Levítico 26:14 - Li Santil hu

¹⁴ Abanan cui la̱ex incꞌaꞌ nequerabi li cꞌaꞌru ninye ut cui incꞌaꞌ nequeba̱nu li naxye saꞌ li chakꞌrab li xinqꞌue e̱re, texinqꞌue chixtojbal e̱ma̱c.

Q'eqchi Bible

¹⁴ “Ab'an wi ink'a' tineerab'i ut ink'a' teepaab' chixjunil li chaq'rab' a'in,

Levítico 26:14 ပူးပေါင်းရင်းမြစ်များ

Lamentaciones 2:17

Li Ka̱cuaꞌ xba̱nu e̱re li cꞌaꞌru quixye chak junxil. Incꞌaꞌ xril xtokꞌoba̱l e̱ru. Xsach ban e̱ru. Incꞌaꞌ chic xcuy e̱ma̱c. Xqꞌueheb xcuanquil li xicꞌ nequeꞌiloc e̱re re teꞌnumta̱k saꞌ e̱be̱n, ut xexqꞌue chi seꞌe̱c.

Jeremías 17:27

Abanan cui la̱ex incꞌaꞌ te̱ba̱nu li cꞌaꞌru ninye ut cui incꞌaꞌ nequeqꞌue xlokꞌal li hiloba̱l cutan, ut cui nequerocsi le̱ ri̱k saꞌ li hiloba̱l cutan saꞌ eb li oqueba̱l re Jerusalén, la̱in tinsach ruheb li oqueba̱l ut eb li palacio li cuanqueb Jerusalén. Tincꞌateb ut ma̱ ani ta̱ru̱k ta̱chupuk re li xam li tinsach cuiꞌ,” chan li Dios.

Levítico 26:18

Abanan cui toj incꞌaꞌ ajcuiꞌ tex-abi̱nk chicuu nak acak xecꞌul chixjunil li raylal aꞌin, la̱in tinqꞌue xtzꞌakob lix tojbal rix le̱ ma̱c. Cuukub sut chic te̱toj rix le̱ ma̱c.

Hebreos 12:25

Me̱tzꞌekta̱na li ra̱tin li Dios joꞌ queꞌxba̱nu eb laj Israel. Eb aꞌan incꞌaꞌ queꞌxcuy rabinquil xchakꞌrab li Dios ut queꞌxtzꞌekta̱na li ra̱tin nak quichꞌoloba̱c chak xya̱lal chiruheb aran saꞌ li tzu̱l. Ut quirakeꞌ a̱tin saꞌ xbe̱neb. Cui incꞌaꞌ queꞌcoleꞌ eb aꞌan, ¿ma tojaꞌ ta chic la̱o tocolekꞌ cui takatzꞌekta̱na li Dios li naa̱tinac chak toj saꞌ choxa?

Hechos 3:23

Ut li ani incꞌaꞌ tixpa̱b li cꞌaꞌru tixye li profeta aꞌan, ta̱isi̱k saꞌ xya̱nkeb lix tenamit li Dios ut ta̱sachekꞌ ru. (Deut. 18:18-19)

Malaquías 2:2

Cui incꞌaꞌ nequeba̱nu li cꞌaꞌru ninye ut cui incꞌaꞌ nequeqꞌue e̱chꞌo̱l chixqꞌuebal xlokꞌal lin cꞌabaꞌ, texintzꞌekta̱na ut le̱ rosobtesinquil tinsukꞌisi chokꞌ raylal. Ac xexintzꞌekta̱na xban nak incꞌaꞌ xeqꞌue e̱chꞌo̱l chixba̱nunquil li cꞌaꞌru xinye e̱re.

Lamentaciones 1:18

Li Ka̱cuaꞌ quirakoc a̱tin saꞌ kabe̱n saꞌ ti̱quilal. La̱o xkakꞌet li ra̱tin. Che̱junilex la̱ex, qꞌuehomak retal li raylal li yo̱co chixcꞌulbal. Chixjunileb li toj sa̱jeb queꞌchapeꞌ ut queꞌcꞌameꞌ chi najt, joꞌ cui̱nk, joꞌ ixk.

Josué 23:15

Joꞌ nak xqꞌue chixjunil li cha̱bil li quixyechiꞌi e̱re li Ka̱cuaꞌ le̱ Dios, joꞌcan ajcuiꞌ nak tixqꞌue chak raylal saꞌ e̱be̱n joꞌ quixye e̱re, cui incꞌaꞌ te̱ba̱nu li us. Tixsach e̱ru re nak incꞌaꞌ chic texcua̱nk saꞌ li cha̱bil naꞌajej aꞌin li quixqꞌue e̱re li Ka̱cuaꞌ.

Jueces 2:15

Nak nequeꞌxic chi pletic yalak bar, li Ka̱cuaꞌ incꞌaꞌ chic naxtenkꞌaheb. Incꞌaꞌ chic naxcoleb chiruheb li xicꞌ nequeꞌiloc reheb. Quixcanabeb ban chi rahobtesi̱c joꞌ quixye reheb. Kꞌaxal ra queꞌxcꞌul joꞌ quiyeheꞌ reheb xban li Ka̱cuaꞌ.

1 Samuel 12:15

Abanan cui incꞌaꞌ te̱ba̱nu li cꞌaꞌru naxye, ut cui te̱kꞌet li chakꞌrab li quixqꞌue e̱re, li Dios texqꞌue chixtojbal rix le̱ ma̱c joꞌ quixba̱nu riqꞌuin le̱ xeꞌto̱nil yucuaꞌ.

2 Crónicas 7:19

Abanan cui la̱ex te̱jal le̱ naꞌleb ut te̱canab xba̱nunquil le̱ taklanquil li yo̱quin chixqꞌuebal e̱re, ut cui te̱canab xba̱nunquil li cꞌaꞌru naxye saꞌ lin chakꞌrab li xinqꞌue e̱re, ut cui la̱ex tex-oc chixlokꞌoninquil jalanil dios ut texcꞌanjelak chiruheb,

Proverbios 3:33

Li Ka̱cuaꞌ naxqꞌue raylal saꞌ xbe̱neb lix jun cablal li nequeꞌxba̱nu ma̱usilal. Ut narosobtesiheb lix jun cablal li ti̱queb xchꞌo̱l.

Jeremías 11:8

Abanan eb aꞌan incꞌaꞌ queꞌrabi li cꞌaꞌru quinye. Queꞌxba̱nu ban li ma̱usilal li queꞌraj xba̱nunquil eb aꞌan. Joꞌcan nak tinqꞌue saꞌ xbe̱neb li raylal li quinye chak saꞌ li contrato.

Jeremías 26:4

Ta̱ye reheb: Aꞌan aꞌin li naxye li Ka̱cuaꞌ. Cui incꞌaꞌ tex-abi̱nk chicuu ut cui incꞌaꞌ te̱ba̱nu li cꞌaꞌru naxye lin chakꞌrab li quinqꞌue e̱re, la̱in texinqꞌue chixtojbal le̱ ma̱c.

Jeremías 28:8

Chalen najter nak toj ma̱jiꞌ ninyoꞌla la̱in ut la̱at, eb li profeta queꞌxye resil nak saꞌ nabal xni̱nkal ru tenamit ta̱cua̱nk li ple̱t ut li raylal ut li caki yajel.

Jeremías 40:2

Laj Nabuzaradán li nataklan saꞌ xbe̱neb li soldado quixye re laj Jeremías: —Li Ka̱cuaꞌ la̱ Dios quixye nak li naꞌajej aꞌin tento nak tixcꞌul li raylal.

Daniel 9:13

Chixjunil li raylal aꞌin xaqꞌue saꞌ kabe̱n joꞌ tzꞌi̱banbil saꞌ li chakꞌrab li caqꞌue re laj Moisés. Ut la̱o incꞌaꞌ ajcuiꞌ xkatzꞌa̱ma kacuybal cha̱cuu, at Ka̱cuaꞌ, at kaDios, chi moco xkacanab xba̱nunquil li ma̱usilal chi moco xkaj xtaubal ru lix ya̱lal.

Oseas 7:12

Nak yo̱queb chi xic yalak bar, la̱in tebinchap joꞌ nak nequeꞌchapeꞌ li xul li nequeꞌxicꞌan chiru choxa. La̱in tebinqꞌue chixtojbal rix lix ma̱queb joꞌ yebil reheb.

2 Reyes 22:13

Quixye reheb: —Ayukex ut patzꞌomak re li Ka̱cuaꞌ chicuix la̱in ut chirixeb li tenamit ut chirixeb laj Judá. Patzꞌomak cꞌaꞌru takaba̱nu riqꞌuin li cꞌaꞌru tzꞌi̱banbil saꞌ li hu aꞌin. Li Ka̱cuaꞌ yo̱ xjoskꞌil saꞌ kabe̱n xban nak eb li kaxeꞌto̱nil yucuaꞌ incꞌaꞌ queꞌxba̱nu li cꞌaꞌru tzꞌi̱banbil saꞌ li hu aꞌin, chan li rey Josías.

2 Crónicas 34:24

“Tintakla raylal saꞌ xbe̱n li naꞌajej aꞌin ut saꞌ xbe̱neb ajcuiꞌ li cristian li cuanqueb arin. Tinqꞌueheb chixtojbal lix ma̱queb. Tintakla saꞌ xbe̱neb chixjunil li raylal li tzꞌi̱banbil saꞌ li hu li qui-ileꞌ xsaꞌ chiru lix reyeb laj Judá.

Salmos 81:12

Joꞌcan nak quincanabeb xba̱nunquil li cꞌaꞌru queꞌraj eb aꞌan. Xban nak cauheb xchꞌo̱l, queꞌxba̱nu li cꞌaꞌru queꞌraj xjuneseb.

Jeremías 32:23

Queꞌre̱chani li naꞌajej ut queꞌxyal xsahil. Abanan incꞌaꞌ queꞌxba̱nu li cꞌaꞌru caye reheb, chi moco queꞌxba̱nu li naxye saꞌ la̱ chakꞌrab. Incꞌaꞌ queꞌxba̱nu li cꞌaꞌru cataklaheb cuiꞌ. Joꞌcan nak la̱at caqꞌue chixjunil li raylal aꞌin saꞌ xbe̱neb.