Levítico 26:19 - Li Santil hu

¹⁹ La̱in tincuisi le̱ kꞌetkꞌetil ut incꞌaꞌ chic te̱nimobresi e̱rib. Incꞌaꞌ chic tixqꞌue li hab. Ut ta̱chakik le̱ chꞌochꞌ ut ta̱cacuu̱k joꞌ xcacuil li chꞌi̱chꞌ bronce.

Q'eqchi Bible

¹⁹ Tinsach xkawilal leeq'etq'etil ut tinye re li choxa naq ink'a' chik tixtaqla chaq li hab' ut li ch'och' ink'a' chik taa'uuchinq ru.

Levítico 26:19 ပူးပေါင်းရင်းမြစ်များ

Deuteronomio 28:23

Li choxa ta̱kꞌanokꞌ ru joꞌ li kꞌan chꞌi̱chꞌ bronce xban xtikcual ut li chꞌochꞌ ta̱cacuu̱k ru joꞌ li cacuil chꞌi̱chꞌ hierro.

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

San Lucas 4:25

Relic chi ya̱l nak nabaleb li xma̱lcaꞌan saꞌ li tenamit Israel nak quicuan laj Elías chokꞌ profeta. Saꞌ eb li cutan aꞌan incꞌaꞌ quixqꞌue hab chiru oxib chihab riqꞌuin cuakib po. Ut cꞌajoꞌ li cueꞌej quicuan saꞌ li tenamit aꞌan.

Sofonías 3:11

Saꞌ eb li cutan aꞌan incꞌaꞌ chic texxuta̱nobresi̱k xban li incꞌaꞌ us xeba̱nu nak xexma̱cob ut xekꞌetkꞌeti e̱rib chicuu. La̱in tincuisiheb saꞌ e̱ya̱nk li kꞌetkꞌeteb ut li nequeꞌxnimobresi ribeb. Ut incꞌaꞌ chic ta̱cua̱nk li kꞌetkꞌetil saꞌ lin santil naꞌaj.

Daniel 4:37

Ut anakcuan la̱in li rey Nabucodonosor ninlokꞌoni li tzꞌakal Rey li cuan saꞌ choxa. Ninnima ru ut ninqꞌue xlokꞌal xban nak naxba̱nu chixjunil saꞌ xya̱lal ut saꞌ ti̱quilal. Ut naxcubsi xcuanquil li ani naxnimobresi rib xjunes, chan laj Nabucodonosor.

Ezequiel 30:6

Ut quixye ajcuiꞌ li Ka̱cuaꞌ: —Teꞌosokꞌ chixjunileb li nequeꞌtenkꞌan reheb laj Egipto. Ta̱isi̱k xcuanquileb laj Egipto li nequeꞌxnimobresi cuiꞌ ribeb. Teꞌcamsi̱k saꞌ li ple̱t naticlac chak saꞌ li tenamit Migdol ut ta̱cuulak toj Sevene, chan li nimajcual Dios.

Jeremías 13:9

—Joꞌ xcꞌul li cꞌa̱mal saꞌ aꞌin nak xkꞌa, joꞌcan ajcuiꞌ teꞌxcꞌul eb laj Judá ut eb laj Jerusalén nak tincuisi lix kꞌetkꞌetileb.

Isaías 25:11

Teꞌxyeꞌ li rukꞌeb re xba̱nunquil li cꞌaꞌru nequeꞌraj joꞌ nequeꞌxba̱nu li nequeꞌnumxic. Abanan incꞌaꞌ teꞌru̱k xban nak li Dios tixcubsi xcuanquileb.

1 Samuel 4:11

Ut eb laj filisteo queꞌxcꞌam li Lokꞌlaj Ca̱x ut queꞌxcamsi laj Ofni ut laj Finees, li cuib chi ralal laj Elí.

Ezequiel 7:24

Tintaklaheb chak li tenamit li kꞌaxal yibru xnaꞌlebeb re nak aꞌaneb chic teꞌe̱chani̱nk re li rochocheb. Riqꞌuin aꞌin tincuisi lix kꞌetkꞌetileb li ni̱nkeb xcuanquil. Ut li artal li nequeꞌxlokꞌoni cuiꞌ lix dioseb tinqꞌue chi muxecꞌ.

Isaías 26:5

Li Ka̱cuaꞌ quixcubsi xcuanquileb li nequeꞌxkꞌetkꞌeti ribeb. Quixsach ru li tenamit li queꞌcuan cuiꞌ. Quilajxtꞌan li tzꞌac li najt xteram li sutsu cuiꞌ li tenamit.

Isaías 2:12

Saꞌ eb li cutan aꞌan li Ka̱cuaꞌ li kꞌaxal nim xcuanquil ta̱rakok a̱tin saꞌ xbe̱neb li nequeꞌrecꞌa nak ni̱nkeb xcuanquil. Ta̱risi xcuanquileb li nequeꞌxnimobresi ribeb ut eb li nequeꞌxkꞌetkꞌeti ribeb.

1 Samuel 4:3

Eb laj Israel li incꞌaꞌ queꞌcamsi̱c queꞌsukꞌi saꞌ lix muheba̱leb. Eb li nequeꞌcꞌamoc be saꞌ xya̱nkeb laj Israel queꞌxye: —¿Cꞌaꞌut nak li Ka̱cuaꞌ xoxkꞌaxtesi saꞌ rukꞌeb laj filisteo? Toxic Silo ut takacꞌam chak arin li Lokꞌlaj Ca̱x re nak cua̱nk saꞌ kaya̱nk ut li Ka̱cuaꞌ toxcol chiruheb li xicꞌ nequeꞌiloc ke, chanqueb.

1 Reyes 8:35

Ut cui incꞌaꞌ chic tixqꞌue li hab xban li ma̱c li teꞌxba̱nu cha̱cuu, ut cui teꞌxjal xcꞌaꞌuxeb ut teꞌxya̱ba la̱ cꞌabaꞌ ut teꞌtijok cha̱cuu, xban li raylal xaqꞌue saꞌ xbe̱neb, ta̱cuabi taxak li cꞌaꞌru teꞌxtzꞌa̱ma cha̱cuu.

Isaías 28:1

Raylal ta̱cha̱lk saꞌ e̱be̱n la̱ex li ralal xcꞌajol laj Efraín. Xenimobresi e̱rib riqꞌuin li nimla tenamit Samaria li cuan saꞌ li ru takꞌa li cuan cuiꞌ li cha̱bil chꞌochꞌ. Ut cꞌajoꞌ le̱ kꞌetkꞌetil. Yo̱ chi sachc lix lokꞌal li tenamit Samaria xban nak junes cala̱c chic nequeꞌxba̱nu. Chanchan li utzꞌuꞌuj li yo̱ chi chakic.

Jeremías 3:3

Joꞌcan nak incꞌaꞌ chic naxqꞌue li hab. Incꞌaꞌ xtꞌaneꞌ li hab saꞌ xkꞌehil li a̱uc. Xban nak la̱ex yo̱quex chixlokꞌoninquil li jalanil dios, chanchanex li ixk li naxcꞌayi rib. Incꞌaꞌ nequexxuta̱nac.

Ezequiel 24:21

Joꞌcaꞌin naxye li Ka̱cuaꞌ li nimajcual Dios e̱re la̱ex aj Israel: La̱in li Ka̱cuaꞌ tincanab chi muxecꞌ ru lin templo li kꞌaxal nequera, li cꞌojcꞌo cuiꞌ e̱chꞌo̱l ut nacuulac che̱ru rilbal. Ut eb le̱ ralal e̱cꞌajol li toj cuanqueb Jerusalén teꞌcamsi̱k saꞌ li ple̱t, chan li Ka̱cuaꞌ e̱re.

Deuteronomio 11:17

Cui te̱lokꞌoni li jalanil Dios, li Ka̱cuaꞌ ta̱joskꞌokꞌ saꞌ e̱be̱n ut incꞌaꞌ chic tixqꞌue chak li hab saꞌ xbe̱n li chꞌochꞌ. Ut incꞌaꞌ chic ta̱e̱lk chi cha̱bil li ru le̱ racui̱mk. Ut la̱ex texca̱mk chi junpa̱t saꞌ li cha̱bil chꞌochꞌ li tixqꞌue e̱re li Ka̱cuaꞌ.

Ezequiel 33:28

La̱in tinsach ru li naꞌajej ut ma̱cꞌaꞌ chic ta̱cua̱nk chi saꞌ. Tinsach lix cuanquileb li queꞌxkꞌetkꞌeti cuiꞌ ribeb. Ma̱cꞌaꞌ chic tincanab saꞌ eb li tzu̱l li cuanqueb Israel toj retal nak ma̱ ani ta̱numekꞌ aran.