Levítico 26:25 - Li Santil hu

²⁵ La̱in tintaklaheb li xicꞌ nequeꞌiloc e̱re chi pletic e̱riqꞌuin re xtojbal rix le̱ ma̱c nak xekꞌet lin contrato. Nak texxic saꞌ eb li tenamit chixcolbal e̱rib, la̱in tintakla li rax ca̱mc saꞌ e̱be̱n ut la̱ex te̱kꞌaxtesi e̱rib saꞌ rukꞌeb li xicꞌ nequeꞌiloc e̱re.

Q'eqchi Bible

²⁵ Texinrahob'tesi rik'in q'esnal ch'iich' li taa'eeqajunq chirix li Sumwank; laa'ex texxik sa'atqeb' leetenamit re xkolb'al eerib', ab'an laa'in tintaqla chaq li raxkamk sa' eeyanq ut laa'ex texq'axtesiiq sa' ruq'eb' li xik' neke'ilok eere.

Levítico 26:25 ပူးပေါင်းရင်းမြစ်များ

Números 14:12

La̱in tinqꞌue junak caki yajel saꞌ xbe̱neb re nak teꞌca̱mk. Tinsach ruheb. Abanan la̱ cualal a̱cꞌajol la̱at tinqꞌueheb chokꞌ junak tenamit kꞌaxal nim ut kꞌaxal cauhakeb rib chiruheb aꞌan, chan li Dios.

Ezequiel 5:17

Tintakla cueꞌej saꞌ e̱be̱n ut tintakla ajcuiꞌ li joskꞌ aj xul re teꞌsach e̱ru. Ut tintakla li caki yajel ut li camsi̱nc saꞌ e̱be̱n ut tintakla ajcuiꞌ li ple̱t. La̱in li Ka̱cuaꞌ yo̱quin chi yehoc re aꞌin.

Ezequiel 33:2

—At ralal cui̱nk, a̱tinan riqꞌuineb la̱ cuech tenamitil ut ta̱ye reheb: Joꞌcaꞌin xye li Ka̱cuaꞌ. Nak la̱in tinqꞌue jun tenamit chi pletic riqꞌuin jun chic tenamit, li tenamit aꞌan tixsicꞌ junak saꞌ xya̱nkeb aꞌan chokꞌ aj ilol re li tenamit.

Ezequiel 29:8

Joꞌcan nak la̱in li Ka̱cuaꞌ ninye nak tintaklaheb li xicꞌ nequeꞌiloc e̱re. Texcamsiheb chi chꞌi̱chꞌ la̱ex joꞌ eb ajcuiꞌ le̱ xul.

Ezequiel 20:37

La̱in texinqꞌue chi cua̱nc rubel incuanquil ut texinpuersi chixba̱nunquil li cꞌaꞌru xkaye nak xkaba̱nu li contrato.

Ezequiel 14:17

Malaj ut tintakla li ple̱t saꞌ li tenamit aꞌan ut tinye nak teꞌcamsi̱k li cristian ut eb li xul.

Ezequiel 6:3

Joꞌcaꞌin ta̱ye reheb li tzu̱l li cuanqueb Israel: Cherabihak li ra̱tin li Ka̱cuaꞌ. Joꞌcaꞌin xye li Ka̱cuaꞌ reheb li tzu̱l ut eb li bol joꞌ ajcuiꞌ eb li nimaꞌ ut eb li ru takꞌa. La̱in tintakla chak saꞌ e̱be̱n li raylal. Tinsach ruheb saꞌ li ple̱t li naꞌajej li najteb xteram li nequeꞌxlokꞌoni cuiꞌ li jalanil dios.

Jeremías 24:10

Tebinkꞌaxtesi saꞌ rukꞌeb li xicꞌ nequeꞌiloc reheb saꞌ li ple̱t. Tintakla cueꞌej ut yajel saꞌ xbe̱neb toj retal teꞌosokꞌ saꞌ li naꞌajej li xinqꞌue reheb aꞌan ut reheb ajcuiꞌ lix xeꞌto̱nil yucuaꞌ, chan li Ka̱cuaꞌ.

Deuteronomio 32:25

Telajeꞌcamsi̱k riqꞌuin chꞌi̱chꞌ li cuanqueb saꞌ be. Ut cꞌajoꞌ nak teꞌxucuak saꞌ li rochocheb. Telajeꞌca̱mk li sa̱jeb, joꞌ chꞌajom, joꞌ xkaꞌal. Telajeꞌca̱mk li cꞌulaꞌal ut li ac ti̱xeb.

Deuteronomio 28:21

Li Ka̱cuaꞌ tixqꞌue li caki yajel saꞌ e̱be̱n toj retal texsachekꞌ saꞌ li naꞌajej li tex-oc cuiꞌ.

San Lucas 21:11

Talajcua̱nk hi̱c saꞌ nabal chi naꞌajej ut ta̱cua̱nk cueꞌej ut yajel. Ta̱cua̱nk ni̱nki raylal ut xucuajel rilbal li retalil li talajcꞌutu̱nk saꞌ choxa.

Amós 4:10

Ut quixye ajcuiꞌ: —Xintakla li raylal saꞌ e̱be̱n joꞌ quintakla saꞌ xbe̱neb laj Egipto. Xebincanab chi camsi̱c saꞌ li ple̱t le̱ ralal li toj sa̱jeb. Aꞌ chic li xicꞌ nequeꞌiloc e̱re queꞌe̱chanin re le̱ cacua̱y. Ut queꞌchuhoꞌ le̱ camenak saꞌ li naꞌajej queꞌpletic cuiꞌ. Ut la̱ex querutzꞌ lix chuhil. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin.

Lamentaciones 2:21

Eb li camenak nequeꞌtꞌanaxin saꞌ eb li be, joꞌ cocꞌal, joꞌ ti̱xeb. Eb li sa̱j cui̱nk ut eb li tukꞌ ixk xelajeꞌcamsi̱c. Xban a̱joskꞌil, at Ka̱cuaꞌ, cacanabeb chi camsi̱c ut incꞌaꞌ cacuil xtokꞌoba̱l ruheb.

Jeremías 9:16

Tinjeqꞌuiheb ru saꞌ eb li jalan tenamit li ma̱ jun sut xnauhomeb, chi moco lix naꞌ xyucuaꞌeb. Ut la̱in tinqꞌueheb chi a̱lina̱c riqꞌuin chꞌi̱chꞌ toj retal ma̱ jun chic teꞌcana̱k saꞌ li tenamit.

Salmos 94:1

At nimajcual Dios, la̱at li nacatqꞌuehoc re̱kaj li ma̱usilal li nequeꞌxba̱nu li incꞌaꞌ useb xnaꞌleb. Cꞌutbesi la̱ joskꞌil chiruheb.

2 Samuel 24:15

Joꞌcan nak li Ka̱cuaꞌ quixtakla li caki yajel saꞌ xbe̱neb laj Israel saꞌ li ekꞌela aꞌan toj quicuulac li ho̱nal li quixye li Ka̱cuaꞌ. Queꞌcam laje̱b xca̱cꞌa̱l mil (70,000) chi cui̱nk. Quixtiquib chak saꞌ li tenamit Dan ut quicuulac toj saꞌ li tenamit Beerseba.

Deuteronomio 32:41

La̱in tinqꞌue xkꞌesnal lin chꞌi̱chꞌ ut la̱in tinrakok a̱tin. La̱in tinqꞌue re̱kaj reheb li xicꞌ nequeꞌiloc cue ut tinqꞌueheb chixtojbal xma̱queb.

Deuteronomio 32:35

Cuulac re xkꞌehil nak li Ka̱cuaꞌ tixqꞌue re̱kaj reheb li incꞌaꞌ us queꞌxba̱nu ut telajeꞌtꞌanekꞌ. Cuulac re xkꞌehil nak teꞌsachekꞌ ruheb ut teꞌosokꞌ.

Números 16:49

Ca̱laju mil riqꞌuin cuukub ciento (14,700) queꞌcam xban li caki yajel aꞌan. Ma̱cꞌaꞌeb saꞌ ajl laj Coré ut eb li queꞌoquen chirix.

Levítico 26:6

La̱in texinqꞌue chi cua̱nc saꞌ tuktu̱quil usilal saꞌ le̱ naꞌaj. Sa texcua̱rk xban nak ma̱ ani ta̱seꞌbesi̱nk e̱re. La̱in tincuisi li joskꞌ aj xul saꞌ le̱ tenamit ut ma̱ ani ta̱oc e̱riqꞌuin chi pletic.

Números 31:3

Joꞌcan nak laj Moisés quia̱tinac riqꞌuineb laj Israel ut quixye reheb: —Cauresihomakeb li teꞌxic chi pletic riqꞌuineb laj Madián saꞌ xcꞌabaꞌ li Dios re nak teꞌxqꞌue re̱kaj reheb li ma̱usilal li queꞌxba̱nu e̱re.

Jueces 15:11

Oxib mil li cui̱nk xcomoneb laj Judá queꞌco̱eb saꞌ li ochoch pec aran Etam chi a̱tinac riqꞌuin laj Sansón. Queꞌxye re: —¿Ma incꞌaꞌ nacanau nak eb laj filisteo nequeꞌtaklan saꞌ kabe̱n? ¿Cꞌaꞌut nak xabok raylal saꞌ kabe̱n? chanqueb. Ut laj Sansón quixye: —La̱in xinba̱nu reheb joꞌ xeꞌxba̱nu cue la̱in, chan.

1 Reyes 8:33

Nak eb laj Israel teꞌnumta̱k li xicꞌ nequeꞌiloc reheb saꞌ xbe̱neb xban li ma̱c li teꞌxba̱nu cha̱cuu, ut cui eb aꞌan teꞌsukꞌi̱k cuiꞌchic a̱cuiqꞌuin ut teꞌxya̱ba la̱ cꞌabaꞌ ut teꞌtijok cha̱cuu saꞌ li naꞌajej aꞌin,

1 Reyes 8:37

Ut cui ta̱cua̱nk cueꞌej saꞌ xya̱nkeb laj Israel, malaj ut li caki yajel, malaj ut li acui̱mk ta̱chakik xban li tik malaj ut ta̱cha̱lk jalan xyajel li acui̱mk joꞌ li moꞌ, joꞌ laj sa̱cꞌ, ut li motzoꞌ, malaj ut teꞌcha̱lk li xicꞌ nequeꞌiloc ke chixsutbal li katenamit, malaj ut yajel malaj ut cꞌaꞌak chic re ru chi raylalil ta̱cha̱lk saꞌ kabe̱n,

Jeremías 50:28

Cuanqueb li queꞌe̱lelic Babilonia ut queꞌco̱eb Jerusalén ut yo̱queb chixserakꞌinquil chanru nak li Ka̱cuaꞌ li kaDios quixqꞌue re̱kaj li incꞌaꞌ us li queꞌxba̱nu eb laj Babilonia re lix templo li Ka̱cuaꞌ.

Jeremías 51:11

Li Ka̱cuaꞌ xqꞌue saꞌ xchꞌo̱leb lix reyeb laj Media nak teꞌxsach ruheb laj Babilonia. Li Ka̱cuaꞌ tixqꞌue re̱kaj li queꞌxba̱nu re lix templo li Ka̱cuaꞌ. La̱ex aj Media, cauresihomak le̱ tzimaj ut cauresihomak le̱ chꞌi̱chꞌ li nequecol cuiꞌ re le̱ chꞌo̱l.

Éxodo 5:3

Eb aꞌan queꞌxye re: —Li nimajcual Dios, li nakalokꞌoni la̱o aj hebreo, xcꞌutbesi rib chiku. Ba̱nu usilal, toa̱canab chi xic saꞌ li chaki chꞌochꞌ oxib cutan chi be. Ut aran tomayejak chiru li nimajcual Dios li nakalokꞌoni la̱o re nak incꞌaꞌ ta̱cha̱lk li rax ca̱mc saꞌ kabe̱n ut re ajcuiꞌ nak incꞌaꞌ tocamsi̱k riqꞌuin chꞌi̱chꞌ, chanqueb.

2 Reyes 17:3

Laj Salmanasar lix reyeb laj Asiria quipletic riqꞌuin laj Oseas ut quire̱chani li ple̱t. Joꞌcan nak laj Oseas quicꞌanjelac chiru ut quixtoj rix lix naꞌajeb.

2 Crónicas 24:24

Moco nabaleb ta li soldado aj Siria li queꞌchal chi pletic. Abanan queꞌnumta saꞌ xbe̱neb laj Judá usta kꞌaxal nabaleb. Li Ka̱cuaꞌ quixkꞌaxtesiheb aꞌan saꞌ rukꞌeb laj Siria xban nak eb aꞌan queꞌxtzꞌekta̱na li Ka̱cuaꞌ lix Dioseb lix xeꞌto̱nil yucuaꞌeb. Joꞌcan nak li Ka̱cuaꞌ quixtakla raylal saꞌ xbe̱n li rey Joás.

Isaías 1:20

Abanan cui nequekꞌet li cua̱tin li yo̱quin chixyebal e̱re, camsinbil nak tex-osokꞌ. Ma̱cꞌaꞌ chic xjalenquil. La̱in li Ka̱cuaꞌ li xinyehoc e̱re aꞌin, chan li Dios.

Isaías 65:12

Joꞌcan nak la̱in xinteneb ca̱mc saꞌ e̱be̱n. Texinqꞌue chi camsi̱c chi chꞌi̱chꞌ xban nak quexinbok ut incꞌaꞌ quine̱chakꞌbe. Nak quexcua̱tina incꞌaꞌ quine̱rabi. Queba̱nu ban li incꞌaꞌ us chicuu. Queba̱nu li incꞌaꞌ nacuulac chicuu.

Jeremías 19:7

Saꞌ li naꞌajej aꞌin la̱in tinpoꞌ ru li nequeꞌxcꞌu̱b ru xba̱nunquil eb laj Judá ut eb laj Jerusalén. Tincanabeb chi camsi̱c xbaneb li xicꞌ nequeꞌiloc reheb li yo̱queb chi sicꞌoc reheb. Ut la̱in tinqꞌue lix tibeleb chixtiuheb li xul li nequeꞌrupupic ut eb li joskꞌ aj xul li cuanqueb saꞌ qꞌuicheꞌ.

Oseas 11:6

Ta̱cua̱nk li ple̱t saꞌ lix tenamiteb. Talajeꞌosokꞌ li tenamit xban li ple̱t. Eb lin tenamit teꞌosokꞌ xban nak queꞌxba̱nu li cꞌaꞌru queꞌraj xjuneseb.

Habacuc 3:5

Nak ac cha̱lc re li Ka̱cuaꞌ quixtakla chak jun li yajel ut nabal queꞌcam. Ut nak ac xnumeꞌ li Ka̱cuaꞌ, quichal jun chic li yajel ut nabaleb queꞌcam xban li tik.