Levítico 26:6 - Li Santil hu

⁶ La̱in texinqꞌue chi cua̱nc saꞌ tuktu̱quil usilal saꞌ le̱ naꞌaj. Sa texcua̱rk xban nak ma̱ ani ta̱seꞌbesi̱nk e̱re. La̱in tincuisi li joskꞌ aj xul saꞌ le̱ tenamit ut ma̱ ani ta̱oc e̱riqꞌuin chi pletic.

Q'eqchi Bible

⁶ Tink'e tuqtuukil usilal sa' leena'aj ut sa ajwi' texwarq, xb'aan naq maajun taaxib'esinq eere. Laa'in te'wisi sa' leetenamit eb' li josq' aj xul ut maa'ani taa'ok chi yalok eerik'in.

Levítico 26:6 ပူးပေါင်းရင်းမြစ်များ

Isaías 35:9

Aran ma̱cꞌaꞌak li joskꞌ aj xul ut ma̱cꞌaꞌak li cakcoj. Eb li colbileb teꞌnumekꞌ saꞌ li be aꞌan chi ma̱cꞌaꞌ xcꞌaꞌuxeb.

Sofonías 3:13

Li joꞌ qꞌuialeb chic li ralal xcꞌajoleb laj Israel li teꞌcana̱k, incꞌaꞌ chic teꞌxba̱nu li ma̱usilal chi moco teꞌticꞌtiꞌik chi moco teꞌbalakꞌi̱nk. Teꞌxchꞌolani ribeb saꞌ xya̱lal. Cꞌojcꞌo̱keb xchꞌo̱l nak teꞌcua̱rk xban nak ma̱ ani chic ta̱chꞌiꞌchꞌiꞌi̱nk reheb ut ma̱cꞌaꞌakeb chic xxiuheb.

Salmos 147:14

Aꞌan ta̱qꞌuehok e̱re chi cua̱nc saꞌ tuktu̱quil usilal saꞌ le̱ tenamit. Ut aꞌan ajcuiꞌ ta̱qꞌuehok e̱re chi nabal li cꞌaꞌru e̱re.

Jeremías 30:10

Li Ka̱cuaꞌ quixye: —Mexxucuac la̱ex li ralal xcꞌajol laj Jacob laj cꞌanjel chicuu. Mexxucuac la̱ex aj Israel. La̱in tincolok e̱re saꞌ li najtil tenamit. La̱in tincolok reheb le̱ ralal e̱cꞌajol saꞌ li naꞌajej li queꞌcꞌameꞌ cuiꞌ. Eb li ralal xcꞌajol laj Jacob teꞌcua̱nk cuiꞌchic saꞌ tuktu̱quil usilal ut incꞌaꞌ chic teꞌxucuak.

Hageo 2:9

Li templo li te̱yi̱b la̱ex aꞌanak li kꞌaxal lokꞌ chiru li quicuan junxil. Ut tinqꞌueheb chi cua̱nc saꞌ tuktu̱quil usilal li cuanqueb saꞌ li naꞌajej aꞌin, chan li nimajcual Dios.

Oseas 2:18

Saꞌ eb li cutan aꞌan la̱in tinba̱nu jun li contrato riqꞌuineb li joskꞌ aj xul li cuanqueb saꞌ qꞌuicheꞌ ut riqꞌuineb li xul li nequeꞌrupupic chiru choxa joꞌ ajcuiꞌ riqꞌuineb li xul li nequeꞌxjucuqui ribeb chiru chꞌochꞌ. Tinba̱nu li contrato riqꞌuineb re nak incꞌaꞌ chic teꞌxchꞌiꞌchꞌiꞌi li tenamit. Ut tincuisi saꞌ ruchichꞌochꞌ li tzimaj ut li chꞌi̱chꞌ re pletic ut eb lin tenamit cua̱nkeb chic saꞌ tuktu̱quil usilal.

Ezequiel 34:25

La̱in tinba̱nu jun li contrato riqꞌuineb re nak teꞌxcꞌam ribeb saꞌ usilal cuiqꞌuin. Tincuisi chixjunileb li joskꞌ aj xul saꞌ lix naꞌajeb re nak naru teꞌcua̱nk yalak bar saꞌ eb li cꞌaleba̱l ut naru teꞌcua̱rk saꞌ eb li qꞌuicheꞌ chi ma̱cꞌaꞌ nachꞌiꞌchꞌiꞌin reheb.

Salmos 29:11

Li Ka̱cuaꞌ naxqꞌue xcacuilal xchꞌo̱leb li ralal xcꞌajol. Narosobtesiheb ut naxqꞌue li tuktu̱quil usilal reheb.

Ezequiel 14:15

Malaj ut tintakla li joskꞌ aj xul saꞌ li tenamit chixcamsinquileb li cristian, ma̱cꞌaꞌak chic cristian teꞌcana̱k aran. Ut ma̱ ani chic ta̱ru̱k ta̱numekꞌ aran xbaneb li joskꞌ aj xul.

Li xHu LAJ JOB 11:19

Ma̱cꞌaꞌ ta̱seꞌbesi̱nk a̱cue nak yo̱kat chi hila̱nc. Ut nabaleb teꞌcha̱lk chi sicꞌoc a̱cue re ta̱ba̱nu usilal reheb.

Éxodo 23:29

La̱in incꞌaꞌ teꞌcuisi chixjunileb saꞌ junpa̱t. Incꞌaꞌ tincuisiheb chiru jun chihab re nak incꞌaꞌ ta̱cana̱k chi ma̱cꞌaꞌ cristian ut re ajcuiꞌ nak incꞌaꞌ teꞌta̱mk saꞌ e̱ya̱nk li joskꞌ aj xul re li qꞌuicheꞌ.

San Juan 14:27

La̱in tincanab li tuktu̱quil usilal e̱riqꞌuin nak tinxic. Li tuktu̱quil usilal li tinqꞌue e̱re moco joꞌ ta li nequeꞌxqꞌue li cuanqueb saꞌ ruchichꞌochꞌ. La̱in tinqꞌue xtuktu̱quilal le̱ chꞌo̱l. Mexcꞌoxlac chi moco texxucuak.

Zacarías 9:10

Chixjunil li nacꞌanjelac re pletic tixsach ru. Lix carruaje laj Efraín tixsach ruheb joꞌ ajcuiꞌ lix cacua̱yeb laj Jerusalén. Ut tixtoki ajcuiꞌ lix tzimajeb. Tixqꞌueheb li tenamit chi cua̱nc saꞌ tuktu̱quil usilal. Ut aꞌan chic cua̱nk xcuanquil saꞌ xbe̱neb chixjunileb li naꞌajej li naticla cuan cuiꞌ li palau Mar Muerto ut nacuulac toj cuan cuiꞌ li palau Mediterráneo xcꞌabaꞌ. Ut aꞌan ajcuiꞌ cua̱nk xcuanquil saꞌ chixjunil li ruchichꞌochꞌ.

Miqueas 4:4

Ut talajeꞌcꞌojlak chi xju̱nkaleb rubel xto̱nal li uva ut rubel lix cheꞌel li higo ut ma̱ ani chic ta̱seꞌbesi̱nk reheb xban nak joꞌcan quixye li Ka̱cuaꞌ li nimajcual Dios.

Ezequiel 14:17

Malaj ut tintakla li ple̱t saꞌ li tenamit aꞌan ut tinye nak teꞌcamsi̱k li cristian ut eb li xul.

Ezequiel 5:17

Tintakla cueꞌej saꞌ e̱be̱n ut tintakla ajcuiꞌ li joskꞌ aj xul re teꞌsach e̱ru. Ut tintakla li caki yajel ut li camsi̱nc saꞌ e̱be̱n ut tintakla ajcuiꞌ li ple̱t. La̱in li Ka̱cuaꞌ yo̱quin chi yehoc re aꞌin.

Salmos 85:8

La̱in tincuabi li cꞌaꞌru tixye li Ka̱cuaꞌ li nimajcual Dios. Aꞌan oc re chixyebal ke chanru nak tocua̱nk saꞌ tuktu̱quil usilal la̱o li sicꞌbil ku xban, re nak incꞌaꞌ chic takaba̱nu li joꞌ ma̱joꞌil naꞌleb.

Salmos 4:8

Sa saꞌ inchꞌo̱l nak ninyocla ut nincuar chi ma̱cꞌaꞌ incꞌaꞌux. Caꞌaj cuiꞌ la̱at, at Ka̱cuaꞌ, nacatqꞌuehoc xcacuil inchꞌo̱l xban nak la̱at nacat-iloc cue.

1 Crónicas 22:9

Quixye ajcuiꞌ cue, “Ta̱yoꞌla̱k jun la̱ cualal incꞌaꞌ ta̱pletik. Ta̱cua̱nk ban saꞌ tuktu̱quil usilal. Ut la̱in tintenkꞌa̱nk re ut eb li xicꞌ nequeꞌiloc re incꞌaꞌ teꞌpletik riqꞌuin. Aj Salomón ta̱qꞌuehekꞌ chokꞌ xcꞌabaꞌ. Ut eb li xicꞌ nequeꞌiloc e̱re la̱ex aj Israel incꞌaꞌ teꞌpletik e̱riqꞌuin nak aꞌan cua̱nk chokꞌ rey.

2 Reyes 2:24

Li profeta Eliseo quixsukꞌisi rib ut quirileb. Ut saꞌ xcꞌabaꞌ li Ka̱cuaꞌ Dios quixtzꞌa̱ma ma̱usilal saꞌ xbe̱neb. Ut cuib li joskꞌ aj xul oso xcꞌabaꞌ queꞌel saꞌ li qꞌuicheꞌ ut queꞌxcamsiheb cuib roxcꞌa̱l li sa̱j al. Pedasinbil queꞌxba̱nu reheb.

Romanos 5:1

Joꞌcan ut nak ti̱cobresinbil chic li kachꞌo̱l chiru li Dios xban li kapa̱ba̱l, ut cuanco chic saꞌ usilal riqꞌuin li Dios xban li Ka̱cuaꞌ Jesucristo.

Hechos 12:6

Ac cuulac re xkꞌehil nak ta̱cꞌamekꞌ laj Pedro xban laj Herodes chiruheb li tenamit. Saꞌ li kꞌojyi̱n aꞌan laj Pedro yo̱ chi cua̱rc saꞌ xyiheb li cuib chi soldado bacꞌbo riqꞌuin cadena. Ut cuanqueb ajcuiꞌ laj cꞌacꞌalenel chire li oqueba̱l re li tzꞌalam.

Ezequiel 14:21

Aꞌan aꞌin li naxye li nimajcual Dios: Kꞌaxal ra cuiꞌchic chokꞌ reheb laj Jerusalén nak la̱in tinrakok a̱tin saꞌ xbe̱neb riqꞌuin li ca̱hib chi raylal. La̱in tintakla li ple̱t, li cueꞌej, li joskꞌ aj xul, ut li caki yajel re nak teꞌcamsi̱k li cristian ut eb li xul.

Jeremías 31:26

Ut laj Jeremías quixye: —Nak qui-aj cuu quicuulac chicuu li cꞌaꞌru quinmatqꞌue, chan.

Isaías 45:7

La̱in quinyi̱ban re li cutan ut la̱in ajcuiꞌ quinyi̱ban re li kꞌojyi̱n. La̱in ninqꞌuehoc tuktu̱quil usilal ut ninqꞌuehoc ajcuiꞌ chꞌaꞌajquilal. La̱in li Ka̱cuaꞌ ninba̱nun re chixjunil aꞌin.

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

Salmos 3:5

Nak ninyocla, nincuar ut nincuacli chi sa saꞌ inchꞌo̱l xban nak li Ka̱cuaꞌ natenkꞌan cue.

Proverbios 6:22

Aꞌan ta̱beresi̱nk e̱re nak yo̱kex chi be̱c. Ut aꞌan ta̱colok e̱re nak yo̱kex chi cua̱rc. Ut nak texcuacli̱k, aꞌan tixcꞌut che̱ru cꞌaꞌru te̱ba̱nu.

Proverbios 3:24

Nak texyocla̱k, ma̱cꞌaꞌak le̱ xiu ut sa texcua̱rk.

Li xHu LAJ JOB 5:23

Eb li pec li cuanqueb saꞌ xya̱nkeb la̱ cuacui̱mk incꞌaꞌ tateꞌxchꞌiꞌchꞌiꞌi. Ut eb li joskꞌ aj xul sahakeb xchꞌo̱l a̱cuiqꞌuin.

Levítico 26:22

Tintakla li joskꞌ aj xul saꞌ e̱ya̱nk ut telajeꞌxcamsiheb le̱ cocꞌal ut teꞌxcamsi le̱ queto̱mk. Moco qꞌuihex ta chic texcana̱k. Ut ma̱ ani chic teꞌnumekꞌ saꞌ eb li be.

Levítico 26:7

La̱ex te̱ra̱linaheb li xicꞌ nequeꞌiloc e̱re ut te̱camsiheb chi chꞌi̱chꞌ.

Levítico 26:25

La̱in tintaklaheb li xicꞌ nequeꞌiloc e̱re chi pletic e̱riqꞌuin re xtojbal rix le̱ ma̱c nak xekꞌet lin contrato. Nak texxic saꞌ eb li tenamit chixcolbal e̱rib, la̱in tintakla li rax ca̱mc saꞌ e̱be̱n ut la̱ex te̱kꞌaxtesi e̱rib saꞌ rukꞌeb li xicꞌ nequeꞌiloc e̱re.

Levítico 25:18

Cheba̱nu chixjunil li chakꞌrab li quinqꞌue e̱re ut chepa̱b le̱ taklanquil inban re nak ma̱cꞌaꞌ ta̱chꞌiꞌchꞌiꞌi̱nk e̱re saꞌ le̱ naꞌaj.

Levítico 25:19

Ta̱e̱lk chi us li acui̱mk saꞌ le̱ chꞌochꞌ ut ta̱cua̱nk chi nabal le̱ tzacae̱mk. Ut texcua̱nk chi tuktu le̱ chꞌo̱l saꞌ li naꞌajej aꞌin.

2 Crónicas 20:30

Ut laj Josafat quicuan saꞌ xcuanquil chi sa saꞌ xchꞌo̱l xban nak li Ka̱cuaꞌ quixqꞌueheb chi cua̱nc saꞌ tuktu̱quil usilal eb li cuanqueb chi xjun sutam laj Judá.

Salmos 144:14

Cauhakeb ta rib li kabo̱yx chi cꞌanjelac. Ut ma̱ ani ta chi-oc saꞌ li katenamit chikachꞌiꞌchꞌiꞌinquil re nak ma̱ ani japjo̱k re saꞌ be xban raylal.

Isaías 35:8

Ta̱cua̱nk aran jun li cha̱bil be. “Xbehil li Santilal” xcꞌabaꞌ. Eb li incꞌaꞌ useb xnaꞌleb incꞌaꞌ teꞌoc saꞌ li be aꞌan, chi moco teꞌoc aran li ma̱cꞌaꞌeb xnaꞌleb.

Ezequiel 34:27

Eb li cheꞌ teꞌu̱chi̱nk ut li acui̱mk saꞌ li cꞌaleba̱l ta̱u̱chi̱nk. Ut chixjunileb teꞌcua̱nk saꞌ xnaꞌajeb chi ma̱cꞌaꞌ ta̱chꞌiꞌchꞌiꞌi̱nk reheb. La̱in tincoleb saꞌ rukꞌeb li queꞌnumta saꞌ xbe̱neb ut queꞌrahobtesin reheb. Ut riqꞌuin aꞌan teꞌxqꞌue retal nak la̱in li Ka̱cuaꞌ.

Oseas 2:20

La̱in texincꞌam cuiꞌchic cuiqꞌuin saꞌ cha̱bilal. Ut la̱ex te̱nau nak la̱in li Ka̱cuaꞌ.