Levítico 26:17 - Li Santil hu

¹⁷ La̱in incꞌaꞌ chic texintenkꞌa. Texincanab e̱junes re nak li xicꞌ nequeꞌiloc e̱re teꞌnumta̱k saꞌ e̱be̱n ut teꞌtakla̱nk saꞌ e̱be̱n. Tex-e̱lelik chiruheb usta incꞌaꞌ yo̱keb che̱ra̱linanquil.

Q'eqchi Bible

¹⁷ Laa'in tinjosq'o'q eerik'in ut eb' li xik' neke'ilok eere te'xq'ax eeru; te'numtaaq sa' eeb'een eb' li neke'kaqalink eere, ut tento tex'eleliq chi maajun taa'aanilasinq eere.

Levítico 26:17 ပူးပေါင်းရင်းမြစ်များ

Proverbios 28:1

Eb li incꞌaꞌ useb xnaꞌleb nequeꞌe̱lelic usta ma̱ ani yo̱ chi a̱lina̱nc reheb. Abanan eb li ti̱queb xchꞌo̱l incꞌaꞌ nequeꞌxucuac. Cꞌojcꞌo̱queb ban xchꞌo̱l. Chanchaneb li cakcoj.

Levítico 17:10

Cui junak aj Israel, malaj ut junak jalan xtenamit cua̱nk saꞌ e̱ya̱nk, tixtiu li quicꞌ, la̱in tinjoskꞌokꞌ riqꞌuin ut tincuisi aꞌan saꞌ e̱ya̱nk la̱ex aj Israel.

Salmos 53:5

Saꞌ jun cutan teꞌxucuak lix tenamit li Dios, usta incꞌaꞌ raj tento nak teꞌxucuak xban nak li Dios tixsacheb ru li xicꞌ nequeꞌiloc reheb. Teꞌcꞌutekꞌ xxuta̱n nak teꞌtzꞌekta̱na̱k xban li Dios.

Deuteronomio 28:25

Li Ka̱cuaꞌ texcanab saꞌ rukꞌeb li xicꞌ nequeꞌiloc e̱re. Tzololnakex nak texxic chi pletic, abanan sachso chic e̱naꞌleb nak tex-e̱lelik ut te̱chaꞌchaꞌi e̱rib. Ut chixjunileb li cuanqueb saꞌ ruchichꞌochꞌ teꞌsachk xchꞌo̱leb che̱rilbal xban nak ma̱cꞌaꞌ chic le̱ cuanquil.

Jeremías 19:7

Saꞌ li naꞌajej aꞌin la̱in tinpoꞌ ru li nequeꞌxcꞌu̱b ru xba̱nunquil eb laj Judá ut eb laj Jerusalén. Tincanabeb chi camsi̱c xbaneb li xicꞌ nequeꞌiloc reheb li yo̱queb chi sicꞌoc reheb. Ut la̱in tinqꞌue lix tibeleb chixtiuheb li xul li nequeꞌrupupic ut eb li joskꞌ aj xul li cuanqueb saꞌ qꞌuicheꞌ.

Jueces 2:14

Cꞌajoꞌ nak quichal xjoskꞌil li Dios saꞌ xbe̱neb laj Israel. Joꞌcan nak quixkꞌaxtesiheb saꞌ rukꞌeb laj e̱lkꞌ ut qui-elkꞌa̱c chixjunil li cꞌaꞌru cuan reheb. Quixkꞌaxtesiheb saꞌ rukꞌeb li xicꞌ nequeꞌiloc reheb, li cuanqueb chi nachꞌ riqꞌuineb ut eb aꞌan chic queꞌnumta saꞌ xbe̱neb. Ut eb laj Israel incꞌaꞌ queꞌxcuy xcolbaleb rib chiruheb.

Lamentaciones 1:5

Eb li xicꞌ nequeꞌiloc reheb, aꞌaneb chic li nequeꞌtaklan saꞌ xbe̱neb. Eb li xicꞌ nequeꞌiloc reheb us nequeꞌel riqꞌuin li cꞌaꞌru nequeꞌxba̱nu. Li Ka̱cuaꞌ quixqꞌueheb li ralal xcꞌajol laj Judá chixtojbal rix lix ma̱queb. Eb li ralal xcꞌajol queꞌchapeꞌ ut queꞌcꞌameꞌ chi najt xbaneb li xicꞌ nequeꞌiloc reheb.

1 Samuel 31:1

Eb laj filisteo queꞌpletic riqꞌuineb laj Israel. Ut eb laj Israel yo̱queb chi e̱lelic chiruheb. Nabaleb laj Israel queꞌcamsi̱c saꞌ li tzu̱l Gilboa.

1 Samuel 4:10

Joꞌcan nak eb laj filisteo queꞌpletic chi cau ut queꞌnumta saꞌ xbe̱neb laj Israel. Eb laj Israel queꞌe̱lelic chiruheb ut queꞌco̱eb saꞌ lix muheba̱leb. Abanan kꞌaxal cuiꞌchic nabaleb li queꞌcamsi̱c. Laje̱b xcaꞌcꞌa̱l mil (30,000) eb laj Israel li nequeꞌxic chi rokeb queꞌcam saꞌ li cutan aꞌan.

Génesis 4:12

Nak ta̱trabaji li chꞌochꞌ, incꞌaꞌ chic ta̱u̱chi̱nk la̱ cuacui̱mk. Ta̱beni a̱cuib saꞌ xbe̱n li ruchichꞌochꞌ. Yalak bar a̱cue a̱cuu. Ut ma̱ jaruj tathila̱nk, chan li Dios re.

Josué 7:4

Joꞌcan nak queꞌco̱eb li oxib mil chi cui̱nk chi pletic riqꞌuineb li cuanqueb Hai re nak teꞌre̱chani. Abanan aꞌaneb chic li cuanqueb Hai queꞌnumta saꞌ xbe̱neb toj retal queꞌe̱lelic eb laj Israel.

1 Reyes 8:33

Nak eb laj Israel teꞌnumta̱k li xicꞌ nequeꞌiloc reheb saꞌ xbe̱neb xban li ma̱c li teꞌxba̱nu cha̱cuu, ut cui eb aꞌan teꞌsukꞌi̱k cuiꞌchic a̱cuiqꞌuin ut teꞌxya̱ba la̱ cꞌabaꞌ ut teꞌtijok cha̱cuu saꞌ li naꞌajej aꞌin,

Salmos 44:10

Xoa̱qꞌue chi e̱lelic chiruheb li xicꞌ nequeꞌiloc ke. Ut li cꞌaꞌru cuan ke, xeꞌxmakꞌ chiku ut queꞌxcꞌam chokꞌ reheb.

Jeremías 44:11

Joꞌcan nak la̱in li nimajcual Dios, lix Dioseb laj Israel, tinqꞌue li raylal aꞌin saꞌ e̱be̱n la̱ex re xsachbal e̱ru la̱ex aj Judá.

Ezequiel 15:7

La̱in tinqꞌueheb chixtojbal rix lix ma̱queb. Xeꞌcoleꞌ jun sut chiru li xam. Abanan riqꞌuin xam ajcuiꞌ teꞌosokꞌ. Nak la̱in tinqꞌueheb chixtojbal lix ma̱queb, la̱ex te̱qꞌue retal nak la̱in li Ka̱cuaꞌ.

Jueces 3:8

Xban li ma̱usilal queꞌxba̱nu, cꞌajoꞌ nak quijoskꞌoꞌ li Dios saꞌ xbe̱neb ut quixcanabeb saꞌ rukꞌeb laj Cusan-risataim, lix reyeb laj Mesopotamia. Joꞌcan nak eb laj Israel queꞌcuan rubel xtakl li rey aꞌan chiru cuakxakib chihab.

Jueces 3:14

Chiru cuakxaklaju chihab eb laj Israel queꞌcuan rubel xtakl laj Eglón lix reyeb laj Moab.

Jueces 6:2

Eb laj Madián cꞌajoꞌ nak queꞌxrahobtesiheb laj Israel. Joꞌcan nak eb laj Israel queꞌxmuk ribeb saꞌ eb li ochoch pec ut saꞌ eb li tzu̱l. Queꞌxyi̱b lix muheba̱leb saꞌ eb li naꞌajej bar incꞌaꞌ teꞌtaꞌekꞌ cuiꞌ.

1 Samuel 12:15

Abanan cui incꞌaꞌ te̱ba̱nu li cꞌaꞌru naxye, ut cui te̱kꞌet li chakꞌrab li quixqꞌue e̱re, li Dios texqꞌue chixtojbal rix le̱ ma̱c joꞌ quixba̱nu riqꞌuin le̱ xeꞌto̱nil yucuaꞌ.

2 Reyes 13:3

Xban li ma̱usilal li queꞌxba̱nu, quichal xjoskꞌil li Ka̱cuaꞌ Dios saꞌ xbe̱neb laj Israel. Najt quixcanabeb rubel xcuanquil laj Hazael lix reyeb laj Siria joꞌ ajcuiꞌ laj Ben-adad li ralal.

2 Reyes 13:7

Ma̱cꞌaꞌ chic xsoldado laj Joacaz queꞌcana. Mero ciento aj chic lix soldado li nequeꞌxic chirix cacua̱y, laje̱b aj chic lix carruaje ut laje̱b mil aj chic li soldado li nequeꞌxic chi rokeb. Ut eb li jun chꞌol chic queꞌsacheꞌ ruheb xbaneb laj Asiria. Chanchan nak nayekꞌi̱c li poks saꞌ chꞌochꞌ nak queꞌsacheꞌ ruheb.

Salmos 53:6

Riqꞌuin ta li Dios li cuan Sión chicha̱lk lix colbaleb laj Israel. Li Ka̱cuaꞌ Dios taxak chicolok reheb li ralal xcꞌajol saꞌ rukꞌeb li nequeꞌnumta saꞌ xbe̱neb. Cheꞌsahokꞌ taxak xchꞌo̱leb laj Israel, li ralal xcꞌajol laj Jacob nak li Dios tixcꞌameb cuiꞌchic saꞌ xtenamiteb.

Isaías 30:17

Jun mil e̱re la̱ex tex-e̱lelik chiru jun li cui̱nk li xicꞌ na-iloc e̱re. Ut che̱junilex tex-e̱lelik chiruheb o̱b chi cui̱nk li xicꞌ nequeꞌiloc e̱re. Moco nabalex ta chic texcana̱k. Chanchanakex jun li bandera xakxo saꞌ xbe̱n bol.

Isaías 63:10

Usta quirosobtesiheb, abanan eb laj Israel queꞌxtzꞌekta̱na toj retal nak quirahoꞌ xchꞌo̱l lix Santil Musikꞌ. Joꞌcan nak li Ka̱cuaꞌ quijoskꞌoꞌ ut xicꞌ chic queꞌileꞌ xban. Ut quixqꞌueheb chi rahobtesi̱c.

Lamentaciones 2:4

Chanchan nak li Ka̱cuaꞌ yo̱ chixti̱canquileb riqꞌuin lix tzimaj. Quixcanab chi sachecꞌ chixjunil li chꞌinaꞌus rilbal. Cꞌajoꞌ li raylal xeꞌxcꞌul arin Jerusalén. Chanchan nak yo̱queb chi cꞌatc xban xam.