Levítico 26:16 - Li Santil hu

¹⁶ la̱in texinqꞌue chixtojbal rix le̱ ma̱c. Xiu xiu chic cua̱nkex. Ut la̱in tintakla chak li raylal saꞌ e̱be̱n. Tintakla li yajel li incꞌaꞌ naru xbanbal. Ut tintakla li caki yajel saꞌ e̱be̱n tixlubtesi le̱ tibel ut ta̱rocsi xyajel li xnakꞌ e̱ru. Tex-a̱uk raj chic, abanan moco te̱tzaca ta chic. Aꞌaneb ban chic li xicꞌ nequeꞌiloc e̱re teꞌtzaca̱nk re.

Q'eqchi Bible

¹⁶ jo'kan ajwi' tinb'aanu eere laa'in: tintaqla chaq sa' eeb'een li xiwak, li raxkamk, li tiq, li xyajel sa' uhej ut xlub'ik leetib'el; maak'a' rajb'al naq tex'awq xb'aan naq a'eb' li xik' neke'ilok eere te'yaloq xsahil ru leerawimq.

Levítico 26:16 ပူးပေါင်းရင်းမြစ်များ

Li xHu LAJ JOB 31:8

cui joꞌcan lin naꞌleb, jalan chic chitzaca̱nk re ru li cuacui̱mk ut cheꞌxmichꞌak li cꞌaꞌru xcuau.

1 Samuel 2:33

Jun reheb la̱ cuechꞌalal, li incꞌaꞌ tincamsi, tixqꞌue nabal xrahil a̱chꞌo̱l. Incꞌaꞌ chic sa tat-ilok xban li ya̱bac ta̱ba̱nu. Ut chixjunileb la̱ cualal a̱cꞌajol teꞌca̱mk nak toj sa̱jeb.

Miqueas 6:15

Tex-a̱uk, abanan incꞌaꞌ texkꞌolok. Te̱yatzꞌ li ru le̱ cheꞌ olivo, abanan incꞌaꞌ te̱yul lix aceitil che̱rix. Te̱yatzꞌ le̱ uva abanan incꞌaꞌ te̱rucꞌ li xyaꞌal.

Ezequiel 33:10

At ralal cui̱nk, joꞌcaꞌin ta̱ye reheb li ralal xcꞌajol laj Israel. La̱ex nequeye, “Kꞌaxal ra cuanco xban li ma̱c ut li ma̱usilal nakaba̱nu. Yo̱co chi osocꞌ xban. ¿Chanru nak ta̱ru̱k ta̱cua̱nk kayuꞌam?” chanquex.

Jeremías 5:17

Aꞌaneb chic teꞌyalok xsahil ru le̱ racui̱mk. Ut aꞌaneb chic li teꞌtzaca̱nk re le̱ tzacae̱mk. Teꞌxcamsiheb le̱ ralal e̱cꞌajol. Ut teꞌxcamsi le̱ carner re teꞌxtiu joꞌ ajcuiꞌ le̱ cuacax. Ut teꞌxtzaca li ru le̱ uvas joꞌ ajcuiꞌ li ru le̱ higo. Teꞌsachekꞌ ruheb li tenamit li cauresinbil chi us re te̱col cuiꞌ e̱rib, li cꞌojcꞌo cuiꞌ e̱chꞌo̱l.

Salmos 78:33

Joꞌcan nak eb laj Israel qꞌuila chihab yo̱queb chixnumsinquil lix yuꞌameb saꞌ li chaki chꞌochꞌ chi ma̱cꞌaꞌ rajbal ut nabal li raylal queꞌxcꞌul.

Deuteronomio 28:51

Eb aꞌan teꞌxtzacaheb li ral le̱ queto̱mk joꞌ ajcuiꞌ li ru le̱ racui̱mk. Ma̱cꞌaꞌak chic le̱ trigo, chi moco le̱ vino, chi moco le̱ aceite. Ut ma̱cꞌaꞌak chic le̱ cuacax chi moco le̱ carner toj retal tex-osokꞌ xban cueꞌej.

Hebreos 10:31

Kꞌaxal xucuajel nak ta̱rakok a̱tin li yoꞌyo̱quil Dios saꞌ xbe̱neb li nequeꞌtzꞌekta̱nan re.

Zacarías 14:12

Abanan li Ka̱cuaꞌ tixqꞌue jun nimla raylal saꞌ xbe̱neb li tenamit li queꞌrahobtesin re Jerusalén. Usta toj yoꞌyo̱keb abanan yo̱k chi kꞌa̱c lix tibeleb. Jocꞌjo̱k aj chic teꞌilok. Ut yo̱k ajcuiꞌ chi kꞌa̱c li ruꞌuj rakꞌeb.

Hageo 1:6

Kꞌaxal nabal nequerau, ut ma̱cꞌaꞌ ajcuiꞌ nequekꞌol; nequexcuaꞌac ut incꞌaꞌ nequexnujac; nequex-ucꞌac ut incꞌaꞌ nanumeꞌ le̱ chaki el; nequeqꞌue le̱ rakꞌ che̱rix ut incꞌaꞌ nequextikcuoꞌ; li nacꞌanjelac saꞌ cutan, chanchan saꞌ hopol aj bo̱ls naxqꞌue lix tojbal.

Jeremías 20:4

Li Ka̱cuaꞌ quixye, “Xinba̱nu chi joꞌcan xban nak la̱in tinba̱nu nak la̱at ajcuiꞌ tatxucuak chirilbal li cꞌaꞌru ta̱ba̱nu ut teꞌxucuak ajcuiꞌ eb la̱ cuami̱g. Eb aꞌan teꞌcamsi̱k chi chꞌi̱chꞌ xbaneb li xicꞌ nequeꞌiloc reheb. Chixjunileb laj Judá tebinkꞌaxtesi saꞌ rukꞌeb lix reyeb laj Babilonia ut teꞌcꞌamekꞌ chi pre̱xil Babilonia malaj ut teꞌcamsi̱k chi chꞌi̱chꞌ.

Jeremías 15:8

Nabaleb li xma̱lcaꞌan xeꞌcana̱c saꞌ li tenamit. Xeꞌxkꞌax xqꞌuial li samaib chire li palau. Xinqꞌueheb chi camsi̱c eb li sa̱j cui̱nk ut kꞌaxal ra saꞌ xchꞌo̱leb li naꞌbej. Chi ma̱cꞌaꞌ saꞌ xchꞌo̱leb xchal li raylal aꞌin saꞌ xbe̱n lix tenamiteb.

Jeremías 12:13

Eb lin tenamit teꞌrau li trigo, abanan saꞌ lix chꞌochꞌ ta̱e̱lk li qꞌuix. Teꞌxtacuasi ribeb chi cꞌanjelac, abanan ma̱cꞌaꞌak rajbal lix cꞌanjeleb. Incꞌaꞌ tinqꞌue chi e̱lc li racui̱mkeb xban nak la̱in yo̱ injoskꞌil saꞌ xbe̱neb, chan li Ka̱cuaꞌ.

Isaías 10:4

Cui incꞌaꞌ te̱cubsi e̱rib la̱ex texcamsi̱k saꞌ li ple̱t, malaj ut texchapekꞌ ut texcꞌamekꞌ chi pre̱xil saꞌ jalan tenamit. Abanan chi moco riqꞌuin aꞌan ta̱numekꞌ xjoskꞌil li Dios. Toj texqꞌue chixtojbal e̱ma̱c.

Isaías 7:2

Li esilal aꞌin quicuulac riqꞌuineb li ralal xcꞌajol laj David. Ut queꞌxye re li rey Acaz: —Eb laj Siria queꞌxjunaji ribeb riqꞌuineb li ralal xcꞌajol laj Efraín ut xeꞌchal chi pletic riqꞌuin la̱ tenamit, chanqueb re. Ut eb aꞌan cꞌajoꞌ nak queꞌxucuac. Nequeꞌsicsot xban xxiuheb. Chanchan nak nequeꞌecꞌasi̱c li cheꞌ li cuan saꞌ qꞌuicheꞌ xban li ikꞌ.

Salmos 109:6

Chiqꞌuehekꞌ ta junak cui̱nk incꞌaꞌ us xnaꞌleb chi rakoc a̱tin saꞌ xbe̱n li xicꞌ na-iloc cue. Ut aꞌ ta ajcuiꞌ li na-oquen chirix chijitok re.

Salmos 73:19

Saꞌ junpa̱t teꞌsachekꞌ ruheb. Cꞌajoꞌ nak teꞌxucuak.

Li xHu LAJ JOB 20:25

Chanchan nak ta̱numekꞌ li tzimaj saꞌ lix tibel. Ut li ruꞌuj toxi-e̱lk jun pacꞌal. Cꞌajoꞌ nak ta̱xucuak.

Li xHu LAJ JOB 18:11

Yalak bar ta̱seꞌbesi̱k ut ta̱e̱lelik chi yo̱k xxiu.

Jueces 6:11

Ut quichal lix ángel li Ka̱cuaꞌ ut quicꞌojla rubel jun to̱n li ji cuan saꞌ li tenamit Ofra. Li naꞌajej aꞌan re laj Joás xcomoneb li ralal xcꞌajol laj Abiezer. Laj Gedeón, li ralal laj Joás, yo̱ chixpuxinquil ru li trigo saꞌ li naꞌajej bar nequeꞌxyatzꞌ cuiꞌ li uvas re nak incꞌaꞌ ta̱ilekꞌ xbaneb laj Madián.

Deuteronomio 32:25

Telajeꞌcamsi̱k riqꞌuin chꞌi̱chꞌ li cuanqueb saꞌ be. Ut cꞌajoꞌ nak teꞌxucuak saꞌ li rochocheb. Telajeꞌca̱mk li sa̱jeb, joꞌ chꞌajom, joꞌ xkaꞌal. Telajeꞌca̱mk li cꞌulaꞌal ut li ac ti̱xeb.

Éxodo 15:26

Quixye reheb: —Junelic te̱rabi li cua̱tin. Te̱ba̱nu li ti̱quilal chicuu. La̱ex te̱pa̱b lin chakꞌrab. Cui te̱ba̱nu chixjunil li texintakla cuiꞌ, incꞌaꞌ tinqꞌue li yajel saꞌ e̱be̱n, li quinqꞌue saꞌ xbe̱neb laj Egipto. La̱in li Ka̱cuaꞌ Dios. La̱in li ninqꞌuirtesin e̱re, chan li Dios.

1 Reyes 8:37

Ut cui ta̱cua̱nk cueꞌej saꞌ xya̱nkeb laj Israel, malaj ut li caki yajel, malaj ut li acui̱mk ta̱chakik xban li tik malaj ut ta̱cha̱lk jalan xyajel li acui̱mk joꞌ li moꞌ, joꞌ laj sa̱cꞌ, ut li motzoꞌ, malaj ut teꞌcha̱lk li xicꞌ nequeꞌiloc ke chixsutbal li katenamit, malaj ut yajel malaj ut cꞌaꞌak chic re ru chi raylalil ta̱cha̱lk saꞌ kabe̱n,

Proverbios 3:33

Li Ka̱cuaꞌ naxqꞌue raylal saꞌ xbe̱neb lix jun cablal li nequeꞌxba̱nu ma̱usilal. Ut narosobtesiheb lix jun cablal li ti̱queb xchꞌo̱l.

Isaías 62:8

Li Ka̱cuaꞌ riqꞌuin lix cuanquil quixye riqꞌuin juramento nak incꞌaꞌ chic tixqꞌue lix trigo lix tenamit chixtzacaheb li xicꞌ nequeꞌiloc reheb. Chi moco eb li jalan tenamit tixqꞌueheb xlese̱ns chirucꞌbal li xyaꞌal li uvas li nequeꞌxcꞌanjela.

Jeremías 15:3

Ca̱hib pa̱y ru li tojba ma̱c tinqꞌue saꞌ xbe̱neb. La̱in tincanabeb chi camsi̱c saꞌ li ple̱t. Eb li tzꞌiꞌ teꞌxtꞌupi eb li camenak ut eb li soꞌsol, joꞌ eb ajcuiꞌ li joskꞌ aj xul li cuanqueb saꞌ qꞌuicheꞌ teꞌxtiu lix tibeleb.

Ezequiel 24:23

Incꞌaꞌ te̱risi li tꞌicr li nequebacꞌ cuiꞌ le̱ jolom, chi moco te̱risi le̱ xa̱b, chi moco texya̱bak xban xrahil e̱chꞌo̱l. Te̱recꞌa ban xrahil li ma̱usilal li xeba̱nu ut te̱jikꞌ e̱chꞌo̱l chi ribil e̱rib.—

Malaquías 2:3

La̱in tincuisi le̱ cuanquil ut tincut saꞌ xnakꞌ e̱ru lix cꞌot li xul li nequemayeja. Ut texcuisi chirix cab e̱rech xxiquic lix cꞌot li xul li nequemayeja.

Amós 5:11

Querahobtesiheb li nebaꞌ ut querelkꞌa li ruheb lix trigo. Joꞌcan nak incꞌaꞌ texcua̱nk saꞌ le̱ rochoch li xeyi̱b chi cha̱bil riqꞌuin pec. Ut incꞌaꞌ chic te̱rucꞌ li vino yi̱banbil riqꞌuin li ru li cha̱bil uvas li xerau.