Levítico 26:35 - Li Santil hu

³⁵ Chixjunil li chihab nak ma̱ anihakex saꞌ li naꞌajej aꞌin, li chꞌochꞌ ta̱sahokꞌ xchꞌo̱l ut ta̱hila̱nk xban nak la̱ex incꞌaꞌ xeqꞌue chi hila̱nc saꞌ li chihab nak tento raj xhilan.

Q'eqchi Bible

³⁵ Jo' najtil taawanq li ch'och' chi yamyo, tixyal xsahil li hilank cho'q reeqaj chixjunileb' li sábado li tento raj xhilank naq xexwank aran laa'ex.

Levítico 26:35 ပူးပေါင်းရင်းမြစ်များ

Romanos 8:22

Nakanau nak li ruchichꞌochꞌ chalen anakcuan cuan saꞌ raylal ut yo̱ chiroybeninquil nak ta̱usa̱k. Li ruchichꞌochꞌ, aꞌan joꞌ jun li ixk yo̱ chixcꞌulbal li raylal nak ac qꞌuira̱c re.

Levítico 26:34

Ut li chꞌochꞌ ta̱sahokꞌ xchꞌo̱l chi hila̱nc chixjunil li chihab nak cua̱nkex chak saꞌ xtenamiteb li xicꞌ nequeꞌiloc e̱re. Li chꞌochꞌ aꞌin ta̱hila̱nk.

Levítico 26:36

Ut eb li incꞌaꞌ teꞌsachekꞌ ru la̱in tinqꞌue xxiuheb saꞌ li naꞌajej li cua̱nkeb cuiꞌ. Teꞌxucuak chiruheb li xicꞌ nequeꞌiloc reheb. Ut teꞌe̱lelik yal xban xya̱b li xak cheꞌ nak na-ecꞌasi̱c xban li ikꞌ. Teꞌa̱linak xban xxiuheb ut teꞌtꞌanekꞌ xban xxiuheb usta ma̱ ani yo̱k chi a̱lina̱nc reheb.

Jeremías 34:17

Joꞌcan nak la̱in li Ka̱cuaꞌ ninye e̱re chi joꞌcaꞌin: La̱ex incꞌaꞌ xex-abin chicuu. Incꞌaꞌ xerachꞌab le̱ mo̱s, le̱ rech tenamitil. Joꞌcan nak la̱in texincanab e̱junes re nak texcamsi̱k saꞌ li ple̱t malaj ut texca̱mk xban cueꞌej malaj ut xban caki yajel. Xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.

Levítico 25:2

—Ta̱ye reheb li ralal xcꞌajol laj Israel chi joꞌcaꞌin: Nak tex-oc saꞌ li naꞌajej li tinqꞌue e̱re, tento te̱qꞌue chi hila̱nc li chꞌochꞌ re xqꞌuebal xlokꞌal li Ka̱cuaꞌ.