Levítico 26:39 - Li Santil hu

³⁹ Li joꞌ qꞌuialex li incꞌaꞌ tex-osokꞌ kꞌaxal ra te̱cꞌul ut tacuasinbilakex saꞌ lix naꞌajeb li xicꞌ nequeꞌiloc e̱re xban le̱ ma̱c ut xban lix ma̱queb le̱ naꞌ e̱yucuaꞌ.

Q'eqchi Bible

³⁹ Ut eb' li te'kanaaq chi yo'yo sa' eeyanq, te'kamq xb'aaneb' li xmaa'usilaleb' sa' li xna'ajeb' li xik' neke'ilok eere: te'kamq rochb'eeneb' li xna' xyuwa' sa' xk'ab'a' li xmaa'usilaleb'.

Levítico 26:39 ပူးပေါင်းရင်းမြစ်များ

Ezequiel 4:17

Ma̱cꞌaꞌak chic xcua rucꞌaheb. Ut yo̱keb chixcaꞌyanquil ribeb ut yo̱keb chi xucuac. Xjuneseb yo̱keb chi osocꞌ xban li ma̱usilal li nequeꞌxba̱nu, chan.

Ezequiel 33:10

At ralal cui̱nk, joꞌcaꞌin ta̱ye reheb li ralal xcꞌajol laj Israel. La̱ex nequeye, “Kꞌaxal ra cuanco xban li ma̱c ut li ma̱usilal nakaba̱nu. Yo̱co chi osocꞌ xban. ¿Chanru nak ta̱ru̱k ta̱cua̱nk kayuꞌam?” chanquex.

Ezequiel 24:23

Incꞌaꞌ te̱risi li tꞌicr li nequebacꞌ cuiꞌ le̱ jolom, chi moco te̱risi le̱ xa̱b, chi moco texya̱bak xban xrahil e̱chꞌo̱l. Te̱recꞌa ban xrahil li ma̱usilal li xeba̱nu ut te̱jikꞌ e̱chꞌo̱l chi ribil e̱rib.—

Ezequiel 6:9

Ut li joꞌ qꞌuial chic li incꞌaꞌ teꞌcamsi̱k tinjulticokꞌ reheb nak cua̱nkeb chi pre̱xil saꞌ jalan tenamit. Ta̱julticokꞌ reheb nak quirahoꞌ inchꞌo̱l chirixeb. Ta̱julticokꞌ reheb chanru nak xinqꞌueheb chi cꞌuluc raylal xban nak incꞌaꞌ xeꞌcuan saꞌ ti̱quilal chicuu ut xban ajcuiꞌ nak xineꞌxtzꞌekta̱na xban xlokꞌoninquil li jalanil dios. Aꞌaneb ajcuiꞌ teꞌecꞌa̱nk re nak incꞌaꞌ us xeꞌxba̱nu ut teꞌxuta̱na̱k xban lix ma̱usilaleb.

Deuteronomio 28:65

Incꞌaꞌ texcua̱nk saꞌ tuktu̱quil usilal saꞌ eb li jalan tenamit. Ma̱cꞌaꞌak chic le̱ naꞌaj. Li Ka̱cuaꞌ ta̱ba̱nu̱nk re nak xiu xiu cua̱nkex ut incꞌaꞌ chic sahak saꞌ e̱chꞌo̱l. Ta̱chꞌina̱nk le̱ chꞌo̱l xban li raylal li tixqꞌue saꞌ e̱be̱n li Ka̱cuaꞌ.

Éxodo 20:5

Me̱cuikꞌib e̱rib chiruheb li yi̱banbil dios, chi moco chelokꞌoniheb. La̱in li Ka̱cuaꞌ le̱ Dios. Cau cuib. La̱in incꞌaꞌ nacuulac chicuu nak jalan te̱qꞌue xlokꞌal. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb li xicꞌ nequeꞌiloc cue.

Zacarías 10:9

Usta ac xinjeqꞌuiheb ru saꞌ eb li tenamit, ut usta cuanqueb chak saꞌ li najtil tenamit, toj aran tineꞌxcꞌoxla chak. Teꞌsukꞌi̱k chak ut teꞌcua̱nk cuiꞌchic saꞌ lix naꞌajeb rochbeneb li ralal xcꞌajol.

Oseas 5:15

Tintzꞌekta̱naheb ut tincanabeb xjuneseb toj teꞌxqꞌue retal lix ma̱queb ut teꞌoc chinsicꞌbal. Toj cuanqueb saꞌ raylal, tojoꞌnak teꞌxqꞌue retal lix ma̱usilaleb ut teꞌsukꞌi̱k cuiqꞌuin, chan li Ka̱cuaꞌ.

Ezequiel 36:31

Nak ta̱julticokꞌ e̱re li incꞌaꞌ us xeba̱nu, texxuta̱na̱k xban le̱ ma̱usilal ut xban le̱ ma̱c.

Ezequiel 20:43

Ut ta̱nak saꞌ e̱chꞌo̱l li ma̱usilal li quilaje̱ba̱nu nak quemux e̱rib. La̱ex ajcuiꞌ xicꞌ te̱ril e̱rib riqꞌuin li ma̱usilal li nequeba̱nu.

Ezequiel 18:19

Ma̱re la̱ex te̱ye, “¿Cꞌaꞌut nak li alalbej incꞌaꞌ ta̱tzꞌako̱nk riqꞌuin li raylal li tixcꞌul li yucuaꞌbej?” Li alalbej incꞌaꞌ ta̱ca̱mk xban nak quixba̱nu li us ut quicuan saꞌ ti̱quilal ut quixba̱nu li cꞌaꞌru naxye saꞌ lin chakꞌrab. Joꞌcan nak ta̱cua̱nk lix yuꞌam.

Lamentaciones 4:9

Kꞌaxal us chokꞌ reheb li xeꞌcamsi̱c saꞌ li ple̱t chiruheb li nequeꞌcam xban xtzꞌocajiqueb. Eb aꞌan timil timil nequeꞌcam xban nak ma̱cꞌaꞌ chic xtzacae̱mkeb.

Jeremías 31:29

Saꞌ eb li cutan nak tebincuaclesi cuiꞌchic li tenamit, incꞌaꞌ chic teꞌxye chi joꞌcaꞌin: Li naꞌbej yucuaꞌbej nequeꞌxlou li uvas rare ut aꞌ chic lix cocꞌal nequeꞌecꞌan re lix cꞌahil.

Jeremías 29:12

Saꞌ eb li cutan aꞌan la̱ex textijok ut textzꞌa̱ma̱nk chicuu, ut la̱in tincuabi le̱ tij.

Jeremías 3:25

Xban kaxuta̱n sachso kachꞌo̱l xocana. Takacubsi kib xban nak xuta̱nal xo-el. La̱o joꞌ eb ajcuiꞌ li kaxeꞌto̱nil yucuaꞌ, xoma̱cob cha̱cuu, at Ka̱cuaꞌ at kaDios. Chalen saꞌ kasa̱jilal toj anakcuan xkatzꞌekta̱na li chakꞌrab li xaqꞌue ke ut incꞌaꞌ xkaba̱nu li cꞌaꞌru caye ke, chanqueb.

Nehemías 1:9

Abanan caye ajcuiꞌ nak cui tosukꞌi̱k cuiꞌchic a̱cuiqꞌuin ut cui takaba̱nu li cꞌaꞌru caye saꞌ la̱ chakꞌrab, toa̱cꞌam cuiꞌchic saꞌ li tenamit li casicꞌ ru chokꞌ a̱naꞌaj, usta ac chaꞌchaꞌinbil ku saꞌ eb li najtil tenamit.

Deuteronomio 30:1

Nak acak xecꞌul chixjunil le̱ rosobtesinquil ut le̱ xtzꞌekta̱nanquil li xinye e̱re anakcuan, te̱cꞌoxla chi us saꞌ li naꞌajej li textakla̱k cuiꞌ xban li Ka̱cuaꞌ le̱ Dios saꞌ xya̱nkeb li xni̱nkal ru tenamit.

Deuteronomio 5:9

Me̱cuikꞌib e̱rib chiruheb li yi̱banbil dios, chi moco chelokꞌoniheb. La̱in li Ka̱cuaꞌ le̱ Dios. Cau cuib. La̱in incꞌaꞌ nacuulac chicuu nak jalan te̱qꞌue xlokꞌal. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb li xicꞌ nequeꞌiloc cue.

Números 14:18

La̱in li Ka̱cuaꞌ li nimajcual Dios. La̱in nin-uxta̱nan u ut nincuy li ma̱usilal nequeꞌxba̱nu li tenamit usta nequeꞌxkꞌetkꞌeti rib chicuu. La̱in incꞌaꞌ ninjoskꞌoꞌ chi junpa̱t. Numtajenak lin rahom. Incꞌaꞌ nincanabeb yal chi joꞌcan li cuanqueb xma̱c. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ li rox saꞌ xca̱ xtasalil li ralal xcꞌajoleb, chancat.

Éxodo 34:7

La̱in chi qꞌuila okꞌob li cristian nacuuxta̱naheb ru. Nincuy li qꞌuila ma̱c li nequeꞌxba̱nu. Eb li nequeꞌma̱cob teꞌxtoj rix lix ma̱c. Ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb, chan li Dios.

Isaías 14:21

Ex tenamit, cauresihomak e̱rib ut te̱camsiheb li ralal xcꞌajol li rey aꞌin xban li ma̱usilal li queꞌxba̱nu lix yucuaꞌeb. Eb aꞌan incꞌaꞌ teꞌre̱chani li naꞌajej chi moco teꞌxyi̱b li xni̱nkal ru tenamit saꞌ ruchichꞌochꞌ.

Isaías 24:16

Yalak bar saꞌ ruchichꞌochꞌ takabi nak yo̱keb chixbichanquil xlokꞌal li Ka̱cuaꞌ ut teꞌxye: —Lokꞌoninbil taxak li Ka̱cuaꞌ li ti̱c xchꞌo̱l.— Abanan la̱in ma̱cꞌaꞌ naru ninye xban nak li tenamit toj yo̱keb ajcuiꞌ chi balakꞌi̱nc ut numtajenak li ma̱usil nequeꞌxba̱nu.

Lamentaciones 1:3

Eb li ralal xcꞌajol laj Judá xeꞌchapeꞌ ut xeꞌcꞌameꞌ saꞌ jalan tenamit xbaneb li xicꞌ nequeꞌiloc reheb ut yo̱queb chi rahobtesi̱c. Ma̱ bar chic naru nequeꞌhilan. Eb li xicꞌ nequeꞌiloc reheb xeꞌnumta saꞌ xbe̱neb ut incꞌaꞌ chic naru nequeꞌe̱lelic chiruheb.

Deuteronomio 8:20

Joꞌ nak quixsach ruheb li xni̱nkal ru tenamit li Dios li quexnumeꞌ cuiꞌ chak, joꞌcan ajcuiꞌ nak tixsach e̱ru la̱ex cui nequecanab xba̱nunquil li cꞌaꞌru naxye li Ka̱cuaꞌ le̱ Dios, chan laj Moisés.

2 Crónicas 34:24

“Tintakla raylal saꞌ xbe̱n li naꞌajej aꞌin ut saꞌ xbe̱neb ajcuiꞌ li cristian li cuanqueb arin. Tinqꞌueheb chixtojbal lix ma̱queb. Tintakla saꞌ xbe̱neb chixjunil li raylal li tzꞌi̱banbil saꞌ li hu li qui-ileꞌ xsaꞌ chiru lix reyeb laj Judá.

Esdras 9:7

Chalen nak toj cuanqueb li kaxeꞌto̱nil yucuaꞌ toj anakcuan yo̱co chi ma̱cobc cha̱cuu. Xban li kama̱usilal, ut xban ajcuiꞌ lix ma̱usilaleb li karey ut eb laj tij, la̱o cokꞌaxtesi̱c saꞌ rukꞌeb li rey li jalan xtenamiteb. Cochapeꞌ ut cocꞌameꞌ chi najt saꞌ jalan tenamit. Cuan queꞌcamsi̱c riqꞌuin chꞌi̱chꞌ. Queꞌrelkꞌa li cꞌaꞌru cuan ke ut quicꞌuteꞌ kaxuta̱n toj chalen anakcuan.