Levítico 26:7 - Li Santil hu

⁷ La̱ex te̱ra̱linaheb li xicꞌ nequeꞌiloc e̱re ut te̱camsiheb chi chꞌi̱chꞌ.

Q'eqchi Bible

⁷ Laa'ex teeraanilaheb' li xik' neke'ilok eere ut eb' a'an te'kamsiiq chi ch'iich' cheru laa'ex.

Levítico 26:7 ပူးပေါင်းရင်းမြစ်များ

Levítico 26:6

La̱in texinqꞌue chi cua̱nc saꞌ tuktu̱quil usilal saꞌ le̱ naꞌaj. Sa texcua̱rk xban nak ma̱ ani ta̱seꞌbesi̱nk e̱re. La̱in tincuisi li joskꞌ aj xul saꞌ le̱ tenamit ut ma̱ ani ta̱oc e̱riqꞌuin chi pletic.

Levítico 26:8

Yal o̱b ajcuiꞌ e̱re la̱ex te̱ra̱linaheb jun ciento li xicꞌ nequeꞌiloc e̱re. Ut jun ciento e̱re la̱ex teꞌra̱linaheb laje̱b mil. Ut te̱camsiheb chi chꞌi̱chꞌ li xicꞌ nequeꞌiloc e̱re.

Deuteronomio 32:30

¿Chanru nak jun chi cui̱nk ta̱ra̱lina jun mil chi cristian? Ut, ¿chanru nak cuib chi cui̱nk teꞌra̱lina laje̱b mil? Teꞌxcꞌul chi joꞌcan xban nak li Ka̱cuaꞌ lix Dioseb ac quixcanabeb xjuneseb ut quixtzꞌekta̱naheb.

Ester 9:16

Ut eb laj judío li cuanqueb saꞌ eb li tenamit li cuanqueb rubel xcuanquil li rey queꞌxchꞌutub ribeb re xcolbaleb rib chiruheb li xicꞌ nequeꞌiloc reheb. Queꞌxcamsi oꞌlaju xca̱cꞌa̱l mil (75,000) chi cui̱nk abanan incꞌaꞌ queꞌxchꞌeꞌ li cꞌaꞌru cuan reheb.

Levítico 26:36

Ut eb li incꞌaꞌ teꞌsachekꞌ ru la̱in tinqꞌue xxiuheb saꞌ li naꞌajej li cua̱nkeb cuiꞌ. Teꞌxucuak chiruheb li xicꞌ nequeꞌiloc reheb. Ut teꞌe̱lelik yal xban xya̱b li xak cheꞌ nak na-ecꞌasi̱c xban li ikꞌ. Teꞌa̱linak xban xxiuheb ut teꞌtꞌanekꞌ xban xxiuheb usta ma̱ ani yo̱k chi a̱lina̱nc reheb.

Deuteronomio 28:7

Li Ka̱cuaꞌ tixkꞌaxtesiheb saꞌ e̱rukꞌ li xicꞌ nequeꞌiloc e̱re. Tzololnakeb nak teꞌcha̱lk chi pletic e̱riqꞌuin, abanan sachso̱keb chic xnaꞌleb nak teꞌe̱lelik che̱ru ut teꞌxchaꞌchaꞌi ribeb.

Josué 23:10

Jun li cui̱nk saꞌ e̱ya̱nk naru ta̱ra̱linaheb jun mil chi cui̱nk, usta jun ajcuiꞌ, xban nak li Ka̱cuaꞌ le̱ Dios yo̱ che̱tenkꞌanquil chi pletic joꞌ quixyechiꞌi e̱re junxil.

Jueces 4:16

Ut laj Barac quira̱linaheb li soldado ut li carruaje toj saꞌ li naꞌajej Haroset-goim ut quixsach ruheb chixjunileb li soldado. Ma̱ jun chic lix soldado laj Sísara quicana chi yoꞌyo. Chixjunileb queꞌcamsi̱c riqꞌuin chꞌi̱chꞌ.

Jueces 7:23

Laj Gedeón quixtakla xbokbaleb laj Israel. Aꞌan eb li ralal xcꞌajol laj Neftalí, joꞌqueb ajcuiꞌ li ralal xcꞌajol laj Aser ut eb li ralal xcꞌajol laj Manasés. Ut co̱eb chirixeb laj Madián chixchapbaleb.

Jueces 15:15

Laj Sansón quixtau jun xbakel xca̱lam re bu̱r toj rax bak. Quixchap ut chiru aꞌan quixcamsiheb jun mil chi cui̱nk xcomoneb laj filisteo.

1 Samuel 14:13

Ut laj Jonatán quitakeꞌ saꞌ li naꞌajej cuanqueb cuiꞌ laj filisteo. Ut li natenkꞌan re yo̱ chi xic chirix. Laj Jonatán naxtolcꞌosiheb chak eb laj filisteo ut laj te̱nkꞌ re naxcamsiheb.

1 Crónicas 19:15

Eb li ralal xcꞌajol laj Amón queꞌril nak queꞌe̱lelic eb li soldado laj Siria. Joꞌcan nak queꞌe̱lelic ajcuiꞌ eb aꞌan chiruheb laj Abisai. Queꞌoc saꞌ lix tenamit re teꞌxcol ribeb. Ut laj Joab quisukꞌi cuiꞌchic Jerusalén.

Salmos 81:15

Eb li xicꞌ nequeꞌiloc re li Ka̱cuaꞌ teꞌxcubsi raj rib chiru xban xxiuheb. Ut aꞌan tixqꞌueheb raj chixtojbal rix lix ma̱queb chi junaj cua.