Levítico 26:37 - Li Santil hu

³⁷ Nak yo̱keb chi e̱lelic teꞌxtichi ribeb chi ribileb rib usta ma̱ ani yo̱k chi a̱lina̱nc reheb. Ut incꞌaꞌ teꞌru̱k chixcolbal ribeb chiruheb li xicꞌ nequeꞌiloc reheb.

Q'eqchi Bible

³⁷ Te'xtich rib' chirib'ileb' rib' kama' tawi' naq yooqeb' chi elelik chiru li nimla yalok, us ta maajun taa'aanilasinq reheb'. Maajun eere taaruhanq chi xkolb'al rib' chiruheb' li xik' neke'ilok eere.

Levítico 26:37 ပူးပေါင်းရင်းမြစ်များ

Jueces 2:14

Cꞌajoꞌ nak quichal xjoskꞌil li Dios saꞌ xbe̱neb laj Israel. Joꞌcan nak quixkꞌaxtesiheb saꞌ rukꞌeb laj e̱lkꞌ ut qui-elkꞌa̱c chixjunil li cꞌaꞌru cuan reheb. Quixkꞌaxtesiheb saꞌ rukꞌeb li xicꞌ nequeꞌiloc reheb, li cuanqueb chi nachꞌ riqꞌuineb ut eb aꞌan chic queꞌnumta saꞌ xbe̱neb. Ut eb laj Israel incꞌaꞌ queꞌxcuy xcolbaleb rib chiruheb.

Jeremías 37:10

Usta la̱ex texnumta̱k saꞌ xbe̱neb ut junes li tochꞌoleb saꞌ li ple̱t teꞌcana̱k saꞌ lix muheba̱l, abanan eb aꞌan teꞌcha̱lk ut teꞌxqꞌue xxamlel li tenamit, chan li Dios.

Isaías 10:4

Cui incꞌaꞌ te̱cubsi e̱rib la̱ex texcamsi̱k saꞌ li ple̱t, malaj ut texchapekꞌ ut texcꞌamekꞌ chi pre̱xil saꞌ jalan tenamit. Abanan chi moco riqꞌuin aꞌan ta̱numekꞌ xjoskꞌil li Dios. Toj texqꞌue chixtojbal e̱ma̱c.

Jueces 7:22

Ut eb li oxib ciento chi soldado yo̱queb chixya̱basinquil lix trompeta. Ut li Ka̱cuaꞌ quixsach xnaꞌlebeb li soldado aj Madián ut chi ribileb rib queꞌxcamsi ribeb. Joꞌ qꞌuial li incꞌaꞌ queꞌxcamsi ribeb queꞌe̱lelic ut queꞌco̱eb toj Bet-sita saꞌ xjayal li naꞌajej Zerera ut queꞌcuulac toj saꞌ li naꞌajej Abel-mehola li cuan nachꞌ riqꞌuin Tabat.

Números 14:42

Mexxic xban nak li Ka̱cuaꞌ moco cuan ta chic e̱riqꞌuin. Eb li xicꞌ nequeꞌiloc e̱re teꞌnumta̱k saꞌ e̱be̱n.

Levítico 26:17

La̱in incꞌaꞌ chic texintenkꞌa. Texincanab e̱junes re nak li xicꞌ nequeꞌiloc e̱re teꞌnumta̱k saꞌ e̱be̱n ut teꞌtakla̱nk saꞌ e̱be̱n. Tex-e̱lelik chiruheb usta incꞌaꞌ yo̱keb che̱ra̱linanquil.

Jeremías 6:21

Joꞌcan nak la̱in tintakla li raylal saꞌ xbe̱neb. Tebinqꞌue chi tꞌanecꞌ eb li naꞌbej yucuaꞌbej joꞌqueb ajcuiꞌ li ralal xcꞌajol, joꞌqueb ajcuiꞌ li rech cabal ut eb li rami̱g. Jun xiquic nak teꞌosokꞌ chixjunileb, chan li Dios.

Jeremías 46:16

Talajeꞌxtich li rokeb li soldado ut teꞌtꞌanekꞌ. Ut teꞌxye: Xakli̱ko. Toxic cuiꞌchic riqꞌuineb li kech tenamitil. Toxic cuiꞌchic saꞌ li naꞌajej ma̱cꞌaꞌeb cuiꞌ li nequeꞌcamsin ke riqꞌuin chꞌi̱chꞌ.

Nahum 3:3

Nak yo̱queb chi cha̱lc chi camsi̱nc chirix lix cacua̱yeb, cꞌajoꞌ nak nalemtzꞌun lix la̱nseb ut lix chꞌi̱chꞌeb nak nequeꞌxtaksi. Numtajenak cuiꞌchic nabal li tochꞌoleb ut kꞌaxal cuiꞌchic nabaleb li camenak. Nequeꞌxtich li rokeb chiruheb li camenak li yo̱queb chi pletic.

1 Samuel 4:2

Eb laj filisteo queꞌxtiquib pletic. Cau queꞌpletic toj retal queꞌnumta saꞌ xbe̱neb laj Israel. Ca̱hib mil na chi soldado aj Israel queꞌcamsi̱c saꞌ li ple̱t aꞌan.