Levítico 26:1 - Li Santil hu

¹ Li Ka̱cuaꞌ Dios quixye: —Me̱yi̱b e̱jalanil dios chi moco e̱pechꞌbil dios, chi moco te̱yi̱b e̱dios pec re te̱lokꞌoniheb. Chi moco chiruheb li pec te̱yi̱b junak retalil e̱dios xban nak la̱in li Ka̱cuaꞌ le̱ Dios.

Q'eqchi Bible

¹ “Meeyiib' eejalanil yos chi moko jalam u; meewaklesi sa' leetenamit junaq loq'laj pek chi moko let'exinb'il pek, re naq texwiq'laaq chiruheb', xb'aan naq laa'in li Qaawa' leeYos.

Levítico 26:1 ပူးပေါင်းရင်းမြစ်များ

Levítico 19:4

Me̱lokꞌoniheb chic li yi̱banbil dios, chi moco te̱yi̱b e̱jalanil dios chꞌi̱chꞌ re te̱lokꞌoni. La̱in li Ka̱cuaꞌ le̱ Dios xinyehoc re aꞌin.

Deuteronomio 27:15

Tzꞌekta̱nanbil li ani tixyi̱b lix jalanil dios ut xjalam u̱ch riqꞌuin chꞌi̱chꞌ ut riqꞌuin cheꞌ usta tixqꞌue saꞌ junak naꞌajej mukmu re tixlokꞌoni xban nak li Ka̱cuaꞌ xicꞌ naril aꞌan. Ut chixjunileb li tenamit teꞌchakꞌok ut teꞌxye: Joꞌcan taxak.

Números 33:52

te̱risiheb chixjunileb li cuanqueb saꞌ li naꞌajej aꞌan. Te̱sach ruheb chixjunileb lix dioseb li queꞌxyi̱b riqꞌuin pec ut riqꞌuin chꞌi̱chꞌ. Te̱tꞌan chixjunileb li naꞌajej li najt xteram li nequeꞌlokꞌonin cuiꞌ.

Éxodo 23:24

Ut me̱cuikꞌib e̱rib chiru lix yi̱banbil dios eb aꞌan, chi moco chexcꞌanjelak chiruheb. Me̱ba̱nu joꞌ nequeꞌxba̱nu eb aꞌan. Te̱jucꞌ ban lix yi̱banbil dios ut te̱sach ruheb chi junaj cua.

Éxodo 20:23

Me̱yi̱b e̱dios riqꞌuin plata chi moco riqꞌuin oro. Caꞌaj cuiꞌ la̱in li tine̱lokꞌoni.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

Hechos 17:29

Joꞌcan nak cui la̱o ralal xcꞌajol li Dios, incꞌaꞌ naru takacꞌoxla nak li Dios chanchan ta li oro, malaj li plata chi moco li pec li yi̱banbil yal riqꞌuin xcꞌaꞌux ut xnaꞌlebeb li cui̱nk.

Éxodo 34:17

Me̱yi̱b e̱jalanil dios.

Isaías 2:20

Nak ta̱cꞌulma̱nk aꞌin, eb li cristian teꞌxcut chi najt lix dioseb yi̱banbil riqꞌuin plata ut oro. Teꞌxcut chiruheb li chꞌo ut li tzꞌu̱m xicꞌ lix dioseb li queꞌxyi̱b eb aꞌan re teꞌxlokꞌoni.

Salmos 97:7

Chixjunileb li nequeꞌxnimobresi ribeb riqꞌuin xlokꞌoninquil li yi̱banbil dios, xuta̱nal nequeꞌcana. Ut chixjunileb li jalanil dios teꞌcana̱k rubel xcuanquil li Ka̱cuaꞌ.

Éxodo 20:2

La̱in li Ka̱cuaꞌ le̱ Dios. La̱in xin-isin chak e̱re saꞌ li tenamit Egipto, saꞌ li naꞌajej li xexrahobtesi̱c cuiꞌ chak.

Levítico 25:55

Eb laj Israel, aꞌaneb lin mo̱s la̱in. Cueheb la̱in. La̱in quin-isin reheb aran Egipto. La̱in li Ka̱cuaꞌ lix Dioseb.

Deuteronomio 5:6

Ut li Ka̱cuaꞌ quixye, “La̱in li Ka̱cuaꞌ le̱ Dios. La̱in quin-isin chak e̱re saꞌ li tenamit Egipto, saꞌ li naꞌajej li xexrahobtesi̱c cuiꞌ chak.

Salmos 78:58

Queꞌxqꞌue xjoskꞌil li Dios xban nak queꞌxyi̱b li artal li nequeꞌxlokꞌoni cuiꞌ li yi̱banbil dios. Xban nak queꞌxlokꞌoni li yi̱banbil dios, cꞌajoꞌ nak quirahoꞌ xchꞌo̱l li Ka̱cuaꞌ.

Levítico 7:33

Teꞌxqꞌue li rukꞌ li cuan saꞌ xnim re laj tij li ta̱cꞌatok re li xe̱b ut ta̱mayeja̱nk re lix quiqꞌuel li xul re xcꞌambaleb rib saꞌ usilal riqꞌuin li Dios.

Jueces 18:30

Ut eb li ralal xcꞌajol laj Dan queꞌxxakab li yi̱banbil dios re teꞌxlokꞌoni. Ut laj Jonatán, li ralal laj Gersón, rochben li ralal xcꞌajol queꞌcꞌanjelac chokꞌ aj tij chiruheb li ralal xcꞌajol laj Dan chalen toj nak queꞌchapeꞌ ut queꞌcꞌameꞌ chi najt. Laj Gersón, aꞌan li ralal laj Moisés.

2 Reyes 17:8

Eb laj Israel queꞌxba̱nu li incꞌaꞌ us joꞌ queꞌxba̱nu li jalaneb xtenamit li queꞌisi̱c xban li Dios saꞌ li naꞌajej li queꞌoc cuiꞌ. Ut queꞌxba̱nu ajcuiꞌ li incꞌaꞌ us li queꞌcꞌameꞌ cuiꞌ xbeheb xbaneb li rey li queꞌcuan aran Israel.

2 Reyes 17:10

Ut queꞌxyi̱b lix jalam u̱ch lix Asera lix dioseb ut queꞌxqꞌue saꞌ eb li tzu̱l ut queꞌxqꞌue ajcuiꞌ rubeleb li cheꞌ li ni̱nk xmuheb. Ut queꞌxxakab ajcuiꞌ li okech yi̱banbil riqꞌuin pec re xlokꞌoninquil lix dioseb.

2 Reyes 17:16

Queꞌxtzꞌekta̱na chixjunil li chakꞌrab li quiqꞌueheꞌ reheb xban li Ka̱cuaꞌ lix Dioseb. Ut queꞌxyi̱b riqꞌuin li chꞌi̱chꞌ cuib xjalam u̱ch li cuacax ut queꞌxlokꞌoni. Queꞌxyi̱b lix jalam u̱ch lix Asera lix dioseb. Ut queꞌxlokꞌoni ajcuiꞌ laj Baal ut eb li chahim, li sakꞌe ut li po.