Levítico 25:9 - Li Santil hu

⁹ Ut saꞌ li laje̱b xbe li xcuuk li po re li chihab aꞌan, te̱ya̱basiheb li trompeta saꞌ chixjunil li tenamit. Aꞌan li cutan nak nequexninkꞌei̱c ut nequexmayejac re xtojbal rix le̱ ma̱c.

Q'eqchi Bible

⁹ ut sa' li lajeeb' xb'e li xwuq po, sa' xkutankil li kuyuk sachok maak, teek'e chi yaab'asiik li xukub' sa' chixjunil li tenamit.

Levítico 25:9 ပူးပေါင်းရင်းမြစ်များ

Levítico 23:24

—A̱tinan riqꞌuineb laj Israel ut ta̱ye reheb nak li xbe̱n cutan re li xcuuk li po, aꞌan jun hiloba̱l cutan chokꞌ e̱re. Te̱chꞌutub e̱rib ut te̱ya̱basi li trompetas re xjulticanquil nak xticla li po nak teꞌxba̱nu li lokꞌlaj ninkꞌe.

Levítico 23:27

—Saꞌ li laje̱b xbe li xcuuk po, aꞌan li cutan nak te̱qꞌue le̱ mayej re xtojbal rix le̱ ma̱c. Te̱chꞌutub e̱rib ut te̱ba̱nu li lokꞌlaj ninkꞌe. Te̱ba̱nu le̱ ayu̱n ut te̱cꞌat le̱ mayej re xqꞌuebal xlokꞌal li Ka̱cuaꞌ.

1 Ts 1:8

Anakcuan e̱ban la̱ex nak yalak bar qui-abi̱c resil ra̱tin li Dios. Ma̱cuaꞌ caꞌaj cuiꞌ Macedonia ut Acaya. Qui-abi̱c ban ajcuiꞌ saꞌ chixjunil li naꞌajej. Yalak bar qui-abi̱c resil nak la̱ex xepa̱b li Dios. Joꞌcan nak la̱o incꞌaꞌ chic tento nak takaye resil le̱ pa̱ba̱l.

Romanos 15:19

Xinjultica resil li Jesucristo chiruheb riqꞌuin li milagros ut li sachba chꞌo̱lej ut riqꞌuin xcuanquil li Santil Musikꞌej. Yalak bar quinbeni xyebal resil li colba-ib. Quintiquib Jerusalén, ut quinsuti chixjunileb li naꞌajej toj retal quincuulac Ilírico.

Romanos 10:18

Ut la̱in ninye, ¿ma ya̱l ta biꞌ nak eb laj Israel incꞌaꞌ queꞌrabi chak resil junxil? Queꞌrabi. ¿Cꞌaꞌut nak incꞌaꞌ? Xban nak tzꞌi̱banbil chi joꞌcaꞌin saꞌ li Santil Hu: Saꞌ chixjunil li ruchichꞌochꞌ qui-el resil ut jun sut rubel choxa quicuulac li ra̱tineb. (Sal. 19:4)

Salmos 89:15

Us xak reheb li tenamit li nequeꞌxnau xqꞌuebal a̱lokꞌal. Us xak reheb li nequeꞌxba̱nu li cꞌaꞌru nacacꞌut chiruheb, at nimajcual Dios.

Números 36:4

Ut saꞌ li chihab re sahil chꞌo̱lejil, nak ta̱qꞌuehekꞌ cuiꞌchic li chꞌochꞌ re li tzꞌakal aj e̱chal re, lix chꞌochꞌeb lix rabin laj Zelofehad ta̱kꞌaxo̱nk chi junaj cua saꞌ xcue̱nteb li jalan xte̱paleb li queꞌsumla cuiꞌ li ixk. Ut la̱o incꞌaꞌ chic ta̱ru̱k take̱chani li kachꞌochꞌ, chanqueb.

Números 10:10

Teꞌya̱basi̱k li trompetas saꞌ eb li cutan nak sahak saꞌ e̱chꞌo̱l ut nak nequexninkꞌei̱c saꞌ xkꞌehil ut re li xyoꞌlajic li po. Teꞌya̱basi̱k li trompeta nak nequeqꞌue le̱ cꞌatbil mayej ut eb li mayej re xcꞌambal e̱rib saꞌ usilal cuiqꞌuin. Ut la̱in li Ka̱cuaꞌ texjulticokꞌ cue. La̱in li Ka̱cuaꞌ le̱ Dios, chan.

Levítico 27:24

Ut saꞌ li chihab re sahil chꞌo̱lejil li chꞌochꞌ ta̱cana̱k cuiꞌchic chokꞌ re laj e̱chal re li quicꞌayin re.

Levítico 27:17

Cui ut naxyechiꞌi lix chꞌochꞌ saꞌ li chihab re sahil chꞌo̱lejil, aꞌ yal joꞌ nimal lix tzꞌak, aꞌan li tixtoj.

Levítico 16:30

Saꞌ li cutan aꞌan texmayejak re xtojbal rix le̱ ma̱c. Ut ta̱cuyekꞌ le̱ ma̱c xban li Ka̱cuaꞌ ut cuybilak sachbilak chic le̱ ma̱c.

Levítico 16:20

Nak laj Aarón ta̱rakekꞌ chixsantobresinquil li Lokꞌlaj Santil Naꞌajej ut li tabernáculo joꞌ ajcuiꞌ li artal, tixtakla xcꞌambal li chiba̱t li yoꞌyo.

Levítico 25:8

Yo̱kex rajlanquileb li chihab chi cuukutk toj retal ta̱cuulak li bele̱b roxcꞌa̱l (49) chihab.

Josué 6:4

Cuukub eb laj tij teꞌxcꞌam junju̱nk xxucubeb li carner re teꞌxya̱basi. Aꞌaneb li teꞌcꞌamok be chiru li Lokꞌlaj Ca̱x. Ut saꞌ lix cuuk li cutan te̱suti rix li tenamit cuukub sut. Ut eb laj tij yo̱keb chixya̱basinquil li xucub.

Isaías 27:13

Saꞌ eb li cutan aꞌan ta̱ya̱basi̱k chi cau li trompeta. Eb laj Israel li queꞌchapeꞌ ut queꞌcꞌameꞌ saꞌ eb li tenamit Asiria ut Egipto teꞌxchꞌutub ribeb ut teꞌxic Jerusalén ut teꞌxlokꞌoni li Ka̱cuaꞌ saꞌ lix santil tzu̱l.

Levítico 16:29

Aꞌin jun chakꞌrab tenebanbil saꞌ e̱be̱n ut cua̱nk chi junelic. Te̱ba̱nu la̱ex aj Israel joꞌ ajcuiꞌ eb li jalaneb xtenamit li cuanqueb saꞌ e̱ya̱nk. Saꞌ li laje̱b xbe li xcuuk li po te̱ba̱nu le̱ ayu̱n ut ma̱ jun li cꞌanjel te̱ba̱nu.

Salmos 89:16

Saꞌ a̱cꞌabaꞌ la̱at junelic sahak saꞌ xchꞌo̱leb. Numtajenak xsahil xchꞌo̱leb xban la̱ ti̱quilal.