Levítico 26:13 - Li Santil hu

¹³ La̱in li Ka̱cuaꞌ le̱ Dios. La̱in quin-isin chak e̱re Egipto re nak incꞌaꞌ chic texcua̱nk chokꞌ rahobtesinbil mo̱s. Chanchan nak cuan li yugo saꞌ e̱cux nak quexcuan rubel xcuanquileb. Abanan la̱in quexcuisi rubel xcuanquileb. Anakcuan naru te̱taksi le̱ riloba̱l nak texbe̱k.

Q'eqchi Bible

¹³ Laa'in li Qaawa' leeYos, li kin'isink chaq eere Ejiipt re naq ink'a' chik wanqex rub'el xwankilaleb'. Kint'upi li kareen b'ak'b'ookex wi' aran ut kexink'e chi b'eek chi taqenaq leerilob'aal.

Levítico 26:13 ပူးပေါင်းရင်းမြစ်များ

Ezequiel 34:27

Eb li cheꞌ teꞌu̱chi̱nk ut li acui̱mk saꞌ li cꞌaleba̱l ta̱u̱chi̱nk. Ut chixjunileb teꞌcua̱nk saꞌ xnaꞌajeb chi ma̱cꞌaꞌ ta̱chꞌiꞌchꞌiꞌi̱nk reheb. La̱in tincoleb saꞌ rukꞌeb li queꞌnumta saꞌ xbe̱neb ut queꞌrahobtesin reheb. Ut riqꞌuin aꞌan teꞌxqꞌue retal nak la̱in li Ka̱cuaꞌ.

Salmos 116:16

At nimajcual Dios, relic chi ya̱l la̱in aj cꞌanjel cha̱cuu ut lin naꞌ aj cꞌanjel ajcuiꞌ cha̱cuu. La̱at xina̱col chiru li ca̱mc.

Levítico 25:38

La̱in li Ka̱cuaꞌ le̱ Dios. La̱in quin-isin chak e̱re saꞌ li naꞌajej Egipto re nak tinqꞌue e̱re li naꞌajej Canaán ut re nak la̱inak le̱ Dios.

Éxodo 20:2

La̱in li Ka̱cuaꞌ le̱ Dios. La̱in xin-isin chak e̱re saꞌ li tenamit Egipto, saꞌ li naꞌajej li xexrahobtesi̱c cuiꞌ chak.

Jeremías 2:20

Li nimajcual Dios quixye: —La̱ex aj Israel, ac junxil xerisi e̱rib rubel incuanquil ut queye nak incꞌaꞌ chic texcꞌanjelak chicuu. Saꞌ xbe̱neb li tzu̱l ut rubeleb li cheꞌ li ni̱nk xmu xelokꞌoni li jalanil dios. Chanchanex li ixk li nequeꞌxcꞌayi ribeb.

Levítico 25:55

Eb laj Israel, aꞌaneb lin mo̱s la̱in. Cueheb la̱in. La̱in quin-isin reheb aran Egipto. La̱in li Ka̱cuaꞌ lix Dioseb.

Isaías 51:23

Tintakla ban li raylal aꞌin saꞌ xbe̱neb li nequeꞌrahobtesin e̱re, eb li xeꞌxye e̱re, “Yoclankex re nak tonumekꞌ saꞌ e̱be̱n”. Ut la̱ex xeyocob e̱rib re teꞌnumekꞌ saꞌ e̱be̱n. Chanchanex chic li chꞌochꞌ.—

Levítico 25:42

Eb laj Israel, aꞌaneb lin mo̱s la̱in li Ka̱cuaꞌ. La̱in quin-isin chak reheb saꞌ li naꞌajej Egipto. Incꞌaꞌ naru teꞌcꞌayi̱k chokꞌ lokꞌbil mo̱s.

Éxodo 6:7

La̱in texinqꞌue chokꞌ intenamit. La̱inak le̱ Dios. La̱ex te̱nau nak la̱in li nimajcual Dios li ta̱isi̱nk e̱re saꞌ li cacuil trabaj saꞌ rukꞌeb laj Egipto.

Ezequiel 30:18

Chanchan nak ta̱kꞌojyi̱nokꞌ ru li cutan aran Tafnes nak la̱in tinsach lix cuanquileb laj Egipto. Tincuisi lix kꞌetkꞌetil nak tincubsi lix cuanquileb. Chanchan nak ta̱tzꞌapekꞌ li tenamit xban li chok. Ut eb li cuanqueb saꞌ li cocꞌ tenamit teꞌcꞌamekꞌ chi pre̱xil.

Oseas 11:4

Saꞌ kꞌunil ut riqꞌuin rahoc xebincꞌam cuiqꞌuin. Saꞌ cha̱bilal xebinberesi. La̱in xcuisi li i̱k saꞌ xbe̱neb ut xebinqꞌue chi cuaꞌac saꞌ xya̱lal.

Éxodo 14:8

Li Ka̱cuaꞌ Dios quixcacuubresi xchꞌo̱l laj faraón lix reyeb laj Egipto re nak tixta̱keheb laj Israel. Ut eb laj Israel nequeꞌtzololnac chi xic. Ut li Ka̱cuaꞌ Dios yo̱ chi cꞌamoc be chiruheb riqꞌuin lix nimal xcuanquilal.

Isaías 9:3

At Ka̱cuaꞌ, xaqꞌueheb cuiꞌchic chi ta̱mc la̱ tenamit ut xaqꞌue cuiꞌchic xsahil xchꞌo̱leb. Ut kꞌaxal cuiꞌchic teꞌsahokꞌ xchꞌo̱leb a̱cuiqꞌuin. Chanchan nak nasahoꞌ xchꞌo̱leb li yo̱queb chi kꞌoloc ut chanchan nak nasahoꞌ xchꞌo̱leb li soldados nak nequeꞌxjeqꞌui chirixeb li cꞌaꞌru nequeꞌre̱chani chak saꞌ li ple̱t.

Jeremías 28:2

Quixye re: —Joꞌcaꞌin xye li nimajcual Dios, lix Dioseb laj Israel, “La̱in tincuisi lix reyeb laj Babilonia.

Jeremías 28:4

La̱in tinqꞌue chi sukꞌi̱c arin laj Jeconías li ralal laj Joacim, lix reyeb laj Judá. Tinqꞌueheb ajcuiꞌ chi sukꞌi̱c chixjunileb laj Judá li queꞌchapeꞌ, ut queꞌcꞌameꞌ Babilonia xban nak la̱in tincuisi xcuanquil lix reyeb laj Babilonia,” chan li Ka̱cuaꞌ.

Nahum 1:13

Nak cuanquex rubel xcuanquilal eb aꞌan chanchan nak cuan li yugo saꞌ e̱be̱n. Abanan chanchan tintoki li yugo nak texcuisi rubel xcuanquileb aꞌan. Chanchan bacꞌbo̱quex riqꞌuin cadena nak cuanquex xbaneb. Abanan la̱in tintꞌupi li cadena li bacꞌbo̱quex cuiꞌ, chan li Dios reheb laj Israel.