Levítico 26:20 - Li Santil hu

²⁰ Ma̱cꞌaꞌak aj e nak te̱tacuasi e̱rib chi cꞌanjelac xban nak incꞌaꞌ chic ta̱e̱lk li acui̱mk saꞌ le̱ naꞌaj ut incꞌaꞌ chic teꞌu̱chi̱nk li cheꞌ.

Q'eqchi Bible

²⁰ Maak'a'aq chik aj e naq teetawasi eerib' xb'aan naq ink'a' chik taa'elq li awimq sa' li ch'och' chi moko te'uuchinq li che' sa' leena'aj.

Levítico 26:20 ပူးပေါင်းရင်းမြစ်များ

Isaías 49:4

Abanan la̱in quincꞌoxla nak yo̱quin chi cꞌanjelac chi ma̱cꞌaꞌ rajbal. Saꞌ inchꞌo̱l la̱in nak yo̱quin chixchoybal inmetzꞌe̱u chi ma̱cꞌaꞌ aj e. Abanan, li Dios naxnau ma us ma incꞌaꞌ us li yo̱quin chixba̱nunquil. Aꞌan ta̱qꞌuehok re lin kꞌajca̱munquil.

Salmos 127:1

Cui ma̱cꞌaꞌ xcuanquil li Ka̱cuaꞌ riqꞌuineb, ma̱cꞌaꞌ aj e li cꞌanjel li teꞌxba̱nu laj cablanel. Cui li Ka̱cuaꞌ incꞌaꞌ ta̱ril lix tenamit, ma̱cꞌaꞌ aj e nak cuan junak ta̱cꞌacꞌale̱nk re li tenamit.

Deuteronomio 11:17

Cui te̱lokꞌoni li jalanil Dios, li Ka̱cuaꞌ ta̱joskꞌokꞌ saꞌ e̱be̱n ut incꞌaꞌ chic tixqꞌue chak li hab saꞌ xbe̱n li chꞌochꞌ. Ut incꞌaꞌ chic ta̱e̱lk chi cha̱bil li ru le̱ racui̱mk. Ut la̱ex texca̱mk chi junpa̱t saꞌ li cha̱bil chꞌochꞌ li tixqꞌue e̱re li Ka̱cuaꞌ.

Habacuc 2:13

¿Ma ma̱cuaꞌ ta biꞌ li nimajcual Dios xyehoc re aꞌin? Li tenamit teꞌcꞌanjelak yal re ta̱cꞌatekꞌ. Usta teꞌlubk riqꞌuin li cꞌaꞌru teꞌxba̱nu, abanan ma̱cꞌaꞌ ta̱oc cuiꞌ.

Levítico 26:4

la̱in tintakla li hab saꞌ ruchichꞌochꞌ saꞌ xkꞌehil. Ta̱e̱lk chi us li acui̱mk saꞌ li chꞌochꞌ. Ut eb li cheꞌ teꞌu̱chi̱nk.

Gálatas 4:11

Nachal incꞌaꞌux e̱ban. Ma̱re yal ma̱cꞌaꞌ rajbal nak xincꞌanjelac saꞌ e̱ya̱nk.

1 Corintios 3:6

Chanchano aj acuinel nak nococꞌanjelac chiru li Dios. Chanchan a̱uc xinba̱nu nak xinye resil li colba-ib e̱re. Ut chanchan tꞌakresi̱nc quixba̱nu laj Apolos nak quixchꞌolob lix ya̱lal che̱ru. Abanan aꞌ li Dios quiqꞌuehoc lix mokic.

Hageo 2:16

Nak toj ma̱jiꞌ xetiquib xyi̱banquil li templo, saꞌ e̱chꞌo̱l la̱ex nak junmay coxtal li ru le̱ trigo te̱xoc, abanan laje̱b ajcuiꞌ x-el. Ut nak oc e̱re xyatzꞌbal ru le̱ uvas, xecꞌoxla nak te̱cꞌul mero ciento cuc li xyaꞌal. Abanan junmay ajcuiꞌ x-el.

Isaías 17:11

Nak nequex-au, nequeril chi us re nak nayoꞌla ut joꞌ cuulaj nequeroybeni nak tixqꞌue li ratzꞌum. Abanan nak ta̱cha̱lk li raylal saꞌ e̱be̱n chixjunil li cꞌaꞌru xerau ta̱sachk.

Salmos 107:34

Ut li chꞌochꞌ li cha̱bil na-el li acui̱mk chiru, naxsukꞌisi chi ma̱cꞌaꞌ chic na-el chiru. Naxba̱nu chi joꞌcan xban li ma̱usilal li nequeꞌxba̱nu li tenamit.

Li xHu LAJ JOB 31:40

Cui ta xinba̱nu chi joꞌcan, us raj nak ta̱mok li qꞌuix saꞌ lin chꞌochꞌ. Ut incꞌaꞌ chic ta̱mok li trigo. Chimok ta li yibru pim chiru ut incꞌaꞌ chic ta̱mok li cebada.— Riqꞌuin li a̱tin aꞌin, quirakeꞌ chi a̱tinac laj Job.

Deuteronomio 28:42

Eb le̱ cheꞌ ut eb le̱ racui̱mk teꞌsachekꞌ chi junaj cua xbaneb laj sa̱cꞌ.

Deuteronomio 28:18

Incꞌaꞌ chic ta̱cua̱nk le̱ ralal e̱cꞌajol ut incꞌaꞌ chic ta̱e̱lk le̱ racui̱mk chi moco teꞌcua̱nk chic raleb le̱ queto̱mk.

Deuteronomio 32:22

Cꞌajoꞌ nak queꞌxqꞌue injoskꞌil. Lin joskꞌil chanchan li xam yo̱ chixcꞌatbal chixjunil toj saꞌ xchamal li ruchichꞌochꞌ. Chanchan nak tixcꞌat li ruchichꞌochꞌ ut li acui̱mk li cuan chiru. Tixcꞌat lix to̱n li tzu̱l.

Isaías 17:10

La̱ex aj Israel, xetzꞌekta̱na li Ka̱cuaꞌ laj colol e̱re. Incꞌaꞌ xepatzꞌ e̱tenkꞌanquil re li Dios li chanchan li sako̱nac li xecol cuiꞌ raj e̱rib. Xerau ban li acui̱mk chꞌinaꞌus re xqꞌuebal xlokꞌal li jalanil dios.

Jeremías 12:13

Eb lin tenamit teꞌrau li trigo, abanan saꞌ lix chꞌochꞌ ta̱e̱lk li qꞌuix. Teꞌxtacuasi ribeb chi cꞌanjelac, abanan ma̱cꞌaꞌak rajbal lix cꞌanjeleb. Incꞌaꞌ tinqꞌue chi e̱lc li racui̱mkeb xban nak la̱in yo̱ injoskꞌil saꞌ xbe̱neb, chan li Ka̱cuaꞌ.

Génesis 4:12

Nak ta̱trabaji li chꞌochꞌ, incꞌaꞌ chic ta̱u̱chi̱nk la̱ cuacui̱mk. Ta̱beni a̱cuib saꞌ xbe̱n li ruchichꞌochꞌ. Yalak bar a̱cue a̱cuu. Ut ma̱ jaruj tathila̱nk, chan li Dios re.

1 Reyes 18:2

Joꞌcan nak laj Elías co̱ riqꞌuin laj Acab. Yo̱ chi us li cueꞌej aran Samaria.

Oseas 2:11

La̱in tincuisi li ninkꞌei̱c chiru, li naqꞌuehoc xsahil xchꞌo̱l. Incꞌaꞌ chic ta̱ninkꞌei̱k rajlal chihab, rajlal po chi moco saꞌ li hiloba̱l cutan joꞌ cꞌaynak xba̱nunquil. Incꞌaꞌ chic tixninkꞌei ruheb lix dios.