Levítico 26:26 - Li Santil hu

²⁶ Incꞌaꞌ chic ta̱cua̱nk chi tzꞌakal le̱ tzacae̱mk. Laje̱b chi ixk teꞌxyi̱b li caxlan cua saꞌ jun chi horno. Ajlanbil chic li caxlan cua li te̱cꞌul. Ut nak ac xecuaꞌ chixjunil, incꞌaꞌ ta̱tzꞌaklok e̱re.

Q'eqchi Bible

²⁶ “Naq tinmaq' cheru chixjunil leetzekemq, lajeeb' chi ixq te'chiqoq leewa sa' jun chi chiqleb'aal, ut b'isb'il chik li wa li teewa': texwa'aq, ab'anan ink'a' taak'ojlaaq leech'ool.

Levítico 26:26 ပူးပေါင်းရင်းမြစ်များ

Miqueas 6:14

Texcuaꞌak abanan incꞌaꞌ ta̱numekꞌ le̱ tzꞌocajic. Toj textzꞌoca̱k ajcuiꞌ texcana̱k. Te̱chꞌutub li cꞌaꞌru e̱re, abanan incꞌaꞌ ta̱ru̱k te̱xoc. Ut li cꞌaꞌru te̱xoc la̱in tinqꞌue chi makꞌecꞌ che̱ru saꞌ li ple̱t.

Isaías 3:1

Qꞌuehomak retal. Li Ka̱cuaꞌ li kꞌaxal nim xcuanquil ta̱risi Jerusalén ut Judá li cꞌaꞌak re ru li nequecꞌojob cuiꞌ e̱chꞌo̱l. Ut ta̱risi le̱ cua ut le̱ haꞌ.

Ezequiel 5:16

La̱in tintakla li cueꞌej saꞌ e̱be̱n. Chanchan nak yo̱quin che̱cutbal riqꞌuin lin tzimaj. Riqꞌuin li cueꞌej li tintakla saꞌ e̱be̱n, la̱in tinsach e̱ru. Kꞌaxal cuiꞌchic li cueꞌej tintakla saꞌ e̱be̱n. Tincuisi chi junaj cua le̱ tzacae̱mk.

Salmos 105:16

Li Ka̱cuaꞌ quixqꞌue jun li cueꞌej saꞌ lix tenamiteb laj Israel ut queꞌcana chi ma̱cꞌaꞌ chic xcuaheb.

Hageo 1:6

Kꞌaxal nabal nequerau, ut ma̱cꞌaꞌ ajcuiꞌ nequekꞌol; nequexcuaꞌac ut incꞌaꞌ nequexnujac; nequex-ucꞌac ut incꞌaꞌ nanumeꞌ le̱ chaki el; nequeqꞌue le̱ rakꞌ che̱rix ut incꞌaꞌ nequextikcuoꞌ; li nacꞌanjelac saꞌ cutan, chanchan saꞌ hopol aj bo̱ls naxqꞌue lix tojbal.

Ezequiel 14:13

—At ralal cui̱nk, cui li tenamit nequeꞌxkꞌetkꞌeti ribeb chicuu ut incꞌaꞌ niquineꞌxlokꞌoni, la̱in tinqꞌueheb chixtojbal lix ma̱queb. Tincuisi chiruheb lix tzacae̱mkeb ut tintakla li cueꞌej saꞌ xbe̱neb. Teꞌca̱mk li cristian ut teꞌca̱mk ajcuiꞌ li xul.

Ezequiel 4:16

Ut li Dios quixye cuiꞌchic cue: —At ralal cui̱nk, la̱in incꞌaꞌ chic tinqꞌue chi nabal lix tzacae̱mkeb li cuanqueb Jerusalén. Bisbilak chic lix cua rucꞌaheb tinqꞌue. Ut eb li tenamit teꞌrahokꞌ xchꞌo̱leb ut teꞌoc chi cꞌoxlac cꞌaꞌru teꞌxba̱nu. Ut teꞌxucuak xban nak yo̱k chi osocꞌ lix tzacae̱mkeb ut lix haꞌeb.

Isaías 9:20

Yalak bar teꞌxsicꞌ xtzacae̱mkeb li tenamit. Teꞌcuaꞌak ut incꞌaꞌ ta̱cꞌojla̱k xchꞌo̱leb. Junelic ban teꞌtzꞌoca̱k toj retal teꞌxtiu xtibeleb lix cocꞌaleb.

Oseas 4:10

Te̱tzaca li nequeꞌxmayeja li tenamit, abanan incꞌaꞌ ta̱cꞌojla̱k e̱chꞌo̱l. Te̱lokꞌoni li jalanil dios, ut te̱tzꞌa̱ma e̱cocꞌal chiru. Abanan incꞌaꞌ chic teꞌcua̱nk le̱ ralal e̱cꞌajol. Incꞌaꞌ chic texta̱mk xban nak niquine̱tzꞌekta̱na la̱in.

Ezequiel 4:10

Bisbilak li joꞌ qꞌuial ta̱tzaca chiru li jun cutan. Cuakxakib onza ta̱tzaca rajlal cutan.

Jeremías 14:12

Usta nequeꞌxba̱nu lix ayu̱n, la̱in incꞌaꞌ tinsumeheb nak teꞌxya̱ba lin cꞌabaꞌ. Usta nequeꞌxmayeja li ru li racui̱mkeb ut nequeꞌxcꞌat li xul chokꞌ xmayejeb chicuu, la̱in incꞌaꞌ tincꞌul. Tinqꞌueheb ban chi camsi̱c saꞌ li ple̱t, malaj ut teꞌca̱mk xban cueꞌej ut xban caki yajel, chan li Dios.

Levítico 26:27

Cui toj te̱kꞌetkꞌeti e̱rib chicuu nak ac xecꞌul li raylal aꞌin, ut incꞌaꞌ te̱ba̱nu li cꞌaꞌru ninye,

2 Reyes 6:25

Ut xban nak sutsu li tenamit qui-osoꞌ lix tzacae̱mkeb saꞌ chixjunil li tenamit. Queꞌxterkꞌusi xtzꞌak chixjunil toj retal queꞌxcꞌayi xjolom li bu̱r chi ca̱cꞌa̱l chi tumin plata. Ut o̱b chi tumin plata xtzꞌak li mero libra li pim, li “xcꞌot mucuy” xcꞌabaꞌ.

Isaías 5:10

Te̱rau laje̱b cꞌa̱m le̱ uvas, ut jun chꞌina barril ajcuiꞌ lix yaꞌal ta̱e̱lk. Ut te̱rau laje̱b coxtal li iyaj trigo, abanan jun coxtal ajcuiꞌ li ru tixqꞌue.

Ezequiel 4:17

Ma̱cꞌaꞌak chic xcua rucꞌaheb. Ut yo̱keb chixcaꞌyanquil ribeb ut yo̱keb chi xucuac. Xjuneseb yo̱keb chi osocꞌ xban li ma̱usilal li nequeꞌxba̱nu, chan.

Isaías 9:19

Xban nak yo̱ xjoskꞌil, li nimajcual Dios yo̱ chixqꞌuebaleb li tenamit chixtojbal lix ma̱queb. Eb li tenamit yo̱queb chi sachc. Chanchan nak nacꞌat li pim. Ut ma̱ ani ta̱ril xtokꞌoba̱l ru li ras ut li ri̱tzꞌin.