Levítico 26:3 - Li Santil hu

³ Cui te̱ba̱nu li cꞌaꞌru naxye saꞌ li chakꞌrab li xinqꞌue e̱re, ut cui te̱ba̱nu li cꞌaꞌru xinye e̱re,

Q'eqchi Bible

³ “Wi texwanq jo' chanru naxye li waatin, wi teepaab' linchaq'rab' ut teek'anjela ru,

Levítico 26:3 ပူးပေါင်းရင်းမြစ်များ

Isaías 1:19

Cui tixcꞌul e̱chꞌo̱l xba̱nunquil li cꞌaꞌru ninye e̱re, te̱tzaca li ru li acui̱mk li na-el saꞌ li chꞌochꞌ.

Apocalipsis 22:14

Us xak reheb li cuybil sachbil xma̱queb xban li Dios, xban nak eb aꞌan ta̱ru̱k teꞌxtzaca li ru li cheꞌ li retalil li junelic yuꞌam. Ut teꞌoc ajcuiꞌ saꞌ li oqueba̱l re li tenamit.

Deuteronomio 7:12

Cui la̱ex te̱qꞌue retal li chakꞌrab aꞌin ut cui te̱qꞌue e̱chꞌo̱l chixba̱nunquil, li Ka̱cuaꞌ le̱ Dios tixba̱nu joꞌ quixye saꞌ li contrato ut ta̱ruxta̱na e̱ru joꞌ quixyechiꞌi reheb le̱ xeꞌto̱nil yucuaꞌ.

Éxodo 23:25

Chexcꞌanjelak ban chicuu, la̱in li Ka̱cuaꞌ le̱ Dios. Ut la̱in texcuosobtesi ut tinqꞌue le̱ cua e̱rucꞌa. Ut incꞌaꞌ texinqꞌue chi yaje̱rc.

Jeremías 11:4

Aꞌan li contrato li quinba̱nu riqꞌuineb le̱ xeꞌto̱nil yucuaꞌ nak quicuisiheb aran Egipto saꞌ li naꞌajej li chanchan horno li lochlo xamlel. La̱in quinye reheb, “Chex-abi̱nk chicuu ut te̱ba̱nu chixjunil li cꞌaꞌru ninye e̱re. Cui te̱ba̱nu aꞌan, la̱exak lin tenamit ut la̱inak le̱ Dios.

Zacarías 8:12

—La̱in tinqꞌueheb chi cua̱nc saꞌ tuktu̱quil usilal. Ut ta̱u̱chi̱nk cuiꞌchic li racui̱mkeb saꞌ li chꞌochꞌ aꞌan ut ta̱u̱chi̱nk ajcuiꞌ li uvas. Ut lix chuꞌque ta̱tꞌakresi̱nk re li racui̱mkeb. Chixjunil aꞌin tinqꞌue reheb li tenamit Israel, li joꞌ qꞌuial chic teꞌcana̱k.

Malaquías 3:10

Joꞌcan ut nak cꞌamomak chak che̱junilex li junju̱nk saꞌ xlaje̱tkil saꞌ xnaꞌaj li mayej re nak ta̱cua̱nk li cꞌaꞌru ta̱cꞌanjelak saꞌ li cuochoch. Ut yalomakin anakcuan riqꞌuin aꞌin. ¿Ma incꞌaꞌ tana tinte chak re li choxa ut tinqꞌue chak chi numtajenak le̱ rosobtesinquil? chan li nimajcual Dios.

Levítico 19:25

Abanan saꞌ roꞌ li chihab naru te̱tzaca li ru li cheꞌ. Cui te̱ba̱nu chi joꞌcan, kꞌaxal li ru li cheꞌ ta̱ru̱chin. La̱in li Ka̱cuaꞌ le̱ Dios xinyehoc re aꞌin.

Nehemías 1:9

Abanan caye ajcuiꞌ nak cui tosukꞌi̱k cuiꞌchic a̱cuiqꞌuin ut cui takaba̱nu li cꞌaꞌru caye saꞌ la̱ chakꞌrab, toa̱cꞌam cuiꞌchic saꞌ li tenamit li casicꞌ ru chokꞌ a̱naꞌaj, usta ac chaꞌchaꞌinbil ku saꞌ eb li najtil tenamit.

Isaías 30:23

Nak la̱ex tex-a̱uk, li Ka̱cuaꞌ tixtakla li hab re xtꞌakresinquil le̱ racui̱mk. Ut nabal ru le̱ racui̱mk tixqꞌue e̱re. Ut tzꞌakalak ajcuiꞌ li pachꞌayaꞌ reheb le̱ queto̱mk.