꞌcan nak mexxucuac, chanqueb laj Josué ut laj Caleb.

1 Crónicas 11:11

Aꞌaneb aꞌin xcꞌabaꞌeb li cauheb rib chi pletic, li queꞌtenkꞌan re laj David: li xbe̱n, aꞌan laj Jasobeam li ralal laj Hacmoni. Aꞌan li kꞌaxal nim xcuanquil saꞌ xbe̱neb li laje̱b xcaꞌcꞌa̱l chi soldado li cauheb rib chi pletic. Saꞌ jun li ple̱t laj Jasobeam quixcamsiheb oxib ciento chi cui̱nk riqꞌuin lix la̱ns.

Levítico 26:7

La̱ex te̱ra̱linaheb li xicꞌ nequeꞌiloc e̱re ut te̱camsiheb chi chꞌi̱chꞌ.

Jueces 15:15

Laj Sansón quixtau jun xbakel xca̱lam re bu̱r toj rax bak. Quixchap ut chiru aꞌan quixcamsiheb jun mil chi cui̱nk xcomoneb laj filisteo.

Ester 9:16

Ut eb laj judío li cuanqueb saꞌ eb li tenamit li cuanqueb rubel xcuanquil li rey queꞌxchꞌutub ribeb re xcolbaleb rib chiruheb li xicꞌ nequeꞌiloc reheb. Queꞌxcamsi oꞌlaju xca̱cꞌa̱l mil (75,000) chi cui̱nk abanan incꞌaꞌ queꞌxchꞌeꞌ li cꞌaꞌru cuan reheb.

Zacarías 12:8

Saꞌ eb li cutan aꞌan li Ka̱cuaꞌ tixcoleb li cuanqueb Jerusalén. Eb li ma̱cꞌaꞌeb xcuanquil saꞌ xya̱nkeb, cauhakeb chic ribeb joꞌ laj David. Eb li ralal xcꞌajol laj David chanchanakeb li Dios ut chanchanakeb lix ángel li Ka̱cuaꞌ li nacꞌamoc be chiruheb.

Números 31:4

Ju̱nk mil chi cui̱nk teꞌe̱lk saꞌ li junju̱nk xte̱paleb laj Israel re teꞌxic chi pletic riqꞌuineb, chan.