Levítico 26:33 - Li Santil hu

³³ La̱in tinjeqꞌui e̱ru saꞌ xya̱nkeb li xni̱nkal ru tenamit. Ut tebinqꞌue li xicꞌ nequeꞌiloc e̱re che̱ra̱linanquil riqꞌuin chꞌi̱chꞌ. Tinsach ru le̱ naꞌaj ut juqꞌuinbilakeb chic le̱ tenamit.

Q'eqchi Bible

³³ Texincha'cha'i laa'ex sa' xyanqeb' li tenamit ut texwaanilasi rik'in q'esnal ch'iich'. Leena'aj taasutq'iiq cho'q chaqich'och', ut eb' leetenamit tinkanab'eb' cho'q po'lem.

Levítico 26:33 ပူးပေါင်းရင်းမြစ်များ

Zacarías 7:14

Chanchan xeꞌcꞌameꞌ xban li ikꞌ li naxsuti rib nak quinjeqꞌui ruheb yalak bar saꞌ eb li jalan tenamit bar incꞌaꞌ nequeꞌxnau. Ut lix naꞌajeb li queꞌel cuiꞌ xcana chi ma̱cꞌaꞌ chic cuan chi saꞌ. Xcana joꞌ jun chaki chꞌochꞌ ut ma̱ ani chic naru nacuan aran. Kꞌaxal cha̱bil raj li chꞌochꞌ, abanan quicanaba̱c joꞌ jun chaki chꞌochꞌ.—

Ezequiel 20:23

Joꞌcan nak la̱in quinba̱nu li juramento nak cuanqueb saꞌ li chaki chꞌochꞌ ut quinye nak tinjeqꞌuiheb yalak bar saꞌ eb li xni̱nkal ru tenamit.

Deuteronomio 4:27

Li Ka̱cuaꞌ Dios tixchaꞌchaꞌi e̱ru saꞌ eb li jalan tenamit ut moco qꞌuihex ta chic li texcana̱k chi yoꞌyo saꞌ eb li naꞌajej li texcꞌamekꞌ cuiꞌ xban li Ka̱cuaꞌ.

Ezequiel 22:15

La̱in texinjeqꞌui yalak bar saꞌ ruchichꞌochꞌ saꞌ xya̱nkeb li jalan tenamit. Ut incꞌaꞌ chic ta̱ru̱k te̱ba̱nu li ma̱usilal.

Salmos 44:11

Xoa̱kꞌaxtesi saꞌ rukꞌeb li xicꞌ nequeꞌiloc ke. Chanchano li carner re camsi̱c. Ut xoa̱chaꞌchaꞌi saꞌ xya̱nkeb li jalaneb xtenamit, li nequeꞌlokꞌonin jalanil dios.

San Lucas 21:24

Cuan li teꞌcamsi̱k riqꞌuin chꞌi̱chꞌ ut cuan li teꞌchapekꞌ ut teꞌcꞌamekꞌ chi pre̱xil saꞌ eb li jalan tenamit. Ut li tenamit Jerusalén ta̱cana̱k rubel xcuanquileb li ma̱cuaꞌeb aj judío toj ta̱cuulak xkꞌehil nak li Dios ta̱risiheb lix cuanquileb li ma̱cuaꞌeb aj judío, chan li Jesús.

Lamentaciones 4:15

Nequeꞌxye reheb: —Elenkex chiku. Muxbil e̱ru. Ayukex. Incꞌaꞌ tojilok e̱riqꞌuin, chanqueb li tenamit reheb. Queꞌe̱lelic ut queꞌco̱eb yalak bar saꞌ jalan tenamit. Ut eb li tenamit aꞌan queꞌxye: —Ma̱ jokꞌe naru teꞌcua̱nk saꞌ kaya̱nk.—

Jeremías 9:16

Tinjeqꞌuiheb ru saꞌ eb li jalan tenamit li ma̱ jun sut xnauhomeb, chi moco lix naꞌ xyucuaꞌeb. Ut la̱in tinqꞌueheb chi a̱lina̱c riqꞌuin chꞌi̱chꞌ toj retal ma̱ jun chic teꞌcana̱k saꞌ li tenamit.

Lamentaciones 1:3

Eb li ralal xcꞌajol laj Judá xeꞌchapeꞌ ut xeꞌcꞌameꞌ saꞌ jalan tenamit xbaneb li xicꞌ nequeꞌiloc reheb ut yo̱queb chi rahobtesi̱c. Ma̱ bar chic naru nequeꞌhilan. Eb li xicꞌ nequeꞌiloc reheb xeꞌnumta saꞌ xbe̱neb ut incꞌaꞌ chic naru nequeꞌe̱lelic chiruheb.

Santiago 1:1

La̱in laj Santiago, laj cꞌanjel chiru li Dios ut chiru li Ka̱cuaꞌ Jesucristo. Yo̱quin chi tzꞌi̱bac e̱riqꞌuin la̱ex, li cablaju chi xte̱paleb laj Israel. Nintakla xsahil e̱chꞌo̱l la̱ex li xejeqꞌui e̱rib yalak bar saꞌ li junju̱nk chi naꞌajej.

2 Crónicas 7:19

Abanan cui la̱ex te̱jal le̱ naꞌleb ut te̱canab xba̱nunquil le̱ taklanquil li yo̱quin chixqꞌuebal e̱re, ut cui te̱canab xba̱nunquil li cꞌaꞌru naxye saꞌ lin chakꞌrab li xinqꞌue e̱re, ut cui la̱ex tex-oc chixlokꞌoninquil jalanil dios ut texcꞌanjelak chiruheb,

Nehemías 1:8

La̱at jultic a̱cue li cꞌaꞌru caye chak chikix junxil nak caye chak re laj Moisés nak cui la̱o toma̱cobk cha̱cuu, la̱at ta̱chaꞌchaꞌi ku saꞌ eb li junju̱nk chi tenamit.

Salmos 106:27

Ut quixye ajcuiꞌ reheb nak tixcubsi xcuanquileb li ralal xcꞌajoleb nak tixchaꞌchaꞌi ruheb saꞌ eb li tenamit li incꞌaꞌ nequeꞌxlokꞌoni li Dios.

Isaías 1:7

Queꞌsacheꞌ ruheb le̱ tenamit ut queꞌcꞌateꞌ. Yo̱quex chi iloc la̱ex nak eb li jalan xtenamit nequeꞌxtzaca li cꞌaꞌru xerau. Eb li jalan xtenamit queꞌxchap chixjunil li cꞌaꞌru e̱re ut le̱ chꞌochꞌ xcana chi ma̱cꞌaꞌ chic cuan chi saꞌ.

Jeremías 7:34

La̱in tincuisi li sahil chꞌo̱lej saꞌ eb li tenamit li cuanqueb Judá joꞌ ajcuiꞌ saꞌ li tenamit Jerusalén. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱leb. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk chic sumla̱c. Eb li tenamit teꞌcana̱k chi ma̱cꞌaꞌ chic cuan chi saꞌ joꞌ li chaki chꞌochꞌ.—

Jeremías 13:24

La̱in li Ka̱cuaꞌ tinjeqꞌui̱nk e̱re yalak bar joꞌ nak nacꞌameꞌ rix li trigo xban li ikꞌ li nachal saꞌ li chaki chꞌochꞌ.

Jeremías 15:4

Chixjunileb li tenamit saꞌ ruchichꞌochꞌ ta̱sachk xchꞌo̱leb xban li cꞌaꞌru quixba̱nu aran Jerusalén laj Manasés li ralal laj Ezequías nak quicuan chokꞌ xreyeb laj Judá.

Jeremías 31:10

Ex tenamit, abihomak ra̱tin li Dios ut yehomak resil reheb li tenamit li cuanqueb chire li palau. Li jun li quijeqꞌuin reheb laj Israel tixchꞌutub cuiꞌchic ruheb ut aꞌan ta̱ilok reheb joꞌ nak laj ilol xul naril lix carner.

Ezequiel 5:2

Jun jachal la̱ cuismal ta̱cꞌat saꞌ xyi li tenamit nak ac xrakeꞌ li ple̱t. Ut li jun jachal chic ta̱seti chi chꞌi̱chꞌ chixjun sutam li tenamit. Ut li jun jachal chic ta̱cut saꞌ ikꞌ ut ta̱cꞌamekꞌ yalak bar. Ut la̱in tincua̱linaheb li tenamit riqꞌuin chꞌi̱chꞌ.

Amós 9:4

Ut cui ta teꞌchapekꞌ ut teꞌcꞌamekꞌ xbaneb li xicꞌ nequeꞌiloc reheb, tintakla xcamsinquileb riqꞌuin chꞌi̱chꞌ. La̱in tebinsach ut incꞌaꞌ tincoleb, chan li Ka̱cuaꞌ.

1 Reyes 8:46

Ma̱ ani incꞌaꞌ ta nama̱cob. Nak eb la̱ tenamit ta̱ma̱cobk cha̱cuu, la̱at tatjoskꞌokꞌ riqꞌuineb. Ut ta̱kꞌaxtesiheb saꞌ rukꞌeb li xicꞌ nequeꞌiloc reheb re nak teꞌchapekꞌ ut teꞌcꞌamekꞌ saꞌ xtenamiteb li xicꞌ nequeꞌiloc reheb, usta najt, usta nachꞌ.

2 Reyes 25:9

Nak quicuulac laj Nabuzaradán Jerusalén quixcꞌat lix templo li Ka̱cuaꞌ ut quixcꞌat ajcuiꞌ li rochoch li rey. Ut quixcꞌat ajcuiꞌ li rochocheb chixjunileb li cuanqueb xcuanquil. Chixjunileb li cab li cuanqueb Jerusalén quilajxcꞌat.

Nehemías 1:3

Ut eb aꞌan queꞌxye cue nak eb laj judío li queꞌsukꞌi Jerusalén cuanqueb saꞌ raylal ut xuta̱nal yo̱queb chixcꞌulbal. Juqꞌuinbil li tzꞌac li sutsu cuiꞌ li tenamit joꞌ ajcuiꞌ li oqueba̱l ut cꞌatbil lix puertil.

Ester 3:8

Laj Amán quixye re li rey Asuero: —Saꞌ xya̱nkeb li tenamit li cuanqueb rubel la̱ takl, cuan jun te̱p li tenamit xjuneseb nequeꞌxcꞌam ribeb. Incꞌaꞌ nequeꞌxjunaji rib riqꞌuineb li jun chꞌol chic. Jalan lix chakꞌrabeb ut incꞌaꞌ nequeꞌxba̱nu li cꞌaꞌru nacaye la̱at. Ma̱cꞌaꞌ aj e nak cuanqueb saꞌ eb li naꞌajej li cuanqueb rubel la̱ cuanquil.

Salmos 44:12

Xoa̱canab saꞌ rukꞌeb li xicꞌ nequeꞌiloc ke. Chanchan nak xoa̱cꞌayi. Ut, ¿cꞌaꞌ ta ru xara chikix nak xoa̱kꞌaxtesi saꞌ rukꞌeb? Moco xacꞌul ta katzꞌak.

Isaías 6:11

Ut la̱in quinpatzꞌ re, —¿Joꞌ najtil teꞌxcꞌul chi joꞌcaꞌin, at Ka̱cuaꞌ?— Li Dios quixye cue: —Toj retal teꞌsachekꞌ chixjunileb li tenamit. Ma̱ jun chic ta̱cana̱k saꞌ rochocheb ut lix chꞌochꞌeb ta̱cana̱k chi ma̱cꞌaꞌ chic cuan.

Jeremías 4:7

Yo̱ chi cha̱lc li ta̱sachok re le̱ tenamit. Chanchan jun li cakcoj ac x-el saꞌ xnaꞌaj. Laj sachonel ta̱cha̱lk chixsachbal li naꞌajej Judá. Eb li tenamit teꞌsachekꞌ ruheb ut ma̱cꞌaꞌ chic cristian ta̱cana̱k chi saꞌ.

Jeremías 8:3

Ut li joꞌ qꞌuial chic li teꞌcana̱k chi yoꞌyo reheb lin tenamit li incꞌaꞌ useb xnaꞌleb tinjeqꞌuiheb ru yalak bar. Chokꞌ reheb aꞌan kꞌaxal us li ca̱mc chiru li cua̱nc saꞌ jalanil tenamit.

Lamentaciones 1:1

Tokꞌob xak ru li tenamit Jerusalén. Ma̱cꞌaꞌ chic cuan chi saꞌ. Nimla tenamit nak quicuan, abanan anakcuan chanchan aj chic jun xma̱lcaꞌan xcana. Junxil li tenamit Jerusalén kꞌaxal nim saꞌ xya̱nkeb chixjunileb li tenamit ut aꞌan nataklan saꞌ xbe̱neb. Abanan anakcuan aꞌan chic li natakla̱c.

Lamentaciones 4:16

Xban xjoskꞌil li Ka̱cuaꞌ quixchaꞌchaꞌi ruheb ut incꞌaꞌ chic quixcꞌoxlaheb. Incꞌaꞌ queꞌqꞌueheꞌ xlokꞌal eb laj tij chi moco queꞌileꞌ xtokꞌoba̱l ruheb li nequeꞌcꞌamoc be.

Ezequiel 12:20

Eb li tenamit li cuanqueb cuiꞌ li cristian ta̱cana̱k chi ma̱cꞌaꞌ cristian chi saꞌ. Li cꞌaleba̱l ta̱cana̱k joꞌ chaki chꞌochꞌ. Riqꞌuin aꞌan te̱qꞌue retal nak la̱in li Ka̱cuaꞌ, chan.

Oseas 9:6

Tex-e̱lk saꞌ le̱ tenamit xban li raylal yo̱kex chixcꞌulbal. Laj Asiria teꞌnumta̱k saꞌ e̱be̱n. Chanchan nak chapcho̱quex cuiꞌchic xbaneb laj Egipto. Ut nak tex-osokꞌ, chanchan nak texmukekꞌ aran Menfis. Ta̱chamokꞌ li qꞌuix ut li pim saꞌ le̱ naꞌaj quexcuan cuiꞌ, ut ta̱osokꞌ le̱ biomal.