Levítico 26:21 - Li Santil hu

²¹ Ut cui toj yo̱kex ajcuiꞌ xkꞌetkꞌetinquil e̱rib chicuu ut incꞌaꞌ te̱ba̱nu li cꞌaꞌru ninye, la̱in texinqꞌue cuiꞌchic cuukub sut chixtojbal e̱ma̱c.

Q'eqchi Bible

²¹ “Ut wi toj yooqex chi xq'etb'al li waatin ut ink'a' teeraj inpaab'ankil, laa'in texinrahob'tesi wuqub' sutaq wi' chik xb'aan leemaak.

Levítico 26:21 ပူးပေါင်းရင်းမြစ်များ

Levítico 26:18

Abanan cui toj incꞌaꞌ ajcuiꞌ tex-abi̱nk chicuu nak acak xecꞌul chixjunil li raylal aꞌin, la̱in tinqꞌue xtzꞌakob lix tojbal rix le̱ ma̱c. Cuukub sut chic te̱toj rix le̱ ma̱c.

Levítico 26:27

Cui toj te̱kꞌetkꞌeti e̱rib chicuu nak ac xecꞌul li raylal aꞌin, ut incꞌaꞌ te̱ba̱nu li cꞌaꞌru ninye,

Apocalipsis 15:1

Ut quicuil saꞌ choxa jun chic li sachba chꞌo̱lej rilbal. Quicuil cuukub li ángel ut cuan riqꞌuineb cuukub chi raylal. Aꞌan li raylal li ta̱cꞌulma̱nk saꞌ rosoꞌjiqueb li cutan. Riqꞌuin li cuukub chi raylal aꞌan ta̱tzꞌaklok ru lix joskꞌil li Dios.

Levítico 26:23

Ut cui ac xecꞌul chixjunil li raylal aꞌin, abanan cui toj incꞌaꞌ nequecꞌul le̱ kꞌusbal ut xicꞌ nequine̱ril,

Levítico 26:24

la̱in tinjoskꞌokꞌ e̱riqꞌuin ut cuukub sut chic li raylal li tintakla saꞌ e̱be̱n re xtojbal rix le̱ ma̱c.

Salmos 79:12

At Ka̱cuaꞌ, cuukub sut taxak xqꞌuial li re̱kaj li ta̱qꞌue reheb li tenamit li xicꞌ nequeꞌiloc ke xban nak yo̱queb cha̱hobbal ut incꞌaꞌ nequeꞌxqꞌue a̱lokꞌal.

Ezequiel 21:14

At ralal cui̱nk, ta̱ye resil li cꞌaꞌru ta̱cꞌulma̱nk. Ta̱pokꞌpokꞌi la̱ cuukꞌ re nak laj camsinel tixtiquib camsi̱nc. Cheꞌxcꞌulak cuibak oxibak sut li raylal aꞌin. Aꞌan aꞌin li chꞌi̱chꞌ li ta̱camsi̱nk reheb chixjunileb yalak bar cua̱nkeb. Ma̱ jun reheb teꞌcolekꞌ.

Éxodo 9:14

Ut anakcuan tintakla cuiꞌchic jun raylal saꞌ a̱be̱n joꞌ ajcuiꞌ saꞌ xbe̱neb la̱ mo̱s ut saꞌ xbe̱neb ajcuiꞌ chixjunil li tenamit re nak chi joꞌcan ta̱nau nak ma̱ ani chic junak Dios saꞌ ruchichꞌochꞌ joꞌ la̱in.

Isaías 5:25

Joꞌcan nak li Ka̱cuaꞌ Dios xjoskꞌoꞌ saꞌ e̱be̱n la̱ex lix tenamit ut xqꞌueheb chixtojbal lix ma̱queb. Eb li tzu̱l xeꞌecꞌan saꞌ xnaꞌajeb ut eb li camenak nequeꞌtꞌanaxin saꞌ eb li be. Abanan li Ka̱cuaꞌ toj ma̱jiꞌ na-el xjoskꞌil. Toj yo̱ xjoskꞌil saꞌ xbe̱neb.