Levítico 26:46 - Li Santil hu

⁴⁶ Aꞌaneb aꞌin li chakꞌrab, li tijleb ut lix taklanquileb li quixqꞌue li Ka̱cuaꞌ re laj Moisés saꞌ li tzu̱l Sinaí chokꞌ reheb laj Israel.

Q'eqchi Bible

⁴⁶ A'aneb' a'in li chaq'rab', li aatin ut li taqlahom kixaqab'aak xwankil xb'aan li Qaawa' cho'q reheb' laj Israel sa' xb'een li tzuul Sinaí, chi xtz'uumal re laj Moisés.

Levítico 26:46 ပူးပေါင်းရင်းမြစ်များ

Levítico 27:34

Aꞌaneb aꞌin li chakꞌrab li quixqꞌue li Dios reheb laj Israel, li quixqꞌue re laj Moisés saꞌ li tzu̱l Sinaí.

Deuteronomio 12:1

Aꞌaneb aꞌin li chakꞌrab ut le̱ taklanquil li tento te̱ba̱nu nak cua̱nkex saꞌ li naꞌajej li tixqꞌue e̱re li Ka̱cuaꞌ lix Dioseb le̱ xeꞌto̱nil yucuaꞌ. Cheba̱nu li cꞌaꞌru naxye saꞌ li chakꞌrab aꞌin joꞌ najtil texcua̱nk saꞌ li naꞌajej li tixqꞌue e̱re li Ka̱cuaꞌ.

Deuteronomio 6:1

Aꞌaneb aꞌin li chakꞌrab ut le̱ taklanquil li quixye li Ka̱cuaꞌ le̱ Dios nak tincꞌut che̱ru re nak te̱ba̱nu nak cua̱nkex saꞌ li naꞌajej li oc e̱re chire̱chaninquil anakcuan.

Deuteronomio 13:4

Aꞌ li Ka̱cuaꞌ le̱ Dios, aꞌan li te̱pa̱b ut aꞌan li te̱lokꞌoni. Cheba̱nuhak li chakꞌrab li quixqꞌue e̱re ut te̱ba̱nu le̱ taklanquil xban. Chexcꞌanjelak chiru ut chepa̱b chi anchal e̱chꞌo̱l.

Levítico 25:1

Li Ka̱cuaꞌ quia̱tinac riqꞌuin laj Moisés saꞌ li tzu̱l Sinaí ut quixye re:

San Juan 1:17

Li Dios quixqꞌue li chakꞌrab re laj Moisés re nak tixcꞌut chiku. Aban lix ya̱lal chirix li Dios ut li rusilal quixcꞌutbesi chiku li Jesucristo.

Salmos 77:20

La̱at caberesiheb la̱ tenamit joꞌ nak nequeꞌberesi̱c li carner. Ut caqꞌueheb laj Moisés ut laj Aarón chi cꞌamoc be chiruheb.

Números 4:37

Aꞌaneb chixjunileb li ralal xcꞌajol laj Coat li teꞌcꞌanjelak saꞌ li tabernáculo. Laj Moisés ut laj Aarón queꞌrajlaheb joꞌ quixye li Ka̱cuaꞌ re laj Moisés.

Levítico 8:36

Ut laj Aarón ut eb li ralal queꞌxba̱nu chixjunil li quiyeheꞌ re laj Moisés xban li Ka̱cuaꞌ.

Levítico 7:38

Li Ka̱cuaꞌ quixqꞌue li chakꞌrab aꞌin re laj Moisés saꞌ li tzu̱l Sinaí nak cuanqueb saꞌ li chaki chꞌochꞌ. Quixqꞌue reheb saꞌ li cutan nak quixye reheb laj Israel nak teꞌmayejak chiru.

Levítico 27:1

Li Ka̱cuaꞌ quia̱tinac riqꞌuin laj Moisés ut quixye re:

Números 36:13

Aꞌaneb aꞌin lix taklanquileb laj Israel ut li chakꞌrab li quixqꞌue li Dios re laj Moisés saꞌ li ru takꞌa re Moab, li cuan chire li nimaꞌ Jordán saꞌ xcaꞌyaba̱l li tenamit Jericó.

Deuteronomio 4:5

Qꞌuehomak retal. La̱in quinchꞌolob che̱ru chixjunil li quixye li Ka̱cuaꞌ ut quincꞌut che̱ru chixjunil lix chakꞌrab li Dios joꞌ quinixtakla cuiꞌ. Cheba̱nu chixjunil lix chakꞌrab li Ka̱cuaꞌ nak ac cua̱nkex saꞌ li naꞌajej li oc e̱re chire̱chaninquil anakcuan.

Deuteronomio 29:1

Aꞌan aꞌin li contrato li quixye li Dios re laj Moisés re tixba̱nu riqꞌuineb laj Israel nak cuanqueb saꞌ li naꞌajej Moab. Aꞌan aꞌin lix comon li contrato li quixba̱nu li Dios riqꞌuineb saꞌ li tzu̱l Horeb.

Deuteronomio 33:4

La̱in laj Moisés quinqꞌue e̱re lix chakꞌrab li Dios, li kꞌaxal lokꞌ chiku la̱o li ralal xcꞌajol laj Jacob.