Levítico 26:36 - Li Santil hu

³⁶ Ut eb li incꞌaꞌ teꞌsachekꞌ ru la̱in tinqꞌue xxiuheb saꞌ li naꞌajej li cua̱nkeb cuiꞌ. Teꞌxucuak chiruheb li xicꞌ nequeꞌiloc reheb. Ut teꞌe̱lelik yal xban xya̱b li xak cheꞌ nak na-ecꞌasi̱c xban li ikꞌ. Teꞌa̱linak xban xxiuheb ut teꞌtꞌanekꞌ xban xxiuheb usta ma̱ ani yo̱k chi a̱lina̱nc reheb.

Q'eqchi Bible

³⁶ “Jo'k'ihaleb' sa' eeyanq te'kole'q, teb'ink'e chi xiwak ut te'eleliq naq te'rab'i chi t'ane'k junaq xxaq li che'; te'eleliq kama' tawi' naq yooqeb' chi elelik sa' li yalok, ut te't'ane'q chi maajun taa'aanilasinq reheb'.

Levítico 26:36 ပူးပေါင်းရင်းမြစ်များ

Ezequiel 21:7

Nak teꞌxpatzꞌ a̱cue cꞌaꞌut nak yo̱cat chi ya̱bac, la̱at ta̱ye reheb, “Yo̱quin chi ya̱bac xban resil li raylal li cha̱lc re.” Nak te̱rabi resil la̱ex, cꞌajoꞌ nak texxucuak. Ma̱cꞌaꞌak chic xmetzꞌe̱u le̱ rok e̱rukꞌ. Sicsotkex aj chic xban e̱xiu ut chixjunilex ta̱chꞌina̱nk e̱chꞌo̱l. Cuulac re xkꞌehil. Relic chi ya̱l ta̱cꞌulma̱nk, chan li nimajcual Dios.

Isaías 30:17

Jun mil e̱re la̱ex tex-e̱lelik chiru jun li cui̱nk li xicꞌ na-iloc e̱re. Ut che̱junilex tex-e̱lelik chiruheb o̱b chi cui̱nk li xicꞌ nequeꞌiloc e̱re. Moco nabalex ta chic texcana̱k. Chanchanakex jun li bandera xakxo saꞌ xbe̱n bol.

Levítico 26:17

La̱in incꞌaꞌ chic texintenkꞌa. Texincanab e̱junes re nak li xicꞌ nequeꞌiloc e̱re teꞌnumta̱k saꞌ e̱be̱n ut teꞌtakla̱nk saꞌ e̱be̱n. Tex-e̱lelik chiruheb usta incꞌaꞌ yo̱keb che̱ra̱linanquil.

Ezequiel 21:15

Cꞌajoꞌ nak teꞌxucuak xban li chꞌi̱chꞌ. Nabaleb li teꞌcamsi̱k xban. Saꞌ chixjunileb li oqueba̱l teꞌril li chꞌi̱chꞌ. Cꞌajoꞌ nak nalemtzꞌun. Cauresinbil re ta̱camsi̱nk.

Ezequiel 21:12

At ralal cui̱nk, chatya̱bak chi cau xban nak eb lin tenamit, aꞌaneb li teꞌsachekꞌ ruheb xban li chꞌi̱chꞌ aꞌan. Chixjunileb li tenamit, joꞌ eb ajcuiꞌ li cuanqueb xcuanquil teꞌsachekꞌ ruheb. Joꞌcan nak ten re la̱ chꞌo̱l xban li raylal li cha̱lc re.

Isaías 7:4

Ut ta̱ye re, “Michꞌinan a̱chꞌo̱l. Cacuubresi ban a̱chꞌo̱l. Matxucuac chiruheb laj Rezín lix reyeb laj Siria ut li ralal laj Remalías, li yo̱ xjoskꞌileb saꞌ e̱be̱n xban nak eb aꞌan chanchaneb li ruꞌuj siꞌ li yo̱ xsibel,” chaꞌakat.—

Isaías 7:2

Li esilal aꞌin quicuulac riqꞌuineb li ralal xcꞌajol laj David. Ut queꞌxye re li rey Acaz: —Eb laj Siria queꞌxjunaji ribeb riqꞌuineb li ralal xcꞌajol laj Efraín ut xeꞌchal chi pletic riqꞌuin la̱ tenamit, chanqueb re. Ut eb aꞌan cꞌajoꞌ nak queꞌxucuac. Nequeꞌsicsot xban xxiuheb. Chanchan nak nequeꞌecꞌasi̱c li cheꞌ li cuan saꞌ qꞌuicheꞌ xban li ikꞌ.

Proverbios 28:1

Eb li incꞌaꞌ useb xnaꞌleb nequeꞌe̱lelic usta ma̱ ani yo̱ chi a̱lina̱nc reheb. Abanan eb li ti̱queb xchꞌo̱l incꞌaꞌ nequeꞌxucuac. Cꞌojcꞌo̱queb ban xchꞌo̱l. Chanchaneb li cakcoj.

2 Crónicas 14:14

Eb laj Judá queꞌpletic riqꞌuineb chixjunil li tenamit li cuanqueb chi xjun sutam li tenamit Gerar xban nak li Ka̱cuaꞌ quixqꞌueheb xxiu. Ut eb laj Judá queꞌxxoc li cꞌaꞌak re ru cuan saꞌ lix tenamiteb.

1 Samuel 17:24

Nak eb laj Israel queꞌril laj Goliat, quichal xxiuheb ut queꞌe̱lelic chiru.

Josué 5:1

Chixjunileb lix reyeb laj amorreo li cuanqueb jun pacꞌal li nimaꞌ Jordán saꞌ li oeste, ut chixjunileb lix reyeb laj cananeo li cuanqueb chi nachꞌ riqꞌuin li palau Mediterráneo queꞌrabi resil nak li Ka̱cuaꞌ quixchakihobresi li nimaꞌ li joꞌ nimal teꞌnumekꞌ cuiꞌ re nak teꞌnumekꞌ jun pacꞌal eb laj Israel. Cꞌajoꞌ nak queꞌxucuac ut incꞌaꞌ chic cauheb xchꞌo̱l chi pletic riqꞌuineb.

Deuteronomio 1:44

Eb laj amorreo li cuanqueb saꞌ li naꞌajej li tzu̱l ru queꞌel che̱cꞌulbal. Chanchaneb jun tu̱b li chꞌub nak queꞌchal saꞌ e̱be̱n. Ut quexra̱lina toj Horma. Queꞌnumta saꞌ e̱be̱n saꞌ li naꞌajej Seir.

Génesis 35:5

Li Dios quixqꞌue xxiuheb chixjunileb li tenamit li cuanqueb chi nachꞌ riqꞌuin li quicuan cuiꞌ laj Jacob. Xban nak queꞌxucuac, incꞌaꞌ queꞌxta̱ke laj Jacob re teꞌxpleti nak yo̱queb chi xic Bet-el.

Génesis 4:12

Nak ta̱trabaji li chꞌochꞌ, incꞌaꞌ chic ta̱u̱chi̱nk la̱ cuacui̱mk. Ta̱beni a̱cuib saꞌ xbe̱n li ruchichꞌochꞌ. Yalak bar a̱cue a̱cuu. Ut ma̱ jaruj tathila̱nk, chan li Dios re.

Levítico 26:35

Chixjunil li chihab nak ma̱ anihakex saꞌ li naꞌajej aꞌin, li chꞌochꞌ ta̱sahokꞌ xchꞌo̱l ut ta̱hila̱nk xban nak la̱ex incꞌaꞌ xeqꞌue chi hila̱nc saꞌ li chihab nak tento raj xhilan.

Josué 7:5

Queꞌcamsi̱c cuaklaju xcaꞌcꞌa̱l (36) eb laj Israel. Ut eb lix comoneb queꞌe̱lelic. Queꞌxtiquib ra̱linanquileb saꞌ li tenamit Hai. Queꞌcuulac cuan cuiꞌ li cubsi̱nc li nequeꞌisin cuiꞌ pec ut aran queꞌnumta saꞌ xbe̱neb. Joꞌcan nak eb laj Israel queꞌchꞌinan xchꞌo̱l. Incꞌaꞌ chic queꞌcacuu xchꞌo̱leb chi pletic.

Li xHu LAJ JOB 13:25

¿Cꞌaꞌut nak nacaba̱nu raylal cue? La̱in chanchanin jun li xak cheꞌ nacꞌameꞌ xban ikꞌ. ¿Cꞌaꞌut nak nacacuaj xsachbal cuu? La̱in chanchanin li chaki qꞌuim li ma̱cꞌaꞌ na-oc cuiꞌ.

Salmos 53:5

Saꞌ jun cutan teꞌxucuak lix tenamit li Dios, usta incꞌaꞌ raj tento nak teꞌxucuak xban nak li Dios tixsacheb ru li xicꞌ nequeꞌiloc reheb. Teꞌcꞌutekꞌ xxuta̱n nak teꞌtzꞌekta̱na̱k xban li Dios.

Jeremías 37:10

Usta la̱ex texnumta̱k saꞌ xbe̱neb ut junes li tochꞌoleb saꞌ li ple̱t teꞌcana̱k saꞌ lix muheba̱l, abanan eb aꞌan teꞌcha̱lk ut teꞌxqꞌue xxamlel li tenamit, chan li Dios.

Jeremías 46:16

Talajeꞌxtich li rokeb li soldado ut teꞌtꞌanekꞌ. Ut teꞌxye: Xakli̱ko. Toxic cuiꞌchic riqꞌuineb li kech tenamitil. Toxic cuiꞌchic saꞌ li naꞌajej ma̱cꞌaꞌeb cuiꞌ li nequeꞌcamsin ke riqꞌuin chꞌi̱chꞌ.

Lamentaciones 1:3

Eb li ralal xcꞌajol laj Judá xeꞌchapeꞌ ut xeꞌcꞌameꞌ saꞌ jalan tenamit xbaneb li xicꞌ nequeꞌiloc reheb ut yo̱queb chi rahobtesi̱c. Ma̱ bar chic naru nequeꞌhilan. Eb li xicꞌ nequeꞌiloc reheb xeꞌnumta saꞌ xbe̱neb ut incꞌaꞌ chic naru nequeꞌe̱lelic chiruheb.

Lamentaciones 1:6

Anakcuan xsach lix lokꞌal li tenamit Jerusalén. Eb li nequeꞌcꞌamoc be chiruheb chanchaneb chic li quej li incꞌaꞌ nequeꞌxtau xcuaheb. Ma̱cꞌaꞌ chic xmetzꞌe̱uheb nak yo̱queb chi e̱lelic chiruheb li yo̱queb chi chapoc reheb.

Lamentaciones 4:19

Eb li xicꞌ nequeꞌiloc ke kꞌaxal cau nequeꞌa̱linac chiru li cꞌuch li narupupic chiru choxa. Coeꞌra̱lina toj saꞌ eb li tzu̱l ut coeꞌxram saꞌ eb li chaki chꞌochꞌ.

Salmos 53:6

Riqꞌuin ta li Dios li cuan Sión chicha̱lk lix colbaleb laj Israel. Li Ka̱cuaꞌ Dios taxak chicolok reheb li ralal xcꞌajol saꞌ rukꞌeb li nequeꞌnumta saꞌ xbe̱neb. Cheꞌsahokꞌ taxak xchꞌo̱leb laj Israel, li ralal xcꞌajol laj Jacob nak li Dios tixcꞌameb cuiꞌchic saꞌ xtenamiteb.

Salmos 89:43

Incꞌaꞌ xatenkꞌa saꞌ li ple̱t. Chanchan xacuisi xkꞌesnal lix chꞌi̱chꞌ. Joꞌcan nak eb li xicꞌ nequeꞌiloc re xeꞌnumta saꞌ xbe̱n.

Oseas 8:3

Abanan eb laj Israel xeꞌxtzꞌekta̱na li us. Joꞌcan nak eb li xicꞌ nequeꞌiloc reheb teꞌnumta̱k saꞌ xbe̱neb.