Levítico 26:15 - Li Santil hu

¹⁵ Cui la̱ex te̱tzꞌekta̱na lin chakꞌrab ut incꞌaꞌ te̱cꞌu̱luban ut cui incꞌaꞌ nequeqꞌue saꞌ e̱chꞌo̱l li cꞌaꞌru ninye ut cui la̱ex te̱risi xcuanquil li contrato li quinba̱nu e̱riqꞌuin,

Q'eqchi Bible

¹⁵ wi teeq'etq'eti eerib' chiru lintaqlahom ut teetz'eqtaana li waatin, wi ink'a' teek'anjela ru chixjunil linchaq'rab' ut teeq'et linSumwank,

Levítico 26:15 ပူးပေါင်းရင်းမြစ်များ

2 Reyes 17:15

Queꞌxtzꞌekta̱na ban li chakꞌrab li quixqꞌue li Dios ut queꞌxtzꞌekta̱na ajcuiꞌ li contrato li quixba̱nu li Dios riqꞌuineb lix xeꞌto̱nil xyucuaꞌeb. Queꞌxkꞌet li ra̱tin li Dios ut queꞌxlokꞌoniheb li yi̱banbil dios li ma̱cꞌaꞌ na-oc cuiꞌ. Joꞌcan nak eb aꞌan queꞌcana chi ma̱cꞌaꞌ nequeꞌoc cuiꞌ xban nak queꞌxba̱nu joꞌ nequeꞌxba̱nu li jalan tenamit li cuanqueb chi nachꞌ riqꞌuineb, usta li Dios quixye nak incꞌaꞌ teꞌxba̱nu.

Deuteronomio 31:16

Ut li Ka̱cuaꞌ quixye re laj Moisés: —La̱at tatxic chi hila̱nc a̱cuochbeneb la̱ xeꞌto̱nil yucuaꞌ. Chi se̱b li tenamit aꞌin teꞌxtiquib xlokꞌoninquileb li jalanil dios saꞌ li naꞌajej li teꞌxic cuiꞌ. Chanchanakeb chic li ixk li nequeꞌxcꞌayi ribeb. Tineꞌxtzꞌekta̱na ut teꞌxkꞌet li contrato li quinba̱nu riqꞌuineb.

Ezequiel 16:59

Li nimajcual Dios quixye: La̱in tatinqꞌue chixtojbal a̱ma̱c joꞌ a̱cꞌulub xcꞌulbal xban nak cacuisi xcuanquil li contrato ut incꞌaꞌ caba̱nu li cꞌaꞌru caye.

Jeremías 11:10

Queꞌxba̱nu li ma̱usilal joꞌ queꞌxba̱nu lix xeꞌto̱nil yucuaꞌeb. Eb lix xeꞌto̱nil yucuaꞌeb incꞌaꞌ queꞌraj abi̱nc chicuu. Queꞌxlokꞌoniheb li jalanil dios. Joꞌcan ajcuiꞌ yo̱queb chixba̱nunquil eb laj Judá ut eb laj Israel. Nequeꞌxlokꞌoniheb li jalanil dios ut yo̱queb chi cꞌanjelac chiruheb. Queꞌxkꞌet li contrato li quinba̱nu riqꞌuineb lix xeꞌto̱nil yucuaꞌ.

Isaías 24:5

Eb li cristian queꞌxmux ru li ruchichꞌochꞌ xban nak queꞌxkꞌet lix chakꞌrab li Dios. Queꞌxkꞌet li contrato li xakxo xcuanquil chi junelic.

Números 15:31

Xban nak quixkꞌet li cꞌaꞌru quinye la̱in li Ka̱cuaꞌ ut quixtzꞌekta̱na lin chakꞌrab, li jun aꞌan cuan xma̱c nak ta̱camsi̱k.

Hebreos 8:9

Li contrato aꞌin ma̱cuaꞌ joꞌ li quinba̱nu chak reheb lix xeꞌto̱nil yucuaꞌeb nak quicuisiheb chak saꞌ li tenamit Egipto. Incꞌaꞌ queꞌxba̱nu li naxye li contrato. Xban aꞌan quebintzꞌekta̱na.

1 Ts 4:8

Joꞌcan nak li ani natzꞌekta̱nan re li tijleb aꞌin, ma̱cuaꞌ cui̱nk li naxtzꞌekta̱na. Aꞌ ban li Dios li naqꞌuehoc ke li Santil Musikꞌej, aꞌan li naxtzꞌekta̱na.

Romanos 8:7

Li toj yo̱queb chixba̱nunquil li naxrahi ru lix chꞌo̱leb, cuanqueb saꞌ xi̱qꞌuilal riqꞌuin li Dios ut incꞌaꞌ nequeꞌraj xcubsinquil rib rubel xcuanquil lix chakꞌrab li Dios chi moco nequeꞌru chixba̱nunquil.

Hechos 13:41

Aꞌan aꞌin li queꞌxtzꞌi̱ba li profeta junxil: Cherabihak, la̱ex li nequextzꞌekta̱nan re li cua̱tin. Chisachk e̱naꞌleb ut chex-osokꞌ ta. La̱in yo̱quin chixba̱nunquil jun li sachba chꞌo̱lej saꞌ eb li cutan aꞌin. Li sachba chꞌo̱lej li yo̱quin chixba̱nunquil incꞌaꞌ raj te̱pa̱b cui yal ani ta junak ta̱serakꞌi̱nk e̱re.— (Hab. 1:5)

Jeremías 31:32

Ma̱cuaꞌ joꞌ li contrato li quinba̱nu riqꞌuineb lix xeꞌto̱nil yucuaꞌ nak quebinchꞌilo chak chi rukꞌeb nak quicuisiheb chak saꞌ li tenamit Egipto. Usta la̱in chanchanin jun li be̱lomej chokꞌ reheb, abanan eb aꞌan queꞌxsach xcuanquil li contrato quinba̱nu riqꞌuineb junxil.

Jeremías 6:19

Abihomak la̱ex li cuanquex saꞌ ruchichꞌochꞌ. La̱in tinqꞌue li raylal saꞌ xbe̱neb lin tenamit xban li ma̱usilal queꞌxba̱nu. Incꞌaꞌ queꞌabin chicuu, ut queꞌxkꞌet li chakꞌrab quinqꞌue reheb.

Proverbios 5:12

Ut te̱ye: —¿Cꞌaꞌut nak incꞌaꞌ xinqꞌue saꞌ inchꞌo̱l li kꞌusbal li quiqꞌueheꞌ cue? ¿Cꞌaꞌut nak xintzꞌekta̱na?

Proverbios 1:30

Incꞌaꞌ xeraj xcꞌulbal le̱ naꞌleb xinqꞌue e̱re. Xetzꞌekta̱na ban le̱ kꞌusbal li xinqꞌue.

Proverbios 1:7

Li ani ta̱raj ta̱cua̱nk xnaꞌleb, tento nak tixxucua ru li Ka̱cuaꞌ. Eb li ma̱cꞌaꞌeb xnaꞌleb nequeꞌxtzꞌekta̱na li cha̱bil naꞌleb ut nequeꞌxtzꞌekta̱na ajcuiꞌ lix kꞌusbaleb.

Salmos 50:17

Incꞌaꞌ nacuulac che̱ru nak nequexinkꞌus chi moco nequeqꞌue xcuanquil li cua̱tin.

2 Crónicas 36:16

Abanan eb laj Judá queꞌxseꞌeheb lix profeta li Dios ut queꞌxhob. Ut queꞌxtzꞌekta̱na li ra̱tin toj retal queꞌxchikꞌ xjoskꞌil li Dios saꞌ xbe̱neb. Ut incꞌaꞌ chic quixcuy xma̱queb.

Levítico 26:43

Ma̱ ani chic cua̱nk aran ut li chꞌochꞌ ta̱sahokꞌ saꞌ xchꞌo̱l chi hila̱nc. Tento nak la̱ex aj Israel te̱cꞌu̱luban saꞌ e̱be̱n xtojbal rix li ma̱c queba̱nu nak quekꞌet lin chakꞌrab ut xicꞌ queril li quexintakla cuiꞌ.

Éxodo 24:7

Laj Moisés quixchap li hu li quixtzꞌi̱ba cuiꞌ chixjunil lix contrato li Dios. Quiril xsaꞌ li hu chiruheb chixjunileb li tenamit ut eb li tenamit queꞌxye: —Chixjunil li xye li Dios, takaba̱nu ut takapa̱b li cꞌaꞌru naxye, chanqueb.

Éxodo 19:5

Cui la̱ex te̱rabi li cua̱tin ut te̱ba̱nu li contrato li xkacꞌu̱b chi kibil kib, la̱exak lin tenamit raro̱quex inban. Chixjunil li ruchichꞌochꞌ cue la̱in. Abanan la̱ex li tenamit li sicꞌbil ru inban.

Génesis 17:14

Cui junak cui̱nk incꞌaꞌ tixcꞌul li circuncisión, aꞌan tzꞌekta̱nanbilak xban nak aꞌan xkꞌet lin chakꞌrab, chan li Dios.

Levítico 26:9

La̱in tinba̱nu usilal e̱re. Texcuosobtesi ut texnabalokꞌ. Junelic xakxo̱k xcuanquil li contrato li quinba̱nu e̱riqꞌuin.

Levítico 26:11

La̱in tincua̱nk saꞌ e̱ya̱nk ut incꞌaꞌ texintzꞌekta̱na.

1 Samuel 12:15

Abanan cui incꞌaꞌ te̱ba̱nu li cꞌaꞌru naxye, ut cui te̱kꞌet li chakꞌrab li quixqꞌue e̱re, li Dios texqꞌue chixtojbal rix le̱ ma̱c joꞌ quixba̱nu riqꞌuin le̱ xeꞌto̱nil yucuaꞌ.

Malaquías 2:2

Cui incꞌaꞌ nequeba̱nu li cꞌaꞌru ninye ut cui incꞌaꞌ nequeqꞌue e̱chꞌo̱l chixqꞌuebal xlokꞌal lin cꞌabaꞌ, texintzꞌekta̱na ut le̱ rosobtesinquil tinsukꞌisi chokꞌ raylal. Ac xexintzꞌekta̱na xban nak incꞌaꞌ xeqꞌue e̱chꞌo̱l chixba̱nunquil li cꞌaꞌru xinye e̱re.